| |
Septuagint |   | |
 |
| |
| | 2Sa 22:1 | και ελαλησεν δαυιδ τω κυριω τους λογους της ωδης ταυτης εν η ημερα εξειλατο αυτον κυριος εκ χειρος παντων των εχθρων αυτου και εκ χειρος σαουλ
| |
| | 2Sa 22:2 | και ειπεν κυριε πετρα μου και οχυρωμα μου και εξαιρουμενος με εμοι
| |
| | 2Sa 22:3 | ο θεος μου φυλαξ εσται μου πεποιθως εσομαι επ' αυτω υπερασπιστης μου και κερας σωτηριας μου αντιλημπτωρ μου και καταφυγη μου σωτηριας μου εξ αδικου σωσεις με
| |
| | 2Sa 22:4 | αινετον επικαλεσομαι κυριον και εκ των εχθρων μου σωθησομαι
| |
| | 2Sa 22:5 | οτι περιεσχον με συντριμμοι θανατου χειμαρροι ανομιας εθαμβησαν με
| |
| | 2Sa 22:6 | ωδινες θανατου εκυκλωσαν με προεφθασαν με σκληροτητες θανατου
| |
| | 2Sa 22:7 | εν τω θλιβεσθαι με επικαλεσομαι κυριον και προς τον θεον μου βοησομαι και επακουσεται εκ ναου αυτου φωνης μου και η κραυγη μου εν τοις ωσιν αυτου
| |
| | 2Sa 22:8 | και εταραχθη και εσεισθη η γη και τα θεμελια του ουρανου συνεταραχθησαν και εσπαραχθησαν οτι εθυμωθη κυριος αυτοις
| |
| | 2Sa 22:9 | ανεβη καπνος εν τη οργη αυτου και πυρ εκ στοματος αυτου κατεδεται ανθρακες εξεκαυθησαν απ' αυτου
| |
| | 2Sa 22:10 | και εκλινεν ουρανους και κατεβη και γνοφος υποκατω των ποδων αυτου
| |
| | 2Sa 22:11 | και επεκαθισεν επι χερουβιν και επετασθη και ωφθη επι πτερυγων ανεμου
| |
| | 2Sa 22:12 | και εθετο σκοτος αποκρυφην αυτου κυκλω αυτου η σκηνη αυτου σκοτος υδατων επαχυνεν εν νεφελαις αερος
| |
| | 2Sa 22:13 | απο του φεγγους εναντιον αυτου εξεκαυθησαν ανθρακες πυρος
| |
| | 2Sa 22:14 | εβροντησεν εξ ουρανου κυριος και ο υψιστος εδωκεν φωνην αυτου
| |
| | 2Sa 22:15 | και απεστειλεν βελη και εσκορπισεν αυτους αστραπην και εξεστησεν αυτους
| |
| | 2Sa 22:16 | και ωφθησαν αφεσεις θαλασσης και απεκαλυφθη θεμελια της οικουμενης εν τη επιτιμησει κυριου απο πνοης πνευματος θυμου αυτου
| |
| | 2Sa 22:17 | απεστειλεν εξ υψους και ελαβεν με ειλκυσεν με εξ υδατων πολλων
| |
| | 2Sa 22:18 | ερρυσατο με εξ εχθρων μου ισχυος εκ των μισουντων με οτι εκραταιωθησαν υπερ εμε
| |
| | 2Sa 22:19 | προεφθασαν με εν ημερα θλιψεως μου και εγενετο κυριος επιστηριγμα μου
| |
| | 2Sa 22:20 | και εξηγαγεν με εις πλατυσμον και εξειλατο με οτι ευδοκησεν εν εμοι
| |
| | 2Sa 22:21 | και ανταπεδωκεν μοι κυριος κατα την δικαιοσυνην μου κατα την καθαριοτητα των χειρων μου ανταπεδωκεν μοι
| |
| | 2Sa 22:22 | οτι εφυλαξα οδους κυριου και ουκ ησεβησα απο του θεου μου
| |
| | 2Sa 22:23 | οτι παντα τα κριματα αυτου κατεναντιον μου και τα δικαιωματα αυτου ουκ απεστην απ' αυτων
| |
| | 2Sa 22:24 | και εσομαι αμωμος αυτω και προφυλαξομαι απο της ανομιας μου
| |
| | 2Sa 22:25 | και αποδωσει μοι κυριος κατα την δικαιοσυνην μου και κατα την καθαριοτητα των χειρων μου ενωπιον των οφθαλμων αυτου
| |
| | 2Sa 22:26 | μετα οσιου οσιωθηση και μετα ανδρος τελειου τελειωθηση
| |
| | 2Sa 22:27 | και μετα εκλεκτου εκλεκτος εση και μετα στρεβλου στρεβλωθηση
| |
| | 2Sa 22:28 | και τον λαον τον πτωχον σωσεις και οφθαλμους επι μετεωρων ταπεινωσεις
| |
| | 2Sa 22:29 | οτι συ ο λυχνος μου κυριε και κυριος εκλαμψει μοι το σκοτος μου
| |
| | 2Sa 22:30 | οτι εν σοι δραμουμαι μονοωνος και εν τω θεω μου υπερβησομαι τειχος
| |
| | 2Sa 22:31 | ο ισχυρος αμωμος η οδος αυτου το ρημα κυριου κραταιον πεπυρωμενον υπερασπιστης εστιν πασιν τοις πεποιθοσιν επ' αυτω
| |
| | 2Sa 22:32 | τις ισχυρος πλην κυριου και τις κτιστης εσται πλην του θεου ημων
| |
| | 2Sa 22:33 | ο ισχυρος ο κραταιων με δυναμει και εξετιναξεν αμωμον την οδον μου
| |
| | 2Sa 22:34 | τιθεις τους ποδας μου ως ελαφων και επι τα υψη ιστων με
| |
| | 2Sa 22:35 | διδασκων χειρας μου εις πολεμον και καταξας τοξον χαλκουν εν βραχιονι μου
| |
| | 2Sa 22:36 | και εδωκας μοι υπερασπισμον σωτηριας μου και η υπακοη σου επληθυνεν με
| |
| | 2Sa 22:37 | εις πλατυσμον εις τα διαβηματα μου υποκατω μου και ουκ εσαλευθησαν τα σκελη μου
| |
| | 2Sa 22:38 | διωξω εχθρους μου και αφανιω αυτους και ουκ αναστρεψω εως συντελεσω αυτους
| |
| | 2Sa 22:39 | και θλασω αυτους και ουκ αναστησονται και πεσουνται υπο τους ποδας μου
| |
| | 2Sa 22:40 | και ενισχυσεις με δυναμει εις πολεμον καμψεις τους επανιστανομενους μοι υποκατω μου
| |
| | 2Sa 22:41 | και τους εχθρους μου εδωκας μοι νωτον τους μισουντας με και εθανατωσας αυτους
| |
| | 2Sa 22:42 | βοησονται και ουκ εστιν βοηθος προς κυριον και ουχ υπηκουσεν αυτων
| |
| | 2Sa 22:43 | και ελεανα αυτους ως χουν γης ως πηλον εξοδων ελεπτυνα αυτους
| |
| | 2Sa 22:44 | και ρυση με εκ μαχης λαων φυλαξεις με εις κεφαλην εθνων λαος ον ουκ εγνων εδουλευσαν μοι
| |
| | 2Sa 22:45 | υιοι αλλοτριοι εψευσαντο μοι εις ακοην ωτιου ηκουσαν μου
| |
| | 2Sa 22:46 | υιοι αλλοτριοι απορριφησονται και σφαλουσιν εκ των συγκλεισμων αυτων
| |
| | 2Sa 22:47 | η κυριος και ευλογητος ο φυλαξ μου και υψωθησεται ο θεος μου ο φυλαξ της σωτηριας μου
| |
| | 2Sa 22:48 | ισχυρος κυριος ο διδους εκδικησεις εμοι παιδευων λαους υποκατω μου
| |
| | 2Sa 22:49 | και εξαγων με εξ εχθρων μου και εκ των επεγειρομενων μοι υψωσεις με εξ ανδρος αδικηματων ρυση με
| |
| | 2Sa 22:50 | δια τουτο εξομολογησομαι σοι κυριε εν τοις εθνεσιν και εν τω ονοματι σου ψαλω
| |
| | 2Sa 22:51 | μεγαλυνων σωτηριας βασιλεως αυτου και ποιων ελεος τω χριστω αυτου τω δαυιδ και τω σπερματι αυτου εως αιωνος
| |
