| |
Hebrew Old Testament |   | |
 |
| |
| | וירא העם כי-בשש משה לרדת מן-ההר ויקהל העם על-אהרן ויאמרו אליו קום עשה-לנו אלהים אשר ילכו לפנינו כי-זה משה האיש אשר העלנו מארץ מצרים לא ידענו מה-היה לו.
| Exd 32:1 | |
| | ויאמר אלהם אהרן פרקו נזמי הזהב אשר באזני נשיכם בניכם ובנתיכם והביאו אלי.
| Exd 32:2 | |
| | ויתפרקו כל-העם את-נזמי הזהב אשר באזניהם ויביאו אל-אהרן.
| Exd 32:3 | |
| | ויקח מידם ויצר אתו בחרט ויעשהו עגל מסכה ויאמרו אלה אלהיך ישראל אשר העלוך מארץ מצרים.
| Exd 32:4 | |
| | וירא אהרן ויבן מזבח לפניו ויקרא אהרן ויאמר חג ליהוה מחר.
| Exd 32:5 | |
| | וישכימו ממחרת ויעלו עלת ויגשו שלמים וישב העם לאכל ושתו ויקמו לצחק.
| Exd 32:6 | |
| | וידבר יהוה אל-משה לך-רד כי שחת עמך אשר העלית מארץ מצרים.
| Exd 32:7 | |
| | סרו מהר מן-הדרך אשר צויתם עשו להם עגל מסכה וישתחוו-לו ויזבחו- לו ויאמרו אלה אלהיך ישראל אשר העלוך מארץ מצרים.
| Exd 32:8 | |
| | ויאמר יהוה אל-משה ראיתי את-העם הזה והנה עם-קשה-ערף הוא.
| Exd 32:9 | |
| | ועתה הניחה לי ויחר-אפי בהם ואכלם ואעשה אותך לגוי גדול.
| Exd 32:10 | |
| | ויחל משה את-פני יהוה אלהיו ויאמר למה יהוה יחרה אפך בעמך אשר הוצאת מארץ מצרים בכח גדול וביד חזקה.
| Exd 32:11 | |
| | למה יאמרו מצרים לאמר ברעה הוציאם להרג אתם בהרים ולכלתם מעל tpi האדמה שוב מחרון אפך והנחם על-הרעה לעמך.
| Exd 32:12 | |
| | זכר לאברהם ליצחק ולישראל עבדיך אשר נשבעת להם בך ותדבר אלהם ארבה את-זרעכם ככוכבי השמים וכל-הארץ הזאת אשר אמרתי אתן לזרעכם ונחלו לעלם.
| Exd 32:13 | |
| | וינחם יהוה על-הרעה אשר דבר לעשות לעמו.
| Exd 32:14 | |
| | ויפן וירד משה מן-ההר ושני לחת העדת בידו לחת כתבים משני עבריהם מזה ומזה הם כתבים.
| Exd 32:15 | |
| | והלחת מעשה אלהים המה והמכתב מכתב אלהים הוא חרות על-הלחת.
| Exd 32:16 | |
| | וישמע יהושע את-קול העם ברעה ויאמר אל-משה קול מלחמה במחנה.
| Exd 32:17 | |
| | ויאמר אין קול ענות גבורה ואין קול ענות חלושה קול ענות אנכי שמע.
| Exd 32:18 | |
| | ויהי כאשר קרב אל-המחנה וירא את-העגל ומחלת ויחר-אף משה וישלך מידו את-הלחת וישבר אתם תחת ההר.
| Exd 32:19 | |
| | ויקח את-העגל אשר עשו וישרף באש ויטחן עד אשר-דק ויזר על-פני המים וישק את-בני ישראל.
| Exd 32:20 | |
| | ויאמר משה אל-אהרן מה-עשה לך העם הזה כי-הבאת עליו חטאה גדלה.
| Exd 32:21 | |
| | ויאמר אהרן אל-יחר אף אדני אתה ידעת את-העם כי ברע הוא.
| Exd 32:22 | |
| | ויאמרו לי עשה-לנו אלהים אשר ילכו לפנינו כי-זה משה האיש אשר העלנו מארץ מצרים לא ידענו מה-היה לו.
| Exd 32:23 | |
| | ואמר להם למי זהב התפרקו ויתנו-לי ואשלכהו באש ויצא העגל הזה.
| Exd 32:24 | |
| | וירא משה את-העם כי פרע הוא כי-פרעה אהרן לשמצה בקמיהם.
| Exd 32:25 | |
| | ויעמד משה בשער המחנה ויאמר מי ליהוה אלי ויאספו אליו כל-בני לוי.
| Exd 32:26 | |
| | ויאמר להם כה-אמר יהוה אלהי ישראל שימו איש-חרבו על-ירכו עברו ושובו משער לשער במחנה והרגו איש-את-אחיו ואיש את-רעהו ואיש את- קרבו.
| Exd 32:27 | |
| | ויעשו בני-לוי כדבר משה ויפל מן-העם ביום ההוא כשלשת אלפי איש.
| Exd 32:28 | |
| | ויאמר משה מלאו ידכם היום ליהוה כי איש בבנו ובאחיו ולתת עליכם היום ברכה.
| Exd 32:29 | |
| | ויהי ממחרת ויאמר משה אל-העם אתם חטאתם חטאה גדלה ועתה אעלה אל- יהוה אולי אכפרה בעד חטאתכם.
| Exd 32:30 | |
| | וישב משה אל-יהוה ויאמר אנא חטא העם הזה חטאה גדלה ויעשו להם אלהי זהב.
| Exd 32:31 | |
| | ועתה אם-תשא חטאתם ואם-אין מחני נא מספרך אשר כתבת.
| Exd 32:32 | |
| | ויאמר יהוה אל-משה מי אשר חטא-לי אמחנו מספרי.
| Exd 32:33 | |
| | ועתה לך נחה את-העם אל אשר-דברתי לך הנה מלאכי ילך לפניך וביום פקדי ופקדתי עלהם חטאתם.
| Exd 32:34 | |
| | ויגף יהוה את-העם על אשר עשו את-העגל אשר עשה אהרן.
| Exd 32:35 | |
