| |
Wycliffe |   | |
 |
| |
| | 1Ti 4:1 | But the spirit seith opynli, that in the laste tymes summen schulen departe fro the feith, yyuynge tent to spiritis of errour, and to techingis of deuelis; that speken leesing in ipocrisie, Blame thou not an eldere man, but biseche as a fadir, yonge men as britheren; elde wymmen as modris,
| |
| | 1Ti 4:2 | and haue her conscience corrupt, yonge wymmen as sistris, in al chastite.
| |
| | 1Ti 4:3 | forbedinge to be weddid, to absteyne fro metis, whiche God made to take with doyng of thankingis, to feithful men, and hem that han knowe the treuthe.
| |
| | 1Ti 4:4 | For ech creature of God is good, and no thing is to be cast awei, which is takun with doyng of thankyngis;
| |
| | 1Ti 4:5 | for it is halewid bi the word of God, and bi preyer.
| |
| | 1Ti 4:6 | Thou puttynge forth these thingis to britheren, schalt be a good mynystre of Crist Jhesu; nurschid with wordis of feith and of good doctryne, which thou hast gete.
| |
| | 1Ti 4:7 | But eschewe thou vncouenable fablis, and elde wymmenus fablis; haunte thi silf to pitee.
| |
| | 1Ti 4:8 | For bodili exercitation is profitable to litle thing; but pitee is profitable to alle thingis, that hath a biheest of lijf that now is, and that is to come.
| |
| | 1Ti 4:9 | A trewe word, and worthi al acceptacioun.
| |
| | 1Ti 4:10 | And in this thing we trauelen, and ben cursid, for we hopen in lyuyng God, that is sauyour of alle men, moost of feithful men.
| |
| | 1Ti 4:11 | Comaunde thou this thing, and teche.
| |
| | 1Ti 4:12 | No man dispise thi yongthe, but be thou ensaumple of feithful men in word, in lyuyng, in charite, in feith, in chastite.
| |
| | 1Ti 4:13 | Tyl Y come, take tent to redyng, to exortacioun and teching.
| |
| | 1Ti 4:14 | Nyle thou litil charge the grace which is in thee, that is youun to thee bi profecie, with putting on of the hondis of preesthod.
| |
| | 1Ti 4:15 | Thenke thou these thingis, in these be thou, that thi profiting be schewid to alle men.
| |
| | 1Ti 4:16 | Take tent to thi silf and to doctryn; be bisi in hem. For thou doynge these thingis, schalt `make bothe thi silf saaf, and hem that heren thee.
| |
