| |
Hebrew Old Testament |   | |
 |
| |
| | וידבר יהוה אל-משה לך עלה מזה אתה והעם אשר העלית מארץ מצרים אל- הארץ אשר נשבעתי לאברהם ליצחק וליעקב לאמר לזרעך אתננה.
| Exd 33:1 | |
| | ושלחתי לפניך מלאך וגרשתי את-הכנעני האמרי והחתי והפרזי החוי והיבוסי.
| Exd 33:2 | |
| | אל-ארץ זבת חלב ודבש כי לא אעלה בקרבך כי עם-קשה-ערף אתה פן- אכלך בדרך.
| Exd 33:3 | |
| | וישמע העם את-הדבר הרע הזה ויתאבלו ולא-שתו איש עדיו עליו.
| Exd 33:4 | |
| | ויאמר יהוה אל-משה אמר אל-בני-ישראל אתם עם-קשה-ערף רגע אחד אעלה בקרבך וכליתיך ועתה הורד עדיך מעליך ואדעה מה אעשה-לך.
| Exd 33:5 | |
| | ויתנצלו בני-ישראל את-עדים מהר חורב.
| Exd 33:6 | |
| | ומשה יקח את-האהל ונטה-לו מחוץ למחנה הרחק מן-המחנה וקרא לו אהל מועד והיה כל-מבקש יהוה יצא אל-אהל מועד אשר מחוץ למחנה.
| Exd 33:7 | |
| | והיה כצאת משה אל-האהל יקומו כל-העם ונצבו איש פתח אהלו והביטו אחרי משה עד-באו האהלה.
| Exd 33:8 | |
| | והיה כבא משה האהלה ירד עמוד הענן ועמד פתח האהל ודבר עם-משה.
| Exd 33:9 | |
| | וראה כל-העם את-עמוד הענן עמד פתח האהל וקם כל-העם והשתחוו איש פתח אהלו.
| Exd 33:10 | |
| | ודבר יהוה אל-משה פנים אל-פנים כאשר ידבר איש אל-רעהו ושב אל- המחנה ומשרתו יהושע בן-נון נער לא ימיש מתוך האהל.
| Exd 33:11 | |
| | ויאמר משה אל-יהוה ראה אתה אמר אלי העל את-העם הזה ואתה לא הודעתני את אשר-תשלח עמי ואתה אמרת ידעתיך בשם וגם-מצאת חן בעיני.
| Exd 33:12 | |
| | ועתה אם-נא מצאתי חן בעיניך הודעני נא את-דרכך ואדעך למען אמצא- חן בעיניך וראה כי עמך הגוי הזה.
| Exd 33:13 | |
| | ויאמר פני ילכו והנחתי לך.
| Exd 33:14 | |
| | ויאמר אליו אם-אין פניך הלכים אל-תעלנו מזה.
| Exd 33:15 | |
| | ובמה יודע אפוא כי-מצאתי חן בעיניך אני ועמך הלוא בלכתך עמנו ונפלינו אני ועמך מכל-העם אשר על-פני האדמה.
| Exd 33:16 | |
| | ויאמר יהוה אל-משה גם את-הדבר הזה אשר דברת אעשה כי-מצאת חן בעיני ואדעך בשם.
| Exd 33:17 | |
| | ויאמר הראני נא את-כבדך.
| Exd 33:18 | |
| | ויאמר אני אעביר כל-טובי על-פניך וקראתי בשם יהוה לפניך וחנתי את-אשר אחן ורחמתי את-אשר ארחם.
| Exd 33:19 | |
| | ויאמר לא תוכל לראת את-פני כי לא-יראני האדם וחי.
| Exd 33:20 | |
| | ויאמר יהוה הנה מקום אתי ונצבת על-הצור.
| Exd 33:21 | |
| | והיה בעבר כבדי ושמתיך בנקרת הצור ושכתי כפי עליך עד-עברי.
| Exd 33:22 | |
| | והסרתי את-כפי וראית את-אחרי ופני לא יראו.
| Exd 33:23 | |
