| |
Hebrew Old Testament |   | |
 |
| |
| | ויהי דבר-יהוה אל-יונה שנית לאמר.
| Jon 3:1 | |
| | קום לך אל-נינוה העיר הגדולה וקרא אליה את-הקריאה אשר אנכי דבר אליך.
| Jon 3:2 | |
| | ויקם יונה וילך אל-נינוה כדבר יהוה ונינוה היתה עיר-גדולה l`ldim מהלך שלשת ימים.
| Jon 3:3 | |
| | ויחל יונה לבוא בעיר מהלך יום אחד ויקרא ויאמר עוד ארבעים יום ונינוה נהפכת.
| Jon 3:4 | |
| | ויאמינו אנשי נינוה באלהים ויקראו-צום וילבשו שקים מגדולם ועד- קטנם.
| Jon 3:5 | |
| | ויגע הדבר אל-מלך נינוה ויקם מכסאו ויעבר אדרתו מעליו ויכס שק וישב על-האפר.
| Jon 3:6 | |
| | ויזעק ויאמר בנינוה מטעם המלך וגדליו לאמר האדם והבהמה הבקר והצאן אל-יטעמו מאומה אל-ירעו ומים אל-ישתו.
| Jon 3:7 | |
| | ויתכסו שקים האדם והבהמה ויקראו אל-אלהים בחזקה וישבו איש מדרכו הרעה ומן-החמס אשר בכפיהם.
| Jon 3:8 | |
| | מי-יודע ישוב ונחם האלהים ושב מחרון אפו ולא נאבד.
| Jon 3:9 | |
| | וירא האלהים את-מעשיהם כי-שבו מדרכם הרעה וינחם האלהים על-הרעה אשר-דבר לעשות-להם ולא עשה.
| Jon 3:10 | |
