| |
Hebrew Old Testament |   | |
 |
| |
| | אל-חכך שפר כנשר על-בית יהוה יען עברו בריתי ועל-תורתי פשעו.
| Hsa 8:1 | |
| | לי יזעקו אלהי ידענוך ישראל.
| Hsa 8:2 | |
| | זנח ישראל טוב אויב ירדפו.
| Hsa 8:3 | |
| | הם המליכו ולא ממני השירו ולא ידעתי כספם וזהבם עשו להם עצבים למען יכרת.
| Hsa 8:4 | |
| | זנח עגלך שמרון חרה אפי בם עד-מתי לא יוכלו נקין.
| Hsa 8:5 | |
| | כי מישראל והוא חרש עשהו ולא אלהים הוא כי-שבבים יהיה עגל שמרון.
| Hsa 8:6 | |
| | כי רוח יזרעו וסופתה יקצרו קמה אין-לו צמח בלי יעשה-קמח אולי יעשה זרים יבלעהו.
| Hsa 8:7 | |
| | נבלע ישראל עתה היו בגוים ככלי אין-חפץ בו.
| Hsa 8:8 | |
| | כי-המה עלו אשור פרא בודד לו אפרים התנו אהבים.
| Hsa 8:9 | |
| | גם כי-יתנו בגוים עתה אקבצם ויחלו מעט ממשא מלך שרים.
| Hsa 8:10 | |
| | כי-הרבה אפרים מזבחת לחטא היו-לו מזבחות לחטא.
| Hsa 8:11 | |
| | אכתוב-לו רבו תורתי כמו-זר נחשבו.
| Hsa 8:12 | |
| | זבחי הבהבי יזבחו בשר ויאכלו יהוה לא רצם עתה יזכר עונם ויפקד חטאותם המה מצרים ישובו.
| Hsa 8:13 | |
| | וישכח ישראל את-עשהו ויבן היכלות ויהודה הרבה ערים בצרות ושלחתי-אש בעריו ואכלה ארמנתיה.
| Hsa 8:14 | |
