 |
 |
|
|
|
 |
| |
| | Wycliffe |   | |  | | | | | Tts 2:1 | But speke thou tho thingis that bisemen hoolsum teching;
| | | | Tts 2:2 | that elde men be sobre, chast, prudent, hool in feith, in loue, and pacience;
| | | | Tts 2:3 | also olde wymmen in hooli abite, not sclaundereris, not seruynge myche to wyn, wel techynge, that thei teche prudence.
| | | | Tts 2:4 | Moneste thou yonge wymmen, that thei loue here hosebondis, that thei loue her children;
| | | | Tts 2:5 | and that thei be prudent, chast, sobre, hauynge cure of the hous, benygne, suget to her hosebondis, that the word of God be not blasfemyd.
| | | | Tts 2:6 | Also moneste thou yonge men, that thei be sobre.
| | | | Tts 2:7 | In alle thingis yyue thi silf ensaumple of good werkis, in teching, in hoolnesse, in sadnesse.
| | | | Tts 2:8 | An hoolsum word, and vnrepreuable; that he that is of the contrarie side, be aschamed, hauynge noon yuel thing to seie of you.
| | | | Tts 2:9 | Moneste thou seruauntis to be suget to her lordis; in alle thingis plesinge, not ayenseiynge, not defraudynge,
| | | | Tts 2:10 | but in alle thingis schewinge good feith, that thei onoure in alle thingis the doctryn of `God, oure sauyour.
| | | | Tts 2:11 | For the grace of `God, oure sauyour,
| | | | Tts 2:12 | hath apperid to alle men, and tauyte vs, that we forsake wickidnesse, and worldli desyris, lyue sobreli, and iustli, `and piteuousli in this world,
| | | | Tts 2:13 | abidinge the blessid hope and the comyng of the glorie of the greet God, and of oure sauyour Jhesu Crist;
| | | | Tts 2:14 | that yaf hym silf for vs, to ayenbie vs fro al wickidnesse, and make clene to hym silf a puple acceptable, and suere of good werkis.
| | | | Tts 2:15 | Speke thou these thingis, and moneste thou, and repreue thou with al comaundement; no man dispise thee.
| | | |
|
|
| |
