| |
Hebrew Old Testament |   | |
 |
| |
| | דבר-יהוה אשר היה אל-הושע בן-בארי בימי עזיה יותם אחז יחזקיה מלכי יהודה ובימי ירבעם בן-יואש מלך ישראל.
| Hsa 1:1 | |
| | תחלת דבר-יהוה בהושע ויאמר יהוה אל-הושע לך קח-לך אשת זנונים וילדי זנונים כי-זנה תזנה הארץ מאחרי יהוה.
| Hsa 1:2 | |
| | וילך ויקח את-גמר בת-דבלים ותהר ותלד-לו בן.
| Hsa 1:3 | |
| | ויאמר יהוה אליו קרא שמו יזרעאל כי-עוד מעט ופקדתי את-דמי יזרעאל על-בית יהוא והשבתי ממלכות בית ישראל.
| Hsa 1:4 | |
| | והיה ביום ההוא ושברתי את-קשת ישראל בעמק יזרעאל.
| Hsa 1:5 | |
| | ותהר עוד ותלד בת ויאמר לו קרא שמה לא רחמה כי לא אוסיף עוד ארחם את-בית ישראל כי-נשא אשא להם.
| Hsa 1:6 | |
| | ואת-בית יהודה ארחם והושעתים ביהוה אלהיהם ולא אושיעם בקשת ובחרב ובמלחמה בסוסים ובפרשים.
| Hsa 1:7 | |
| | ותגמל את-לא רחמה ותהר ותלד בן.
| Hsa 1:8 | |
| | ויאמר קרא שמו לא עמי כי אתם לא עמי ואנכי לא-אהיה לכם.
| Hsa 1:9 | |
