| |
Hebrew Old Testament |   | |
 |
| |
| | ויאמר יהוה אל-משה עתה תראה אשר אעשה לפרעה כי ביד חזקה ישלחם וביד חזקה יגרשם מארצו.
| Exd 6:1 | |
| | וידבר אלהים אל-משה ויאמר אליו אני יהוה.
| Exd 6:2 | |
| | וארא אל-אברהם אל-יצחק ואל-יעקב באל שדי ושמי יהוה לא נודעתי ldm.
| Exd 6:3 | |
| | וגם הקמתי את-בריתי אתם לתת להם את-ארץ כנען את ארץ מגריהם אשר- גרו בה.
| Exd 6:4 | |
| | וגם אני שמעתי את-נאקת בני ישראל אשר מצרים מעבדים אתם ואזכר את- בריתי.
| Exd 6:5 | |
| | לכן אמר לבני-ישראל אני יהוה והוצאתי אתכם מתחת סבלת מצרים והצלתי אתכם מעבדתם וגאלתי אתכם בזרוע נטויה ובשפטים גדלים.
| Exd 6:6 | |
| | ולקחתי אתכם לי לעם והייתי לכם לאלהים וידעתם כי אני יהוה אלהיכם המוציא אתכם מתחת סבלות מצרים.
| Exd 6:7 | |
| | והבאתי אתכם אל-הארץ אשר נשאתי את-ידי לתת אתה לאברהם ליצחק וליעקב ונתתי אתה לכם מורשה אני יהוה.
| Exd 6:8 | |
| | וידבר משה כן אל-בני ישראל ולא שמעו אל-משה מקצר רוח ומעבדה קשה.
| Exd 6:9 | |
| | וידבר יהוה אל-משה לאמר.
| Exd 6:10 | |
| | בא דבר אל-פרעה מלך מצרים וישלח את-בני-ישראל מארצו.
| Exd 6:11 | |
| | וידבר משה לפני יהוה לאמר הן בני-ישראל לא-שמעו אלי ואיך ישמעני פרעה ואני ערל שפתים.
| Exd 6:12 | |
| | וידבר יהוה אל-משה ואל-אהרן ויצום אל-בני ישראל ואל-פרעה מלך מצרים להוציא את-בני-ישראל מארץ מצרים.
| Exd 6:13 | |
| | אלה ראשי בית-אבתם בני ראובן בכר ישראל חנוך ופלוא חצרן וכרמי אלה משפחת ראובן.
| Exd 6:14 | |
| | ובני שמעון ימואל וימין ואהד ויכין וצחר ושאול בן-הכנענית אלה משפחת שמעון.
| Exd 6:15 | |
| | ואלה שמות בני-לוי לתלדתם גרשון וקהת ומררי ושני חיי לוי שבע ושלשים ומאת שנה.
| Exd 6:16 | |
| | בני גרשון לבני ושמעי למשפחתם.
| Exd 6:17 | |
| | ובני קהת עמרם ויצהר וחברון ועזיאל ושני חיי קהת שלש ושלשים ומאת שנה.
| Exd 6:18 | |
| | ובני מררי מחלי ומושי אלה משפחת הלוי לתלדתם.
| Exd 6:19 | |
| | ויקח עמרם את-יוכבד דדתו לו לאשה ותלד לו את-אהרן ואת-משה ושני חיי עמרם שבע ושלשים ומאת שנה.
| Exd 6:20 | |
| | ובני יצהר קרח ונפג וזכרי.
| Exd 6:21 | |
| | ובני עזיאל מישאל ואלצפן וסתרי.
| Exd 6:22 | |
| | ויקח אהרן את-אלישבע בת-עמינדב אחות נחשון לו לאשה ותלד לו את- נדב ואת-אביהוא את-אלעזר ואת-איתמר.
| Exd 6:23 | |
| | ובני קרח אסיר ואלקנה ואביאסף אלה משפחת הקרחי.
| Exd 6:24 | |
| | ואלעזר בן-אהרן לקח-לו מבנות פוטיאל לו לאשה ותלד לו את-פינחס אלה ראשי אבות הלוים למשפחתם.
| Exd 6:25 | |
| | הוא אהרן ומשה אשר אמר יהוה להם הוציאו את-בני ישראל מארץ מצרים על-צבאתם.
| Exd 6:26 | |
| | הם המדברים אל-פרעה מלך-מצרים להוציא את-בני-ישראל ממצרים הוא משה ואהרן.
| Exd 6:27 | |
| | ויהי ביום דבר יהוה אל-משה בארץ מצרים.
| Exd 6:28 | |
| | וידבר יהוה אל-משה לאמר אני יהוה דבר אל-פרעה מלך מצרים את כל- אשר אני דבר אליך.
| Exd 6:29 | |
| | ויאמר משה לפני יהוה הן אני ערל שפתים ואיך ישמע אלי פרעה.
| Exd 6:30 | |
