| |
Septuagint |   | |
 |
| |
| | Sgs 7:1 | επιστρεφε επιστρεφε η σουλαμιτις επιστρεφε επιστρεφε και οψομεθα εν σοι τι οψεσθε εν τη σουλαμιτιδι η ερχομενη ως χοροι των παρεμβολων
| |
| | Sgs 7:2 | τι ωραιωθησαν διαβηματα σου εν υποδημασιν θυγατερ ναδαβ ρυθμοι μηρων σου ομοιοι ορμισκοις εργω χειρων τεχνιτου
| |
| | Sgs 7:3 | ομφαλος σου κρατηρ τορευτος μη υστερουμενος κραμα κοιλια σου θιμωνια σιτου πεφραγμενη εν κρινοις
| |
| | Sgs 7:4 | δυο μαστοι σου ως δυο νεβροι διδυμοι δορκαδος
| |
| | Sgs 7:5 | τραχηλος σου ως πυργος ελεφαντινος οφθαλμοι σου ως λιμναι εν εσεβων εν πυλαις θυγατρος πολλων μυκτηρ σου ως πυργος του λιβανου σκοπευων προσωπον δαμασκου
| |
| | Sgs 7:6 | κεφαλη σου επι σε ως καρμηλος και πλοκιον κεφαλης σου ως πορφυρα βασιλευς δεδεμενος εν παραδρομαις
| |
| | Sgs 7:7 | τι ωραιωθης και τι ηδυνθης αγαπη εν τρυφαις σου
| |
| | Sgs 7:8 | τουτο μεγεθος σου ωμοιωθη τω φοινικι και οι μαστοι σου τοις βοτρυσιν
| |
| | Sgs 7:9 | ειπα αναβησομαι εν τω φοινικι κρατησω των υψεων αυτου και εσονται δη μαστοι σου ως βοτρυες της αμπελου και οσμη ρινος σου ως μηλα
| |
| | Sgs 7:10 | και λαρυγξ σου ως οινος ο αγαθος πορευομενος τω αδελφιδω μου εις ευθυθητα ικανουμενος χειλεσιν μου και οδουσιν
| |
| | Sgs 7:11 | εγω τω αδελφιδω μου και επ' εμε η επιστροφη αυτου
| |
| | Sgs 7:12 | ελθε αδελφιδε μου εξελθωμεν εις αγρον αυλισθωμεν εν κωμαις
| |
| | Sgs 7:13 | ορθρισωμεν εις αμπελωνας ιδωμεν ει ηνθησεν η αμπελος ηνθησεν ο κυπρισμος ηνθησαν αι ροαι εκει δωσω τους μαστους μου σοι
| |
| | Sgs 7:14 | οι μανδραγοραι εδωκαν οσμην και επι θυραις ημων παντα ακροδρυα νεα προς παλαια αδελφιδε μου ετηρησα σοι
| |
