| |
Septuagint |  | |
 |
| |
| | Sgs 2:1 | εγω ανθος του πεδιου κρινον των κοιλαδων
| |
| | Sgs 2:2 | ως κρινον εν μεσω ακανθων ουτως η πλησιον μου ανα μεσον των θυγατερων
| |
| | Sgs 2:3 | ως μηλον εν τοις ξυλοις του δρυμου ουτως αδελφιδος μου ανα μεσον των υιων εν τη σκια αυτου επεθυμησα και εκαθισα και καρπος αυτου γλυκυς εν λαρυγγι μου
| |
| | Sgs 2:4 | εισαγαγετε με εις οικον του οινου ταξατε επ' εμε αγαπην
| |
| | Sgs 2:5 | στηρισατε με εν αμοραις στοιβασατε με εν μηλοις οτι τετρωμενη αγαπης εγω
| |
| | Sgs 2:6 | ευωνυμος αυτου υπο την κεφαλην μου και η δεξια αυτου περιλημψεται με
| |
| | Sgs 2:7 | ωρκισα υμας θυγατερες ιερουσαλημ εν ταις δυναμεσιν και εν ταις ισχυσεσιν του αγρου εαν εγειρητε και εξεγειρητε την αγαπην εως ου θεληση
| |
| | Sgs 2:8 | φωνη αδελφιδου μου ιδου ουτος ηκει πηδων επι τα ορη διαλλομενος επι τους βουνους
| |
| | Sgs 2:9 | ομοιος εστιν αδελφιδος μου τη δορκαδι η νεβρω ελαφων επι τα ορη βαιθηλ ιδου ουτος εστηκεν οπισω του τοιχου ημων παρακυπτων δια των θυριδων εκκυπτων δια των δικτυων
| |
| | Sgs 2:10 | αποκρινεται αδελφιδος μου και λεγει μοι αναστα ελθε η πλησιον μου καλη μου περιστερα μου
| |
| | Sgs 2:11 | οτι ιδου ο χειμων παρηλθεν ο υετος απηλθεν επορευθη εαυτω
| |
| | Sgs 2:12 | τα ανθη ωφθη εν τη γη καιρος της τομης εφθακεν φωνη του τρυγονος ηκουσθη εν τη γη ημων
| |
| | Sgs 2:13 | η συκη εξηνεγκεν ολυνθους αυτης αι αμπελοι κυπριουσιν εδωκαν οσμην αναστα ελθε η πλησιον μου καλη μου περιστερα μου
| |
| | Sgs 2:14 | και ελθε συ περιστερα μου εν σκεπη της πετρας εχομενα του προτειχισματος δειξον μοι την οψιν σου και ακουτισον με την φωνην σου οτι η φωνη σου ηδεια και η οψις σου ωραια
| |
| | Sgs 2:15 | πιασατε ημιν αλωπεκας μικρους αφανιοντας αμπελωνας και αι αμπελοι ημων κυπριουσιν
| |
| | Sgs 2:16 | αδελφιδος μου εμοι καγω αυτω ο ποιμαινων εν τοις κρινοις
| |
| | Sgs 2:17 | εως ου διαπνευση η ημερα και κινηθωσιν αι σκιαι αποστρεψον ομοιωθητι συ αδελφιδε μου τω δορκωνι η νεβρω ελαφων επι ορη κοιλωματων
| |