| |
Hebrew Old Testament |   | |
 |
| |
| | ויסעו כל-עדת בני-ישראל ממדבר-סין למסעיהם על-פי יהוה ויחנו ברפידים ואין מים לשתת העם.
| Exd 17:1 | |
| | וירב העם עם-משה ויאמרו תנו-לנו מים ונשתה ויאמר להם משה מה- תריבון עמדי מה-תנסון את-יהוה.
| Exd 17:2 | |
| | ויצמא שם העם למים וילן העם על-משה ויאמר למה זה העליתנו ממצרים להמית אתי ואת-בני ואת-מקני בצמא.
| Exd 17:3 | |
| | ויצעק משה אל-יהוה לאמר מה אעשה לעם הזה עוד מעט וסקלני.
| Exd 17:4 | |
| | ויאמר יהוה אל-משה עבר לפני העם וקח אתך מזקני ישראל ומטך אשר הכית בו את-היאר קח בידך והלכת.
| Exd 17:5 | |
| | הנני עמד לפניך שם על-הצור בחרב והכית בצור ויצאו ממנו מים ושתה העם ויעש כן משה לעיני זקני ישראל.
| Exd 17:6 | |
| | ויקרא שם המקום מסה ומריבה על-ריב בני ישראל ועל נסתם את-יהוה לאמר היש יהוה בקרבנו אם-אין.
| Exd 17:7 | |
| | ויבא עמלק וילחם עם-ישראל ברפידם.
| Exd 17:8 | |
| | ויאמר משה אל-יהושע בחר-לנו אנשים וצא הלחם בעמלק מחר אנכי נצב על-ראש הגבעה ומטה האלהים בידי.
| Exd 17:9 | |
| | ויעש יהושע כאשר אמר-לו משה להלחם בעמלק ומשה אהרן וחור עלו ראש הגבעה.
| Exd 17:10 | |
| | והיה כאשר ירים משה ידו וגבר ישראל וכאשר יניח ידו וגבר עמלק.
| Exd 17:11 | |
| | וידי משה כבדים ויקחו-אבן וישימו תחתיו וישב עליה ואהרן וחור תמכו בידיו מזה אחד ומזה אחד ויהי ידיו אמונה עד-בא השמש.
| Exd 17:12 | |
| | ויחלש יהושע את-עמלק ואת-עמו לפי-חרב.
| Exd 17:13 | |
| | ויאמר יהוה אל-משה כתב זאת זכרון בספר ושים באזני יהושע כי-מחה אמחה את-זכר עמלק מתחת השמים.
| Exd 17:14 | |
| | ויבן משה מזבח ויקרא שמו יהוה נסי.
| Exd 17:15 | |
| | ויאמר כי-יד על-כס יה מלחמה ליהוה בעמלק מדר דר.
| Exd 17:16 | |
