| |
Hebrew Old Testament |   | |
 |
| |
| | ויאמר יהוה אל-משה ראה נתתיך אלהים לפרעה ואהרן אחיך יהיה נביאך.
| Exd 7:1 | |
| | אתה תדבר את כל-אשר אצוך ואהרן אחיך ידבר אל-פרעה ושלח את-בני- ישראל מארצו.
| Exd 7:2 | |
| | ואני אקשה את-לב פרעה והרביתי את-אתתי ואת-מופתי בארץ מצרים.
| Exd 7:3 | |
| | ולא-ישמע אלכם פרעה ונתתי את-ידי במצרים והוצאתי את-צבאתי את- עמי בני-ישראל מארץ מצרים בשפטים גדלים.
| Exd 7:4 | |
| | וידעו מצרים כי-אני יהוה בנטתי את-ידי על-מצרים והוצאתי את-בני- ישראל מתוכם.
| Exd 7:5 | |
| | ויעש משה ואהרן כאשר צוה יהוה אתם כן עשו.
| Exd 7:6 | |
| | ומשה בן-שמנים שנה ואהרן בן-שלש ושמנים שנה בדברם אל-פרעה.
| Exd 7:7 | |
| | ויאמר יהוה אל-משה ואל-אהרן לאמר.
| Exd 7:8 | |
| | כי ידבר אלכם פרעה לאמר תנו לכם מופת ואמרת אל-אהרן קח את-מטך והשלך לפני-פרעה יהי לתנין.
| Exd 7:9 | |
| | ויבא משה ואהרן אל-פרעה ויעשו כן כאשר צוה יהוה וישלך אהרן את- מטהו לפני פרעה ולפני עבדיו ויהי לתנין.
| Exd 7:10 | |
| | ויקרא גם-פרעה לחכמים ולמכשפים ויעשו גם-הם חרטמי מצרים בלהטיהם כן.
| Exd 7:11 | |
| | וישליכו איש מטהו ויהיו לתנינם ויבלע מטה-אהרן את-מטתם.
| Exd 7:12 | |
| | ויחזק לב פרעה ולא שמע אלהם כאשר דבר יהוה.
| Exd 7:13 | |
| | ויאמר יהוה אל-משה כבד לב פרעה מאן לשלח העם.
| Exd 7:14 | |
| | לך אל-פרעה בבקר הנה יצא המימה ונצבת לקראתו על-שפת היאר והמטה אשר-נהפך לנחש תקח בידך.
| Exd 7:15 | |
| | ואמרת אליו יהוה אלהי העברים שלחני אליך לאמר שלח את-עמי ויעבדני במדבר והנה לא-שמעת עד-כה.
| Exd 7:16 | |
| | כה אמר יהוה בזאת תדע כי אני יהוה הנה אנכי מכה במטה אשר-בידי על-המים אשר ביאר ונהפכו לדם.
| Exd 7:17 | |
| | והדגה אשר-ביאר תמות ובאש היאר ונלאו מצרים לשתות מים מן-היאר.
| Exd 7:18 | |
| | ויאמר יהוה אל-משה אמר אל-אהרן קח מטך ונטה-ידך על-מימי מצרים על-נהרתם על-יאריהם ועל-אגמיהם ועל כל-מקוה מימיהם ויהיו-דם והיה דם בכל-ארץ מצרים ובעצים ובאבנים.
| Exd 7:19 | |
| | ויעשו-כן משה ואהרן כאשר צוה יהוה וירם במטה ויך את-המים אשר ביאר לעיני פרעה ולעיני עבדיו ויהפכו כל-המים אשר-ביאר לדם.
| Exd 7:20 | |
| | והדגה אשר-ביאר מתה ויבאש היאר ולא-יכלו מצרים לשתות מים מן- היאר ויהי הדם בכל-ארץ מצרים.
| Exd 7:21 | |
| | ויעשו-כן חרטמי מצרים בלטיהם ויחזק לב-פרעה ולא-שמע אלהם כאשר דבר יהוה.
| Exd 7:22 | |
| | ויפן פרעה ויבא אל-ביתו ולא-שת לבו גם-לזאת.
| Exd 7:23 | |
| | ויחפרו כל-מצרים סביבת היאר מים לשתות כי לא יכלו לשתת ממימי היאר.
| Exd 7:24 | |
| | וימלא שבעת ימים אחרי הכות-יהוה את-היאר.
| Exd 7:25 | |
| | ויאמר יהוה אל-משה בא אל-פרעה ואמרת אליו כה אמר יהוה שלח את- עמי ויעבדני.
| Exd 7:26 | |
| | ואם-מאן אתה לשלח הנה אנכי נגף את-כל-גבולך בצפרדעים.
| Exd 7:27 | |
| | ושרץ היאר צפרדעים ועלו ובאו בביתך ובחדר משכבך ועל-מטתך ובבית עבדיך ובעמך ובתנוריך ובמשארותיך.
| Exd 7:28 | |
| | ובכה ובעמך ובכל-עבדיך יעלו הצפרדעים.
| Exd 7:29 | |
