| |
Septuagint |   | |
 |
| |
| | Gen 15:1 | μετα δε τα ρηματα ταυτα εγενηθη ρημα κυριου προς αβραμ εν οραματι λεγων μη φοβου αβραμ εγω υπερασπιω σου ο μισθος σου πολυς εσται σφοδρα
| |
| | Gen 15:2 | λεγει δε αβραμ δεσποτα τι μοι δωσεις εγω δε απολυομαι ατεκνος ο δε υιος μασεκ της οικογενους μου ουτος δαμασκος ελιεερ
| |
| | Gen 15:3 | και ειπεν αβραμ επειδη εμοι ουκ εδωκας σπερμα ο δε οικογενης μου κληρονομησει με
| |
| | Gen 15:4 | και ευθυς φωνη κυριου εγενετο προς αυτον λεγων ου κληρονομησει σε ουτος αλλ' ος εξελευσεται εκ σου ουτος κληρονομησει σε
| |
| | Gen 15:5 | εξηγαγεν δε αυτον εξω και ειπεν αυτω αναβλεψον δη εις τον ουρανον και αριθμησον τους αστερας ει δυνηση εξαριθμησαι αυτους και ειπεν ουτως εσται το σπερμα σου
| |
| | Gen 15:6 | και επιστευσεν αβραμ τω θεω και ελογισθη αυτω εις δικαιοσυνην
| |
| | Gen 15:7 | ειπεν δε προς αυτον εγω ο θεος ο εξαγαγων σε εκ χωρας χαλδαιων ωστε δουναι σοι την γην ταυτην κληρονομησαι
| |
| | Gen 15:8 | ειπεν δε δεσποτα κυριε κατα τι γνωσομαι οτι κληρονομησω αυτην
| |
| | Gen 15:9 | ειπεν δε αυτω λαβε μοι δαμαλιν τριετιουσαν και αιγα τριετιουσαν και κριον τριετιοντα και τρυγονα και περιστεραν
| |
| | Gen 15:10 | ελαβεν δε αυτω παντα ταυτα και διειλεν αυτα μεσα και εθηκεν αυτα αντιπροσωπα αλληλοις τα δε ορνεα ου διειλεν
| |
| | Gen 15:11 | κατεβη δε ορνεα επι τα σωματα τα διχοτομηματα αυτων και συνεκαθισεν αυτοις αβραμ
| |
| | Gen 15:12 | περι δε ηλιου δυσμας εκστασις επεπεσεν τω αβραμ και ιδου φοβος σκοτεινος μεγας επιπιπτει αυτω
| |
| | Gen 15:13 | και ερρεθη προς αβραμ γινωσκων γνωση οτι παροικον εσται το σπερμα σου εν γη ουκ ιδια και δουλωσουσιν αυτους και κακωσουσιν αυτους και ταπεινωσουσιν αυτους τετρακοσια ετη
| |
| | Gen 15:14 | το δε εθνος ω εαν δουλευσωσιν κρινω εγω μετα δε ταυτα εξελευσονται ωδε μετα αποσκευης πολλης
| |
| | Gen 15:15 | συ δε απελευση προς τους πατερας σου μετ' ειρηνης ταφεις εν γηρει καλω
| |
| | Gen 15:16 | τεταρτη δε γενεα αποστραφησονται ωδε ουπω γαρ αναπεπληρωνται αι αμαρτιαι των αμορραιων εως του νυν
| |
| | Gen 15:17 | επει δε εγινετο ο ηλιος προς δυσμαις φλοξ εγενετο και ιδου κλιβανος καπνιομενος και λαμπαδες πυρος αι διηλθον ανα μεσον των διχοτομηματων τουτων
| |
| | Gen 15:18 | εν τη ημερα εκεινη διεθετο κυριος τω αβραμ διαθηκην λεγων τω σπερματι σου δωσω την γην ταυτην απο του ποταμου αιγυπτου εως του ποταμου του μεγαλου ποταμου ευφρατου
| |
| | Gen 15:19 | τους καιναιους και τους κενεαιους και τους κεδμωναιους
| |
| | Gen 15:20 | και τους χετταιους και τους φερεαιους και τους ραφαιν
| |
| | Gen 15:21 | και τους αμορραιους και τους χαναναιους και τους ευαιους και τους γεργεσαιους και τους ιεβουσαιους
| |
