All NT OTBook
Compare Texts
Genesis 1 Exodus 24

Exodus 25:1-40

Exodus 26 Leviticus 1

Hebrew Old Testament

 
 
 וידבר יהוה אל-משה לאמר.  
Exd 25:1
 
 דבר אל-בני ישראל ויקחו-לי תרומה מאת כל-איש אשר ידבנו לבו תקחו את-תרומתי.  
Exd 25:2
 
 וזאת התרומה אשר תקחו מאתם זהב וכסף ונחשת.  
Exd 25:3
 
 ותכלת וארגמן ותולעת שני ושש ועזים.  
Exd 25:4
 
 וערת אילם מאדמים וערת תחשים ועצי שטים.  
Exd 25:5
 
 שמן למאר בשמים לשמן המשחה ולקטרת הסמים.  
Exd 25:6
 
 אבני-שהם ואבני מלאים לאפד ולחשן.  
Exd 25:7
 
 ועשו לי מקדש ושכנתי בתוכם.  
Exd 25:8
 
 ככל אשר אני מראה אותך את תבנית המשכן ואת תבנית כל-כליו וכן תעשו.  
Exd 25:9
 
 ועשו ארון עצי שטים אמתים וחצי ארכו ואמה וחצי רחבו ואמה וחצי קמתו.  
Exd 25:10
 
 וצפית אתו זהב טהור מבית ומחוץ תצפנו ועשית עליו זר זהב סביב.  
Exd 25:11
 
 ויצקת לו ארבע טבעת זהב ונתתה על ארבע פעמתיו ושתי טבעת על- צלעו האחת ושתי טבעת על-צלעו השנית.  
Exd 25:12
 
 ועשית בדי עצי שטים וצפית אתם זהב.  
Exd 25:13
 
 והבאת את-הבדים בטבעת על צלעת הארן לשאת את-הארן בהם.  
Exd 25:14
 
 בטבעת הארן יהיו הבדים לא יסרו ממנו.  
Exd 25:15
 
 ונתת אל-הארן את העדת אשר אתן אליך.  
Exd 25:16
 
 ועשית כפרת זהב טהור אמתים וחצי ארכה ואמה וחצי רחבה.  
Exd 25:17
 
 ועשית שנים כרבים זהב מקשה תעשה אתם משני קצות הכפרת.  
Exd 25:18
 
 ועשה כרוב אחד מקצה מזה וכרוב-אחד מקצה מזה מן-הכפרת תעשו את- הכרבים על-שני קצותיו.  
Exd 25:19
 
 והיו הכרבים פרשי כנפים למעלה סככים בכנפיהם על-הכפרת ופניהם איש אל-אחיו אל-הכפרת יהיו פני הכרבים.  
Exd 25:20
 
 ונתת את-הכפרת על-הארן מלמעלה ואל-הארן תתן את-העדת אשר אתן אליך.  
Exd 25:21
 
 ונועדתי לך שם ודברתי אתך מעל הכפרת מבין שני הכרבים אשר על- ארון העדת את כל-אשר אצוה אותך אל-בני ישראל.  
Exd 25:22
 
 ועשית שלחן עצי שטים אמתים ארכו ואמה רחבו ואמה וחצי קמתו.  
Exd 25:23
 
 וצפית אתו זהב טהור ועשית לו זר זהב סביב.  
Exd 25:24
 
 ועשית לו מסגרת טפח סביב ועשית זר-זהב למסגרתו סביב.  
Exd 25:25
 
 ועשית לו ארבע טבעת זהב ונתת את-הטבעת על ארבע הפאת אשר לארבע רגליו.  
Exd 25:26
 
 לעמת המסגרת תהיין הטבעת לבתים לבדים לשאת את-השלחן.  
Exd 25:27
 
 ועשית את-הבדים עצי שטים וצפית אתם זהב ונשא-בם את-השלחן.  
Exd 25:28
 
 ועשית קערתיו וכפתיו וקשותיו ומנקיתיו אשר יסך בהן זהב טהור תעשה אתם.  
Exd 25:29
 
 ונתת על-השלחן לחם פנים לפני תמיד.  
Exd 25:30
 
 ועשית מנרת זהב טהור מקשה תיעשה המנורה ירכה וקנה גביעיה כפתריה ופרחיה ממנה יהיו.  
Exd 25:31
 
 וששה קנים יצאים מצדיה שלשה קני מנרה מצדה האחד ושלשה קני מנרה מצדה השני.  
Exd 25:32
 
 שלשה גבעים משקדים בקנה האחד כפתר ופרח ושלשה גבעים משקדים בקנה האחד כפתר ופרח כן לששת הקנים היצאים מן-המנרה.  
Exd 25:33
 
 ובמנרה ארבעה גבעים משקדים כפתריה ופרחיה.  
Exd 25:34
 
 וכפתר תחת שני הקנים ממנה וכפתר תחת שני הקנים ממנה וכפתר תחת- שני הקנים ממנה לששת הקנים היצאים מן-המנרה.  
Exd 25:35
 
 כפתריהם וקנתם ממנה יהיו כלה מקשה אחת זהב טהור.  
Exd 25:36
 
 ועשית את-נרתיה שבעה והעלה את-נרתיה והאיר על-עבר פניה.  
Exd 25:37
 
 ומלקחיה ומחתתיה זהב טהור.  
Exd 25:38
 
 ככר זהב טהור יעשה אתה את כל-הכלים האלה.  
Exd 25:39
 
 וראה ועשה בתבניתם אשר-אתה מראה בהר.  
Exd 25:40
 

Genesis | Exodus | Leviticus | Numbers | Deuteronomy | Joshua | Judges | Ruth | 1 Samuel | 2 Samuel | 1 Kings | 2 Kings | 1 Chronicles | 2 Chronicles | Ezra | Nehemiah | Esther | Job | Psalms | Proverbs | Ecclesiastes | Song of Solomon | Isaiah | Jeremiah | Lamentations | Ezekiel | Daniel | Hosea | Joel | Amos | Obadiah | Jonah | Micah | Nahum | Habakkuk | Zephaniah | Haggai | Zechariah | Malachi
Genesis 1Exodus 246 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 Exodus 26Leviticus 1
© 2005 redegg.org Home | Bible | About | Help | Site Map | Violin Flash Cards