| |
Hebrew Old Testament |   | |
 |
| |
| | וזה הדבר אשר-תעשה להם לקדש אתם לכהן לי לקח פר אחד בן-בקר ואילם שנים תמימם.
| Exd 29:1 | |
| | ולחם מצות וחלת מצת בלולת בשמן ורקיקי מצות משחים בשמן סלת חטים תעשה אתם.
| Exd 29:2 | |
| | ונתת אותם על-סל אחד והקרבת אתם בסל ואת-הפר ואת שני האילם.
| Exd 29:3 | |
| | ואת-אהרן ואת-בניו תקריב אל-פתח אהל מועד ורחצת אתם במים.
| Exd 29:4 | |
| | ולקחת את-הבגדים והלבשת את-אהרן את-הכתנת ואת מעיל האפד ואת- האפד ואת-החשן ואפדת לו בחשב האפד.
| Exd 29:5 | |
| | ושמת המצנפת על-ראשו ונתת את-נזר הקדש על-המצנפת.
| Exd 29:6 | |
| | ולקחת את-שמן המשחה ויצקת על-ראשו ומשחת אתו.
| Exd 29:7 | |
| | ואת-בניו תקריב והלבשתם כתנת.
| Exd 29:8 | |
| | וחגרת אתם אבנט אהרן ובניו וחבשת להם מגבעת והיתה להם כהנה לחקת עולם ומלאת יד-אהרן ויד-בניו.
| Exd 29:9 | |
| | והקרבת את-הפר לפני אהל מועד וסמך אהרן ובניו את-ידיהם על-ראש הפר.
| Exd 29:10 | |
| | ושחטת את-הפר לפני יהוה פתח אהל מועד.
| Exd 29:11 | |
| | ולקחת מדם הפר ונתתה על-קרנת המזבח באצבעך ואת-כל-הדם תשפך אל- יסוד המזבח.
| Exd 29:12 | |
| | ולקחת את-כל-החלב המכסה את-הקרב ואת היתרת על-הכבד ואת שתי הכלית ואת-החלב אשר עליהן והקטרת המזבחה.
| Exd 29:13 | |
| | ואת-בשר הפר ואת-ערו ואת-פרשו תשרף באש מחוץ למחנה חטאת הוא.
| Exd 29:14 | |
| | ואת-האיל האחד תקח וסמכו אהרן ובניו את-ידיהם על-ראש האיל.
| Exd 29:15 | |
| | ושחטת את-האיל ולקחת את-דמו וזרקת על-המזבח סביב.
| Exd 29:16 | |
| | ואת-האיל תנתח לנתחיו ורחצת קרבו וכרעיו ונתת על-נתחיו ועל- ראשו.
| Exd 29:17 | |
| | והקטרת את-כל-האיל המזבחה עלה הוא ליהוה ריח ניחוח אשה ליהוה הוא.
| Exd 29:18 | |
| | ולקחת את האיל השני וסמך אהרן ובניו את-ידיהם על-ראש האיל.
| Exd 29:19 | |
| | ושחטת את-האיל ולקחת מדמו ונתתה על-תנוך אזן אהרן ועל-תנוך אזן בניו הימנית ועל-בהן ידם הימנית ועל-בהן רגלם הימנית וזרקת את-הדם על-המזבח סביב.
| Exd 29:20 | |
| | ולקחת מן-הדם אשר על-המזבח ומשמן המשחה והזית על-אהרן ועל- בגדיו ועל-בניו ועל-בגדי בניו אתו וקדש הוא ובגדיו ובניו ובגדי בניו אתו.
| Exd 29:21 | |
| | ולקחת מן-האיל החלב והאליה ואת-החלב המכסה את-הקרב ואת יתרת הכבד ואת שתי הכלית ואת-החלב אשר עליהן ואת שוק הימין כי איל מלאים הוא.
| Exd 29:22 | |
| | וככר לחם אחת וחלת לחם שמן אחת ורקיק אחד מסל המצות אשר לפני יהוה.
| Exd 29:23 | |
| | ושמת הכל על כפי אהרן ועל כפי בניו והנפת אתם תנופה לפני יהוה.
| Exd 29:24 | |
| | ולקחת אתם מידם והקטרת המזבחה על-העלה לריח ניחוח לפני יהוה אשה הוא ליהוה.
| Exd 29:25 | |
| | ולקחת את-החזה מאיל המלאים אשר לאהרן והנפת אתו תנופה לפני יהוה והיה לך למנה.
| Exd 29:26 | |
| | וקדשת את חזה התנופה ואת שוק התרומה אשר הונף ואשר הורם מאיל המלאים מאשר לאהרן ומאשר לבניו.
| Exd 29:27 | |
| | והיה לאהרן ולבניו לחק-עולם מאת בני ישראל כי תרומה הוא ותרומה יהיה מאת בני-ישראל מזבחי שלמיהם תרומתם ליהוה.
| Exd 29:28 | |
| | ובגדי הקדש אשר לאהרן יהיו לבניו אחריו למשחה בהם ולמלא-בם את- ידם.
| Exd 29:29 | |
| | שבעת ימים ילבשם הכהן תחתיו מבניו אשר יבא אל-אהל מועד לשרת בקדש.
| Exd 29:30 | |
| | ואת איל המלאים תקח ובשלת את-בשרו במקם קדש.
| Exd 29:31 | |
| | ואכל אהרן ובניו את-בשר האיל ואת-הלחם אשר בסל פתח אהל מועד.
| Exd 29:32 | |
| | ואכלו אתם אשר כפר בהם למלא את-ידם לקדש אתם וזר לא-יאכל כי- קדש הם.
| Exd 29:33 | |
| | ואם-יותר מבשר המלאים ומן-הלחם עד-הבקר ושרפת את-הנותר באש לא יאכל כי-קדש הוא.
| Exd 29:34 | |
| | ועשית לאהרן ולבניו ככה ככל אשר-צויתי אתכה שבעת ימים תמלא ידם.
| Exd 29:35 | |
| | ופר חטאת תעשה ליום על-הכפרים וחטאת על-המזבח בכפרך עליו ומשחת אתו לקדשו.
| Exd 29:36 | |
| | שבעת ימים תכפר על-המזבח וקדשת אתו והיה המזבח קדש קדשים כל- הנגע במזבח יקדש.
| Exd 29:37 | |
| | וזה אשר תעשה על-המזבח כבשים בני-שנה שנים ליום תמיד.
| Exd 29:38 | |
| | את-הכבש האחד תעשה בבקר ואת הכבש השני תעשה בין הערבים.
| Exd 29:39 | |
| | ועשרן סלת בלול בשמן כתית רבע ההין ונסך רביעת ההין יין לכבש האחד.
| Exd 29:40 | |
| | ואת הכבש השני תעשה בין הערבים כמנחת הבקר וכנסכה תעשה-לה לריח ניחח אשה ליהוה.
| Exd 29:41 | |
| | עלת תמיד לדרתיכם פתח אהל-מועד לפני יהוה אשר אועד לכם שמה לדבר אליך שם.
| Exd 29:42 | |
| | ונעדתי שמה לבני ישראל ונקדש בכבדי.
| Exd 29:43 | |
| | וקדשתי את-אהל מועד ואת-המזבח ואת-אהרן ואת-בניו אקדש לכהן לי.
| Exd 29:44 | |
| | ושכנתי בתוך בני ישראל והייתי להם לאלהים.
| Exd 29:45 | |
| | וידעו כי אני יהוה אלהיהם אשר הוצאתי אתם מארץ מצרים לשכני בתוכם אני יהוה אלהיהם.
| Exd 29:46 | |
