| |
Hebrew Old Testament |   | |
 |
| |
| | ויאמר יהוה אל-משה אמר אל-אהרן נטה את-ידך במטך על-הנהרת על- היארים ועל-האגמים והעל את-הצפרדעים על-ארץ מצרים.
| Exd 8:1 | |
| | ויט אהרן את-ידו על מימי מצרים ותעל הצפרדע ותכס את-ארץ מצרים.
| Exd 8:2 | |
| | ויעשו-כן החרטמים בלטיהם ויעלו את-הצפרדעים על-ארץ מצרים.
| Exd 8:3 | |
| | ויקרא פרעה למשה ולאהרן ויאמר העתירו אל-יהוה ויסר הצפרדעים ממני ומעמי ואשלחה את-העם ויזבחו ליהוה.
| Exd 8:4 | |
| | ויאמר משה לפרעה התפאר עלי למתי אעתיר לך ולעבדיך ולעמך להכרית הצפרדעים ממך ומבתיך רק ביאר תשארנה.
| Exd 8:5 | |
| | ויאמר למחר ויאמר כדברך למען תדע כי-אין כיהוה אלהינו.
| Exd 8:6 | |
| | וסרו הצפרדעים ממך ומבתיך ומעבדיך ומעמך רק ביאר תשארנה.
| Exd 8:7 | |
| | ויצא משה ואהרן מעם פרעה ויצעק משה אל-יהוה על-דבר הצפרדעים אשר- שם לפרעה.
| Exd 8:8 | |
| | ויעש יהוה כדבר משה וימתו הצפרדעים מן-הבתים מן-החצרת ומן-השדת.
| Exd 8:9 | |
| | ויצברו אתם חמרם חמרם ותבאש הארץ.
| Exd 8:10 | |
| | וירא פרעה כי היתה הרוחה והכבד את-לבו ולא שמע אלהם כאשר דבר יהוה.
| Exd 8:11 | |
| | ויאמר יהוה אל-משה אמר אל-אהרן נטה את-מטך והך את-עפר הארץ והיה לכנם בכל-ארץ מצרים.
| Exd 8:12 | |
| | ויעשו-כן ויט אהרן את-ידו במטהו ויך את-עפר הארץ ותהי הכנם באדם ובבהמה כל-עפר הארץ היה כנים בכל-ארץ מצרים.
| Exd 8:13 | |
| | ויעשו-כן החרטמים בלטיהם להוציא את-הכנים ולא יכלו ותהי הכנם a`cm ובבהמה.
| Exd 8:14 | |
| | ויאמרו החרטמם אל-פרעה אצבע אלהים הוא ויחזק לב-פרעה ולא-שמע אלהם כאשר דבר יהוה.
| Exd 8:15 | |
| | ויאמר יהוה אל-משה השכם בבקר והתיצב לפני פרעה הנה יוצא המימה ואמרת אליו כה אמר יהוה שלח עמי ויעבדני.
| Exd 8:16 | |
| | כי אם-אינך משלח את-עמי הנני משליח בך ובעבדיך ובעמך ובבתיך את- הערב ומלאו בתי מצרים את-הערב וגם האדמה אשר-הם עליה.
| Exd 8:17 | |
| | והפליתי ביום ההוא את-ארץ גשן אשר עמי עמד עליה לבלתי היות-שם ערב למען תדע כי אני יהוה בקרב הארץ.
| Exd 8:18 | |
| | ושמתי פדת בין עמי ובין עמך למחר יהיה האת הזה.
| Exd 8:19 | |
| | ויעש יהוה כן ויבא ערב כבד ביתה פרעה ובית עבדיו ובכל-ארץ מצרים תשחת הארץ מפני הערב.
| Exd 8:20 | |
| | ויקרא פרעה אל-משה ולאהרן ויאמר לכו זבחו לאלהיכם בארץ.
| Exd 8:21 | |
| | ויאמר משה לא נכון לעשות כן כי תועבת מצרים נזבח ליהוה אלהינו הן נזבח את-תועבת מצרים לעיניהם ולא יסקלנו.
| Exd 8:22 | |
| | דרך שלשת ימים נלך במדבר וזבחנו ליהוה אלהינו כאשר יאמר אלינו.
| Exd 8:23 | |
| | ויאמר פרעה אנכי אשלח אתכם וזבחתם ליהוה אלהיכם במדבר רק הרחק לא-תרחיקו ללכת העתירו בעדי.
| Exd 8:24 | |
| | ויאמר משה הנה אנכי יוצא מעמך והעתרתי אל-יהוה וסר הערב מפרעה מעבדיו ומעמו מחר רק אל-יסף פרעה התל לבלתי שלח את-העם לזבח ליהוה.
| Exd 8:25 | |
| | ויצא משה מעם פרעה ויעתר אל-יהוה.
| Exd 8:26 | |
| | ויעש יהוה כדבר משה ויסר הערב מפרעה מעבדיו ומעמו לא נשאר אחד.
| Exd 8:27 | |
| | ויכבד פרעה את-לבו גם בפעם הזאת ולא שלח את-העם.
| Exd 8:28 | |
