| |
Hebrew Old Testament |   | |
 |
| |
| | ויאמר יהוה אל-משה בא אל-פרעה ודברת אליו כה-אמר יהוה אלהי העברים שלח את-עמי ויעבדני.
| Exd 9:1 | |
| | כי אם-מאן אתה לשלח ועודך מחזיק בם.
| Exd 9:2 | |
| | הנה יד-יהוה הויה במקנך אשר בשדה בסוסים בחמרים בגמלים בבקר ובצאן דבר כבד מאד.
| Exd 9:3 | |
| | והפלה יהוה בין מקנה ישראל ובין מקנה מצרים ולא ימות מכל-לבני ישראל דבר.
| Exd 9:4 | |
| | וישם יהוה מועד לאמר מחר יעשה יהוה הדבר הזה בארץ.
| Exd 9:5 | |
| | ויעש יהוה את-הדבר הזה ממחרת וימת כל מקנה מצרים וממקנה בני- ישראל לא-מת אחד.
| Exd 9:6 | |
| | וישלח פרעה והנה לא-מת ממקנה ישראל עד-אחד ויכבד לב פרעה ולא שלח את-העם.
| Exd 9:7 | |
| | ויאמר יהוה אל-משה ואל-אהרן קחו לכם מלא חפניכם פיח כבשן וזרקו משה השמימה לעיני פרעה.
| Exd 9:8 | |
| | והיה לאבק על כל-ארץ מצרים והיה על-האדם ועל-הבהמה לשחין פרח אבעבעת בכל-ארץ מצרים.
| Exd 9:9 | |
| | ויקחו את-פיח הכבשן ויעמדו לפני פרעה ויזרק אתו משה השמימה ויהי שחין אבעבעת פרח באדם ובבהמה.
| Exd 9:10 | |
| | ולא-יכלו החרטמים לעמד לפני משה מפני השחין כי-היה השחין בחרטמם ובכל-מצרים.
| Exd 9:11 | |
| | ויחזק יהוה את-לב פרעה ולא שמע אלהם כאשר דבר יהוה אל-משה.
| Exd 9:12 | |
| | ויאמר יהוה אל-משה השכם בבקר והתיצב לפני פרעה ואמרת אליו כה- אמר יהוה אלהי העברים שלח את-עמי ויעבדני.
| Exd 9:13 | |
| | כי בפעם הזאת אני שלח את-כל-מגפתי אל-לבך ובעבדיך ובעמך בעבור תדע כי אין כמני בכל-הארץ.
| Exd 9:14 | |
| | כי עתה שלחתי את-ידי ואך אותך ואת-עמך בדבר ותכחד מן-הארץ.
| Exd 9:15 | |
| | ואולם בעבור זאת העמדתיך בעבור הראתך את-כחי ולמען ספר שמי בכל- הארץ.
| Exd 9:16 | |
| | עודך מסתולל בעמי לבלתי שלחם.
| Exd 9:17 | |
| | הנני ממטיר כעת מחר ברד כבד מאד אשר לא-היה כמהו במצרים למן- היום הוסדה ועד-עתה.
| Exd 9:18 | |
| | ועתה שלח העז את-מקנך ואת כל-אשר לך בשדה כל-האדם והבהמה אשר- ימצא בשדה ולא יאסף הביתה וירד עלהם הברד ומתו.
| Exd 9:19 | |
| | הירא את-דבר יהוה מעבדי פרעה הניס את-עבדיו ואת-מקנהו אל- הבתים.
| Exd 9:20 | |
| | ואשר לא-שם לבו אל-דבר יהוה ויעזב את-עבדיו ואת-מקנהו בשדה.
| Exd 9:21 | |
| | ויאמר יהוה אל-משה נטה את-ידך על-השמים ויהי ברד בכל-ארץ מצרים על-האדם ועל-הבהמה ועל כל-עשב השדה בארץ מצרים.
| Exd 9:22 | |
| | ויט משה את-מטהו על-השמים ויהוה נתן קלת וברד ותהלך אש ארצה וימטר יהוה ברד על-ארץ מצרים.
| Exd 9:23 | |
| | ויהי ברד ואש מתלקחת בתוך הברד כבד מאד אשר לא-היה כמהו בכל- ארץ מצרים מאז היתה לגוי.
| Exd 9:24 | |
| | ויך הברד בכל-ארץ מצרים את כל-אשר בשדה מאדם ועד-בהמה ואת כל- עשב השדה הכה הברד ואת-כל-עץ השדה שבר.
| Exd 9:25 | |
| | רק בארץ גשן אשר-שם בני ישראל לא היה ברד.
| Exd 9:26 | |
| | וישלח פרעה ויקרא למשה ולאהרן ויאמר אלהם חטאתי הפעם יהוה הצדיק ואני ועמי הרשעים.
| Exd 9:27 | |
| | העתירו אל-יהוה ורב מהית קלת אלהים וברד ואשלחה אתכם ולא תספון לעמד.
| Exd 9:28 | |
| | ויאמר אליו משה כצאתי את-העיר אפרש את-כפי אל-יהוה הקלות יחדלון והברד לא יהיה-עוד למען תדע כי ליהוה הארץ.
| Exd 9:29 | |
| | ואתה ועבדיך ידעתי כי טרם תיראון מפני יהוה אלהים.
| Exd 9:30 | |
| | והפשתה והשערה נכתה כי השערה אביב והפשתה גבעל.
| Exd 9:31 | |
| | והחטה והכסמת לא נכו כי אפילת הנה.
| Exd 9:32 | |
| | ויצא משה מעם פרעה את-העיר ויפרש כפיו אל-יהוה ויחדלו הקלות והברד ומטר לא-נתך ארצה.
| Exd 9:33 | |
| | וירא פרעה כי-חדל המטר והברד והקלת ויסף לחטא ויכבד לבו הוא ועבדיו.
| Exd 9:34 | |
| | ויחזק לב פרעה ולא שלח את-בני ישראל כאשר דבר יהוה ביד-משה.
| Exd 9:35 | |
