| |
Hebrew Old Testament |   | |
 |
| |
| | ויען משה ויאמר והן לא-יאמינו לי ולא ישמעו בקלי כי יאמרו לא- נראה אליך יהוה.
| Exd 4:1 | |
| | ויאמר אליו יהוה מזה בידך ויאמר מטה.
| Exd 4:2 | |
| | ויאמר השליכהו ארצה וישלכהו ארצה ויהי לנחש וינס משה מפניו.
| Exd 4:3 | |
| | ויאמר יהוה אל-משה שלח ידך ואחז בזנבו וישלח ידו ויחזק בו ויהי למטה בכפו.
| Exd 4:4 | |
| | למען יאמינו כי-נראה אליך יהוה אלהי אבתם אלהי אברהם אלהי יצחק ואלהי יעקב.
| Exd 4:5 | |
| | ויאמר יהוה לו עוד הבא-נא ידך בחיקך ויבא ידו בחיקו ויוצאה והנה ידו מצרעת כשלג.
| Exd 4:6 | |
| | ויאמר השב ידך אל-חיקך וישב ידו אל-חיקו ויוצאה מחיקו והנה-שבה כבשרו.
| Exd 4:7 | |
| | והיה אם-לא יאמינו לך ולא ישמעו לקל האת הראשון והאמינו לקל האת האחרון.
| Exd 4:8 | |
| | והיה אם-לא יאמינו גם לשני האתות האלה ולא ישמעון לקלך ולקחת ממימי היאר ושפכת היבשה והיו המים אשר תקח מן-היאר והיו לדם ביבשת.
| Exd 4:9 | |
| | ויאמר משה אל-יהוה בי אדני לא איש דברים אנכי גם מתמול גם משלשם גם מאז דברך אל-עבדך כי כבד-פה וכבד לשון אנכי.
| Exd 4:10 | |
| | ויאמר יהוה אליו מי שם פה לאדם או מי-ישום אלם או חרש או פקח או עור הלא אנכי יהוה.
| Exd 4:11 | |
| | ועתה לך ואנכי אהיה עם-פיך והוריתיך אשר תדבר.
| Exd 4:12 | |
| | ויאמר בי אדני שלח-נא ביד-תשלח.
| Exd 4:13 | |
| | ויחר-אף יהוה במשה ויאמר הלא אהרן אחיך הלוי ידעתי כי-דבר ידבר הוא וגם הנה-הוא יצא לקראתך וראך ושמח בלבו.
| Exd 4:14 | |
| | ודברת אליו ושמת את-הדברים בפיו ואנכי אהיה עם-פיך ועם-פיהו והוריתי אתכם את אשר תעשון.
| Exd 4:15 | |
| | ודבר-הוא לך אל-העם והיה הוא יהיה-לך לפה ואתה תהיה-לו לאלהים.
| Exd 4:16 | |
| | ואת-המטה הזה תקח בידך אשר תעשה-בו את-האתת.
| Exd 4:17 | |
| | וילך משה וישב אל-יתר חתנו ויאמר לו אלכה נא ואשובה אל-אחי אשר- במצרים ואראה העודם חיים ויאמר יתרו למשה לך לשלום.
| Exd 4:18 | |
| | ויאמר יהוה אל-משה במדין לך שב מצרים כי-מתו כל-האנשים המבקשים את-נפשך.
| Exd 4:19 | |
| | ויקח משה את-אשתו ואת-בניו וירכבם על-החמר וישב ארצה מצרים ויקח משה את-מטה האלהים בידו.
| Exd 4:20 | |
| | ויאמר יהוה אל-משה בלכתך לשוב מצרימה ראה כל-המפתים אשר-שמתי בידך ועשיתם לפני פרעה ואני אחזק את-לבו ולא ישלח את-העם.
| Exd 4:21 | |
| | ואמרת אל-פרעה כה אמר יהוה בני בכרי ישראל.
| Exd 4:22 | |
| | ואמר אליך שלח את-בני ויעבדני ותמאן לשלחו הנה אנכי הרג את-בנך בכרך.
| Exd 4:23 | |
| | ויהי בדרך במלון ויפגשהו יהוה ויבקש המיתו.
| Exd 4:24 | |
| | ותקח צפרה צר ותכרת את-ערלת בנה ותגע לרגליו ותאמר כי חתן-דמים אתה לי.
| Exd 4:25 | |
| | וירף ממנו אז אמרה חתן דמים למולת.
| Exd 4:26 | |
| | ויאמר יהוה אל-אהרן לך לקראת משה המדברה וילך ויפגשהו בהר האלהים וישק-לו.
| Exd 4:27 | |
| | ויגד משה לאהרן את כל-דברי יהוה אשר שלחו ואת כל-האתת אשר צוהו.
| Exd 4:28 | |
| | וילך משה ואהרן ויאספו את-כל-זקני בני ישראל.
| Exd 4:29 | |
| | וידבר אהרן את כל-הדברים אשר-דבר יהוה אל-משה ויעש האתת לעיני העם.
| Exd 4:30 | |
| | ויאמן העם וישמעו כי-פקד יהוה את-בני ישראל וכי ראה את-ענים ויקדו וישתחוו.
| Exd 4:31 | |
