| |
Hebrew Old Testament |   | |
 |
| |
| | שמעו-זאת הכהנים והקשיבו בית ישראל ובית המלך האזינו כי לכם המשפט כי-פח הייתם למצפה ורשת פרושה על-תבור.
| Hsa 5:1 | |
| | ושחטה שטים העמיקו ואני מוסר לכלם.
| Hsa 5:2 | |
| | אני ידעתי אפרים וישראל לא-נכחד ממני כי עתה הזנית אפרים נטמא ישראל.
| Hsa 5:3 | |
| | לא יתנו מעלליהם לשוב אל-אלהיהם כי רוח זנונים בקרבם ואת-יהוה לא ידעו.
| Hsa 5:4 | |
| | וענה גאון-ישראל בפניו וישראל ואפרים יכשלו בעונם כשל גם-יהודה rnm.
| Hsa 5:5 | |
| | בצאנם ובבקרם ילכו לבקש את-יהוה ולא ימצאו חלץ מהם.
| Hsa 5:6 | |
| | ביהוה בגדו כי-בנים זרים ילדו עתה יאכלם חדש את-חלקיהם.
| Hsa 5:7 | |
| | תקעו שופר בגבעה חצצרה ברמה הריעו בית און אחריך בנימין.
| Hsa 5:8 | |
| | אפרים לשמה תהיה ביום תוכחה בשבטי ישראל הודעתי נאמנה.
| Hsa 5:9 | |
| | היו שרי יהודה כמסיגי גבול עליהם אשפוך כמים עברתי.
| Hsa 5:10 | |
| | עשוק אפרים רצוץ משפט כי הואיל הלך אחרי-צו.
| Hsa 5:11 | |
| | ואני כעש לאפרים וכרקב לבית יהודה.
| Hsa 5:12 | |
| | וירא אפרים את-חליו ויהודה את-מזרו וילך אפרים אל-אשור וישלח אל-מלך ירב והוא לא יוכל לרפא לכם ולא-יגהה מכם מזור.
| Hsa 5:13 | |
| | כי אנכי כשחל לאפרים וככפיר לבית יהודה אני אני אטרף ואלך אשא ואין מציל.
| Hsa 5:14 | |
| | אלך אשובה אל-מקומי עד אשר-יאשמו ובקשו פני בצר להם ישחרנני.
| Hsa 5:15 | |
