| |
Septuagint |   | |
 |
| |
| | Deu 27:1 | και προσεταξεν μωυσης και η γερουσια ισραηλ λεγων φυλασσεσθε πασας τας εντολας ταυτας οσας εγω εντελλομαι υμιν σημερον
| |
| | Deu 27:2 | και εσται η αν ημερα διαβητε τον ιορδανην εις την γην ην κυριος ο θεος σου διδωσιν σοι και στησεις σεαυτω λιθους μεγαλους και κονιασεις αυτους κονια
| |
| | Deu 27:3 | και γραψεις επι των λιθων παντας τους λογους του νομου τουτου ως αν διαβητε τον ιορδανην ηνικα εαν εισελθητε εις την γην ην κυριος ο θεος των πατερων σου διδωσιν σοι γην ρεουσαν γαλα και μελι ον τροπον ειπεν κυριος ο θεος των πατερων σου σοι
| |
| | Deu 27:4 | και εσται ως αν διαβητε τον ιορδανην στησετε τους λιθους τουτους ους εγω εντελλομαι σοι σημερον εν ορει γαιβαλ και κονιασεις αυτους κονια
| |
| | Deu 27:5 | και οικοδομησεις εκει θυσιαστηριον κυριω τω θεω σου θυσιαστηριον εκ λιθων ουκ επιβαλεις επ' αυτους σιδηρον
| |
| | Deu 27:6 | λιθους ολοκληρους οικοδομησεις θυσιαστηριον κυριω τω θεω σου και ανοισεις επ' αυτο ολοκαυτωματα κυριω τω θεω σου
| |
| | Deu 27:7 | και θυσεις εκει θυσιαν σωτηριου κυριω τω θεω σου και φαγη και εμπλησθηση και ευφρανθηση εναντιον κυριου του θεου σου
| |
| | Deu 27:8 | και γραψεις επι των λιθων παντα τον νομον τουτον σαφως σφοδρα
| |
| | Deu 27:9 | και ελαλησεν μωυσης και οι ιερεις οι λευιται παντι ισραηλ λεγοντες σιωπα και ακουε ισραηλ εν τη ημερα ταυτη γεγονας εις λαον κυριω τω θεω σου
| |
| | Deu 27:10 | και εισακουση της φωνης κυριου του θεου σου και ποιησεις πασας τας εντολας αυτου και τα δικαιωματα αυτου οσα εγω εντελλομαι σοι σημερον
| |
| | Deu 27:11 | και ενετειλατο μωυσης τω λαω εν τη ημερα εκεινη λεγων
| |
| | Deu 27:12 | ουτοι στησονται ευλογειν τον λαον εν ορει γαριιν διαβαντες τον ιορδανην συμεων λευι ιουδας ισσαχαρ ιωσηφ και βενιαμιν
| |
| | Deu 27:13 | και ουτοι στησονται επι της καταρας εν ορει γαιβαλ ρουβην γαδ και ασηρ αβουλων δαν και νεφθαλι
| |
| | Deu 27:14 | και αποκριθεντες οι λευιται ερουσιν παντι ισραηλ φωνη μεγαλη
| |
| | Deu 27:15 | επικαταρατος ανθρωπος οστις ποιησει γλυπτον και χωνευτον βδελυγμα κυριω εργον χειρων τεχνιτου και θησει αυτο εν αποκρυφω και αποκριθεις πας ο λαος ερουσιν γενοιτο
| |
| | Deu 27:16 | επικαταρατος ο ατιμαων πατερα αυτου η μητερα αυτου και ερουσιν πας ο λαος γενοιτο
| |
| | Deu 27:17 | επικαταρατος ο μετατιθεις ορια του πλησιον και ερουσιν πας ο λαος γενοιτο
| |
| | Deu 27:18 | επικαταρατος ο πλανων τυφλον εν οδω και ερουσιν πας ο λαος γενοιτο
| |
| | Deu 27:19 | επικαταρατος ος αν εκκλινη κρισιν προσηλυτου και ορφανου και χηρας και ερουσιν πας ο λαος γενοιτο
| |
| | Deu 27:20 | επικαταρατος ο κοιμωμενος μετα γυναικος του πατρος αυτου οτι απεκαλυψεν συγκαλυμμα του πατρος αυτου και ερουσιν πας ο λαος γενοιτο
| |
| | Deu 27:21 | επικαταρατος ο κοιμωμενος μετα παντος κτηνους και ερουσιν πας ο λαος γενοιτο
| |
| | Deu 27:22 | επικαταρατος ο κοιμωμενος μετα αδελφης εκ πατρος η εκ μητρος αυτου και ερουσιν πας ο λαος γενοιτο
| |
| | Deu 27:23 | επικαταρατος ο κοιμωμενος μετα πενθερας αυτου και ερουσιν πας ο λαος γενοιτο επικαταρατος ο κοιμωμενος μετα αδελφης γυναικος αυτου και ερουσιν πας ο λαος γενοιτο
| |
| | Deu 27:24 | επικαταρατος ο τυπτων τον πλησιον αυτου δολω και ερουσιν πας ο λαος γενοιτο
| |
| | Deu 27:25 | επικαταρατος ος αν λαβη δωρα παταξαι ψυχην αιματος αθωου και ερουσιν πας ο λαος γενοιτο
| |
| | Deu 27:26 | επικαταρατος πας ανθρωπος ος ουκ εμμενει εν πασιν τοις λογοις του νομου τουτου του ποιησαι αυτους και ερουσιν πας ο λαος γενοιτο
| |
