| |
Hebrew Old Testament |   | |
 |
| |
| | גפן בוקק ישראל פרי ישוה-לו כרב לפריו הרבה למזבחות כטוב לארצו היטיבו מצבות.
| Hsa 10:1 | |
| | חלק לבם עתה יאשמו הוא יערף מזבחותם ישדד מצבותם.
| Hsa 10:2 | |
| | כי עתה יאמרו אין מלך לנו כי לא יראנו את-יהוה והמלך מה-יעשה- לנו.
| Hsa 10:3 | |
| | דברו דברים אלות שוא כרת ברית ופרח כראש משפט על תלמי שדי.
| Hsa 10:4 | |
| | לעגלות בית און יגורו שכן שמרון כי-אבל עליו עמו וכמריו עליו יגילו על-כבודו כי-גלה ממנו.
| Hsa 10:5 | |
| | גם-אותו לאשור יובל מנחה למלך ירב בשנה אפרים יקח ויבוש ישראל מעצתו.
| Hsa 10:6 | |
| | נדמה שמרון מלכה כקצף על-פני-מים.
| Hsa 10:7 | |
| | ונשמדו במות און חטאת ישראל קוץ ודרדר יעלה על-מזבחותם ואמרו להרים כסונו ולגבעות נפלו עלינו.
| Hsa 10:8 | |
| | מימי הגבעה חטאת ישראל שם עמדו לא-תשיגם בגבעה מלחמה על-בני עלוה.
| Hsa 10:9 | |
| | באותי ואסרם ואספו עליהם עמים באסרם לשתי עינתם.
| Hsa 10:10 | |
| | ואפרים עגלה מלמדה אהבתי לדוש ואני עברתי על-טוב צוארה ארכיב אפרים יחרוש יהודה ישדד-לו יעקב.
| Hsa 10:11 | |
| | זרעו לכם לצדקה קצרו לפי-חסד נירו לכם ניר ועת לדרוש את-יהוה עד-יבוא וירה צדק לכם.
| Hsa 10:12 | |
| | חרשתם-רשע עולתה קצרתם אכלתם פרי-כחש כי-בטחת בדרכך ברב גבוריך.
| Hsa 10:13 | |
| | וקאם שאון בעמך וכל-מבצריך יושד כשד שלמן בית ארבאל ביום מלחמה אם על-בנים רטשה.
| Hsa 10:14 | |
| | ככה עשה לכם בית-אל מפני רעת רעתכם בשחר נדמה נדמה מלך ישראל.
| Hsa 10:15 | |
