| |
Hebrew Old Testament |   | |
 |
| |
| | וישמע יתרו כהן מדין חתן משה את כל-אשר עשה אלהים למשה ולישראל rne כי-הוציא יהוה את-ישראל ממצרים.
| Exd 18:1 | |
| | ויקח יתרו חתן משה את-צפרה אשת משה אחר שלוחיה.
| Exd 18:2 | |
| | ואת שני בניה אשר שם האחד גרשם כי אמר גר הייתי בארץ נכריה.
| Exd 18:3 | |
| | ושם האחד אליעזר כי-אלהי אבי בעזרי ויצלני מחרב פרעה.
| Exd 18:4 | |
| | ויבא יתרו חתן משה ובניו ואשתו אל-משה אל-המדבר אשר-הוא חנה שם הר האלהים.
| Exd 18:5 | |
| | ויאמר אל-משה אני חתנך יתרו בא אליך ואשתך ושני בניה עמה.
| Exd 18:6 | |
| | ויצא משה לקראת חתנו וישתחו וישק-לו וישאלו איש-לרעהו לשלום ויבאו האהלה.
| Exd 18:7 | |
| | ויספר משה לחתנו את כל-אשר עשה יהוה לפרעה ולמצרים על אודת ישראל את כל-התלאה אשר מצאתם בדרך ויצלם יהוה.
| Exd 18:8 | |
| | ויחד יתרו על כל-הטובה אשר-עשה יהוה לישראל אשר הצילו מיד מצרים.
| Exd 18:9 | |
| | ויאמר יתרו ברוך יהוה אשר הציל אתכם מיד מצרים ומיד פרעה אשר הציל את-העם מתחת יד-מצרים.
| Exd 18:10 | |
| | עתה ידעתי כי-גדול יהוה מכל-האלהים כי בדבר אשר זדו עליהם.
| Exd 18:11 | |
| | ויקח יתרו חתן משה עלה וזבחים לאלהים ויבא אהרן וכל זקני ישראל לאכל-לחם עם-חתן משה לפני האלהים.
| Exd 18:12 | |
| | ויהי ממחרת וישב משה לשפט את-העם ויעמד העם על-משה מן-הבקר עד- הערב.
| Exd 18:13 | |
| | וירא חתן משה את כל-אשר-הוא עשה לעם ויאמר מה-הדבר הזה אשר אתה עשה לעם מדוע אתה יושב לבדך וכל-העם נצב עליך מן-בקר עד-ערב.
| Exd 18:14 | |
| | ויאמר משה לחתנו כי-יבא אלי העם לדרש אלהים.
| Exd 18:15 | |
| | כי-יהיה להם דבר בא אלי ושפטתי בין איש ובין רעהו והודעתי את- חקי האלהים ואת-תורתיו.
| Exd 18:16 | |
| | ויאמר חתן משה אליו לא-טוב הדבר אשר אתה עשה.
| Exd 18:17 | |
| | נבל תבל גם-אתה גם-העם הזה אשר עמך כי-כבד ממך הדבר לא-תוכל עשהו לבדך.
| Exd 18:18 | |
| | עתה שמע בקלי איעצך ויהי אלהים עמך היה אתה לעם מול האלהים והבאת אתה את-הדברים אל-האלהים.
| Exd 18:19 | |
| | והזהרתה אתהם את-החקים ואת-התורת והודעת להם את-הדרך ילכו בה ואת-המעשה אשר יעשון.
| Exd 18:20 | |
| | ואתה תחזה מכל-העם אנשי-חיל יראי אלהים אנשי אמת שנאי בצע ושמת עלהם שרי אלפים שרי מאות שרי חמשים ושרי עשרת.
| Exd 18:21 | |
| | ושפטו את-העם בכל-עת והיה כל-הדבר הגדל יביאו אליך וכל-הדבר הקטן ישפטו-הם והקל מעליך ונשאו אתך.
| Exd 18:22 | |
| | אם את-הדבר הזה תעשה וצוך אלהים ויכלת עמד וגם כל-העם הזה על- מקמו יבא בשלום.
| Exd 18:23 | |
| | וישמע משה לקול חתנו ויעש כל אשר אמר.
| Exd 18:24 | |
| | ויבחר משה אנשי-חיל מכל-ישראל ויתן אתם ראשים על-העם שרי אלפים שרי מאות שרי חמשים ושרי עשרת.
| Exd 18:25 | |
| | ושפטו את-העם בכל-עת את-הדבר הקשה יביאון אל-משה וכל-הדבר הקטן ישפוטו הם.
| Exd 18:26 | |
| | וישלח משה את-חתנו וילך לו אל-ארצו.
| Exd 18:27 | |
