| |
Hebrew Old Testament |   | |
 |
| |
| | כרפאי לישראל ונגלה עון אפרים ורעות שמרון כי פעלו שקר וגנב יבוא פשט גדוד בחוץ.
| Hsa 7:1 | |
| | ובל-יאמרו ללבבם כל-רעתם זכרתי עתה סבבום מעלליהם נגד פני היו.
| Hsa 7:2 | |
| | ברעתם ישמחו-מלך ובכחשיהם שרים.
| Hsa 7:3 | |
| | כלם מנאפים כמו תנור בערה מאפה ישבות מעיר מלוש בצק עד-חמצתו.
| Hsa 7:4 | |
| | יום מלכנו החלו שרים חמת מיין משך ידו את-לצצים.
| Hsa 7:5 | |
| | כי-קרבו כתנור לבם בארבם כל-הלילה ישן אפהם בקר הוא בער כאש להבה.
| Hsa 7:6 | |
| | כלם יחמו כתנור ואכלו את-שפטיהם כל-מלכיהם נפלו אין-קרא בהם אלי.
| Hsa 7:7 | |
| | אפרים בעמים הוא יתבולל אפרים היה עגה בלי הפוכה.
| Hsa 7:8 | |
| | אכלו זרים כחו והוא לא ידע גם-שיבה זרקה בו והוא לא ידע.
| Hsa 7:9 | |
| | וענה גאון-ישראל בפניו ולא-שבו אל-יהוה אלהיהם ולא בקשהו בכל- זאת.
| Hsa 7:10 | |
| | ויהי אפרים כיונה פותה אין לב מצרים קראו אשור הלכו.
| Hsa 7:11 | |
| | כאשר ילכו אפרוש עליהם רשתי כעוף השמים אורידם איסרם כשמע לעדתם.
| Hsa 7:12 | |
| | אוי להם כי-נדדו ממני שד להם כי-פשעו בי ואנכי אפדם והמה דברו עלי כזבים.
| Hsa 7:13 | |
| | ולא-זעקו אלי בלבם כי יילילו על-משכבותם על-דגן ותירוש יתגוררו יסורו בי.
| Hsa 7:14 | |
| | ואני יסרתי חזקתי זרועתם ואלי יחשבו-רע.
| Hsa 7:15 | |
| | ישובו לא על היו כקשת רמיה יפלו בחרב שריהם מזעם לשונם זו לעגם בארץ מצרים.
| Hsa 7:16 | |
