| |
Hebrew Old Testament |   | |
 |
| |
| | ועשה בצלאל ואהליאב וכל איש חכם-לב אשר נתן יהוה חכמה ותבונה בהמה לדעת לעשת את-כל-מלאכת עבדת הקדש לכל אשר-צוה יהוה.
| Exd 36:1 | |
| | ויקרא משה אל-בצלאל ואל-אהליאב ואל כל-איש חכם-לב אשר נתן יהוה חכמה בלבו כל אשר נשאו לבו לקרבה אל-המלאכה לעשת אתה.
| Exd 36:2 | |
| | ויקחו מלפני משה את כל-התרומה אשר הביאו בני ישראל למלאכת עבדת הקדש לעשת אתה והם הביאו אליו עוד נדבה בבקר בבקר.
| Exd 36:3 | |
| | ויבאו כל-החכמים העשים את כל-מלאכת הקדש איש-איש ממלאכתו אשר- המה עשים.
| Exd 36:4 | |
| | ויאמרו אל-משה לאמר מרבים העם להביא מדי העבדה למלאכה אשר-צוה יהוה לעשת אתה.
| Exd 36:5 | |
| | ויצו משה ויעבירו קול במחנה לאמר איש ואשה אל-יעשו-עוד מלאכה לתרומת הקדש ויכלא העם מהביא.
| Exd 36:6 | |
| | והמלאכה היתה דים לכל-המלאכה לעשות אתה והותר.
| Exd 36:7 | |
| | ויעשו כל-חכם-לב בעשי המלאכה את-המשכן עשר יריעת שש משזר ותכלת וארגמן ותולעת שני כרבים מעשה חשב עשה אתם.
| Exd 36:8 | |
| | ארך היריעה האחת שמנה ועשרים באמה ורחב ארבע באמה היריעה האחת מדה אחת לכל-היריעת.
| Exd 36:9 | |
| | ויחבר את-חמש היריעת אחת אל-אחת וחמש יריעת חבר אחת אל-אחת.
| Exd 36:10 | |
| | ויעש ללאת תכלת על שפת היריעה האחת מקצה במחברת כן עשה בשפת היריעה הקיצונה במחברת השנית.
| Exd 36:11 | |
| | חמשים ללאת עשה ביריעה האחת וחמשים ללאת עשה בקצה היריעה אשר במחברת השנית מקבילת הללאת אחת אל-אחת.
| Exd 36:12 | |
| | ויעש חמשים קרסי זהב ויחבר את-היריעת אחת אל-אחת בקרסים ויהי המשכן אחד.
| Exd 36:13 | |
| | ויעש יריעת עזים לאהל על-המשכן עשתי-עשרה יריעת עשה אתם.
| Exd 36:14 | |
| | ארך היריעה האחת שלשים באמה וארבע אמות רחב היריעה האחת מדה אחת לעשתי עשרה יריעת.
| Exd 36:15 | |
| | ויחבר את-חמש היריעת לבד ואת-שש היריעת לבד.
| Exd 36:16 | |
| | ויעש ללאת חמשים על שפת היריעה הקיצנה במחברת וחמשים ללאת עשה על-שפת היריעה החברת השנית.
| Exd 36:17 | |
| | ויעש קרסי נחשת חמשים לחבר את-האהל להית אחד.
| Exd 36:18 | |
| | ויעש מכסה לאהל ערת אילם מאדמים ומכסה ערת תחשים מלמעלה.
| Exd 36:19 | |
| | ויעש את-הקרשים למשכן עצי שטים עמדים.
| Exd 36:20 | |
| | עשר אמת ארך הקרש ואמה וחצי האמה רחב הקרש האחד.
| Exd 36:21 | |
| | שתי ידת לקרש האחד משלבת אחת אל-אחת כן עשה לכל קרשי המשכן.
| Exd 36:22 | |
| | ויעש את-הקרשים למשכן עשרים קרשים לפאת נגב תימנה.
| Exd 36:23 | |
| | וארבעים אדני-כסף עשה תחת עשרים הקרשים שני אדנים תחת-הקרש האחד לשתי ידתיו ושני אדנים תחת-הקרש האחד לשתי ידתיו.
| Exd 36:24 | |
| | ולצלע המשכן השנית לפאת צפון עשה עשרים קרשים.
| Exd 36:25 | |
| | וארבעים אדניהם כסף שני אדנים תחת הקרש האחד ושני אדנים תחת הקרש האחד.
| Exd 36:26 | |
| | ולירכתי המשכן ימה עשה ששה קרשים.
| Exd 36:27 | |
| | ושני קרשים עשה למקצעת המשכן בירכתים.
| Exd 36:28 | |
| | והיו תואמם מלמטה ויחדו יהיו תמים אל-ראשו אל-הטבעת האחת כן עשה לשניהם לשני המקצעת.
| Exd 36:29 | |
| | והיו שמנה קרשים ואדניהם כסף ששה עשר אדנים שני אדנים שני `cpim תחת הקרש האחד.
| Exd 36:30 | |
| | ויעש בריחי עצי שטים חמשה לקרשי צלע-המשכן האחת.
| Exd 36:31 | |
| | וחמשה בריחם לקרשי צלע-המשכן השנית וחמשה בריחם לקרשי המשכן לירכתים ימה.
| Exd 36:32 | |
| | ויעש את-הבריח התיכן לברח בתוך הקרשים מן-הקצה אל-הקצה.
| Exd 36:33 | |
| | ואת-הקרשים צפה זהב ואת-טבעתם עשה זהב בתים לבריחם ויצף את- הבריחם זהב.
| Exd 36:34 | |
| | ויעש את-הפרכת תכלת וארגמן ותולעת שני ושש משזר מעשה חשב עשה אתה כרבים.
| Exd 36:35 | |
| | ויעש לה ארבעה עמודי שטים ויצפם זהב וויהם זהב ויצק להם ארבעה אדני-כסף.
| Exd 36:36 | |
| | ויעש מסך לפתח האהל תכלת וארגמן ותולעת שני ושש משזר מעשה רקם.
| Exd 36:37 | |
| | ואת-עמודיו חמשה ואת-וויהם וצפה ראשיהם וחשקיהם זהב ואדניהם חמשה נחשת.
| Exd 36:38 | |
