| |
Wycliffe |   | |
 |
| |
| | 2Cr 6:1 | But we helpynge monesten, that ye resseyuen not the grace of God in veyn.
| |
| | 2Cr 6:2 | For he seith, In tyme wel plesinge Y haue herd thee, and in the dai of heelthe Y haue helpid thee. Lo! now a tyme acceptable, lo! now a dai of heelthe.
| |
| | 2Cr 6:3 | Yyue we to no man ony offencioun, that oure seruyce be not repreued;
| |
| | 2Cr 6:4 | but in alle thingis yyue we vs silf as the mynystris of God, in myche pacience, in tribulaciouns,
| |
| | 2Cr 6:5 | in nedis, in angwischis, in betyngis, in prisouns, in dissensiouns with ynne, in trauels, in wakyngis, in fastyngis,
| |
| | 2Cr 6:6 | in chastite, in kunnyng, in long abiding, in swetnesse, in the Hooli Goost,
| |
| | 2Cr 6:7 | in charite not feined, in the word of treuthe, in the vertu of God; bi armeris of riytwisnesse on the riythalf and on the lefthalf;
| |
| | 2Cr 6:8 | bi glorie and vnnoblei; bi yuel fame and good fame; as disseyueris, and trewe men; as thei that ben vnknowun, and knowun;
| |
| | 2Cr 6:9 | as men diynge, and lo! we lyuen; as chastisid, and not maad deed;
| |
| | 2Cr 6:10 | as sorewful, euere more ioiynge; as hauynge nede, but makynge many men riche; as no thing hauynge, and weldynge alle thingis.
| |
| | 2Cr 6:11 | A! ye Corynthies, oure mouth is open to you, oure herte is alargid;
| |
| | 2Cr 6:12 | ye ben not angwischid in vs, but ye ben anguischid in youre inwardnessis.
| |
| | 2Cr 6:13 | And Y seie as to sones, ye that han the same reward, be ye alargid.
| |
| | 2Cr 6:14 | Nyle ye bere the yok with vnfeithful men. For what parting of riytwisnes with wickidnesse? or what felouschipe of liyt to derknessis?
| |
| | 2Cr 6:15 | and what acording of Crist to Belial? or what part of a feithful with the vnfeithful?
| |
| | 2Cr 6:16 | and what consent to the temple of God with mawmetis? And ye ben the temple of the lyuynge God, as the Lord seith, For Y schal dwelle in hem, and Y schal walke among hem; and Y schal be God of hem, and thei schulen be a puple to me.
| |
| | 2Cr 6:17 | For which thing go ye out of the myddil of hem, and be ye departid, seith the Lord, and touche ye not vnclene thing;
| |
| | 2Cr 6:18 | and Y schal resseyue you, and schal be to you in to a fadir, and ye schulen be to me in to sones and douytris, seith the Lord almyyti.
| |
