| |
Hebrew Old Testament |   | |
 |
| |
| | וילך איש מבית לוי ויקח את-בת-לוי.
| Exd 2:1 | |
| | ותהר האשה ותלד בן ותרא אתו כי-טוב הוא ותצפנהו שלשה ירחים.
| Exd 2:2 | |
| | ולא-יכלה עוד הצפינו ותקח-לו תבת גמא ותחמרה בחמר ובזפת ותשם בה `z-הילד ותשם בסוף על-שפת היאר.
| Exd 2:3 | |
| | ותתצב אחתו מרחק לדעה מה-יעשה לו.
| Exd 2:4 | |
| | ותרד בת-פרעה לרחץ על-היאר ונערתיה הלכת על-יד היאר ותרא את- התבה בתוך הסוף ותשלח את-אמתה ותקחה.
| Exd 2:5 | |
| | ותפתח ותראהו את-הילד והנה-נער בכה ותחמל עליו ותאמר מילדי העברים זה.
| Exd 2:6 | |
| | ותאמר אחתו אל-בת-פרעה האלך וקראתי לך אשה מינקת מן העברית ותינק לך את-הילד.
| Exd 2:7 | |
| | ותאמר-לה בת-פרעה לכי ותלך העלמה ותקרא את-אם הילד.
| Exd 2:8 | |
| | ותאמר לה בת-פרעה היליכי את-הילד הזה והינקהו לי ואני אתן את- שכרך ותקח האשה הילד ותניקהו.
| Exd 2:9 | |
| | ויגדל הילד ותבאהו לבת-פרעה ויהי-לה לבן ותקרא שמו משה ותאמר כי מן-המים משיתהו.
| Exd 2:10 | |
| | ויהי בימים ההם ויגדל משה ויצא אל-אחיו וירא בסבלתם וירא איש מצרי מכה איש-עברי מאחיו.
| Exd 2:11 | |
| | ויפן כה וכה וירא כי אין איש ויך את-המצרי ויטמנהו בחול.
| Exd 2:12 | |
| | ויצא ביום השני והנה שני-אנשים עברים נצים ויאמר לרשע למה תכה רעך.
| Exd 2:13 | |
| | ויאמר מי שמך לאיש שר ושפט עלינו הלהרגני אתה אמר כאשר הרגת את- המצרי ויירא משה ויאמר אכן נודע הדבר.
| Exd 2:14 | |
| | וישמע פרעה את-הדבר הזה ויבקש להרג את-משה ויברח משה מפני פרעה וישב בארץ-מדין וישב על-הבאר.
| Exd 2:15 | |
| | ולכהן מדין שבע בנות ותבאנה ותדלנה ותמלאנה את-הרהטים להשקות צאן אביהן.
| Exd 2:16 | |
| | ויבאו הרעים ויגרשום ויקם משה ויושען וישק את-צאנם.
| Exd 2:17 | |
| | ותבאנה אל-רעואל אביהן ויאמר מדוע מהרתן בא היום.
| Exd 2:18 | |
| | ותאמרן איש מצרי הצילנו מיד הרעים וגם-דלה דלה לנו וישק את- הצאן.
| Exd 2:19 | |
| | ויאמר אל-בנתיו ואיו למה זה עזבתן את-האיש קראן לו ויאכל לחם.
| Exd 2:20 | |
| | ויואל משה לשבת את-האיש ויתן את-צפרה בתו למשה.
| Exd 2:21 | |
| | ותלד בן ויקרא את-שמו גרשם כי אמר גר הייתי בארץ נכריה.
| Exd 2:22 | |
| | ויהי בימים הרבים ההם וימת מלך מצרים ויאנחו בני-ישראל מן- העבדה ויזעקו ותעל שועתם אל-האלהים מן-העבדה.
| Exd 2:23 | |
| | וישמע אלהים את-נאקתם ויזכר אלהים את-בריתו את-אברהם את-יצחק ואת-יעקב.
| Exd 2:24 | |
| | וירא אלהים את-בני ישראל וידע אלהים.
| Exd 2:25 | |
