| |
Hebrew Old Testament |   | |
 |
| |
| | שמעו דבר-יהוה בני ישראל כי ריב ליהוה עם-יושבי הארץ כי אין-אמת ואין-חסד ואין-דעת אלהים בארץ.
| Hsa 4:1 | |
| | אלה וכחש ורצח וגנב ונאף פרצו ודמים בדמים נגעו.
| Hsa 4:2 | |
| | על-כן תאבל הארץ ואמלל כל-יושב בה בחית השדה ובעוף השמים וגם- דגי הים יאספו.
| Hsa 4:3 | |
| | אך איש אל-ירב ואל-יוכח איש ועמך כמריבי כהן.
| Hsa 4:4 | |
| | וכשלת היום וכשל גם-נביא עמך לילה ודמיתי אמך.
| Hsa 4:5 | |
| | נדמו עמי מבלי הדעת כי-אתה הדעת מאסת ואמאסאך מכהן לי ותשכח תורת אלהיך אשכח בניך גם-אני.
| Hsa 4:6 | |
| | כרבם כן חטאו-לי כבודם בקלון אמיר.
| Hsa 4:7 | |
| | חטאת עמי יאכלו ואל-עונם ישאו נפשו.
| Hsa 4:8 | |
| | והיה כעם ככהן ופקדתי עליו דרכיו ומעלליו אשיב לו.
| Hsa 4:9 | |
| | ואכלו ולא ישבעו הזנו ולא יפרצו כי-את-יהוה עזבו לשמר.
| Hsa 4:10 | |
| | זנות ויין ותירוש יקח-לב.
| Hsa 4:11 | |
| | עמי בעצו ישאל ומקלו יגיד לו כי רוח זנונים התעה ויזנו מתחת אלהיהם.
| Hsa 4:12 | |
| | על-ראשי ההרים יזבחו ועל-הגבעות יקטרו תחת אלון ולבנה ואלה כי טוב צלה על-כן תזנינה בנותיכם וכלותיכם תנאפנה.
| Hsa 4:13 | |
| | לא-אפקוד על-בנותיכם כי תזנינה ועל-כלותיכם כי תנאפנה כי-הם עם- הזנות יפרדו ועם-הקדשות יזבחו ועם לא-יבין ילבט.
| Hsa 4:14 | |
| | אם-זנה אתה ישראל אל-יאשם יהודה ואל-תבאו הגלגל ואל-תעלו בית און ואל-תשבעו חי-יהוה.
| Hsa 4:15 | |
| | כי כפרה סררה סרר ישראל עתה ירעם יהוה ככבש במרחב.
| Hsa 4:16 | |
| | חבור עצבים אפרים הנח-לו.
| Hsa 4:17 | |
| | סר סבאם הזנה הזנו אהבו הבו קלון מגניה.
| Hsa 4:18 | |
| | צרר רוח אותה בכנפיה ויבשו מזבחותם.
| Hsa 4:19 | |
