| |
Hebrew Old Testament |   | |
 |
| |
| | ויאמר יהוה אל-משה ואל-אהרן בארץ מצרים לאמר.
| Exd 12:1 | |
| | החדש הזה לכם ראש חדשים ראשון הוא לכם לחדשי השנה.
| Exd 12:2 | |
| | דברו אל-כל-עדת ישראל לאמר בעשר לחדש הזה ויקחו להם איש שה לבית- אבת שה לבית.
| Exd 12:3 | |
| | ואם-ימעט הבית מהיות משה ולקח הוא ושכנו הקרב אל-ביתו במכסת נפשת איש לפי אכלו תכסו על-השה.
| Exd 12:4 | |
| | שה תמים זכר בן-שנה יהיה לכם מן-הכבשים ומן-העזים תקחו.
| Exd 12:5 | |
| | והיה לכם למשמרת עד ארבעה עשר יום לחדש הזה ושחטו אתו כל קהל עדת-ישראל בין הערבים.
| Exd 12:6 | |
| | ולקחו מן-הדם ונתנו על-שתי המזוזת ועל-המשקוף על הבתים אשר- יאכלו אתו בהם.
| Exd 12:7 | |
| | ואכלו את-הבשר בלילה הזה צלי-אש ומצות על-מררים יאכלהו.
| Exd 12:8 | |
| | אל-תאכלו ממנו נא ובשל מבשל במים כי אם-צלי-אש ראשו על-כרעיו ועל-קרבו.
| Exd 12:9 | |
| | ולא-תותירו ממנו עד-בקר והנתר ממנו עד-בקר באש תשרפו.
| Exd 12:10 | |
| | וככה תאכלו אתו מתניכם חגרים נעליכם ברגליכם ומקלכם בידכם ואכלתם אתו בחפזון פסח הוא ליהוה.
| Exd 12:11 | |
| | ועברתי בארץ-מצרים בלילה הזה והכיתי כל-בכור בארץ מצרים מאדם ועד-בהמה ובכל-אלהי מצרים אעשה שפטים אני יהוה.
| Exd 12:12 | |
| | והיה הדם לכם לאת על הבתים אשר אתם שם וראיתי את-הדם ופסחתי עלכם ולא-יהיה בכם נגף למשחית בהכתי בארץ מצרים.
| Exd 12:13 | |
| | והיה היום הזה לכם לזכרון וחגתם אתו חג ליהוה לדרתיכם חקת עולם תחגהו.
| Exd 12:14 | |
| | שבעת ימים מצות תאכלו אך ביום הראשון תשביתו שאר מבתיכם כי כל- אכל חמץ ונכרתה הנפש ההוא מישראל מיום הראשן עד-יום השבעי.
| Exd 12:15 | |
| | וביום הראשון מקרא-קדש וביום השביעי מקרא-קדש יהיה לכם כל- מלאכה לא-יעשה בהם אך אשר יאכל לכל-נפש הוא לבדו יעשה לכם.
| Exd 12:16 | |
| | ושמרתם את-המצות כי בעצם היום הזה הוצאתי את-צבאותיכם מארץ מצרים ושמרתם את-היום הזה לדרתיכם חקת עולם.
| Exd 12:17 | |
| | בראשן בארבעה עשר יום לחדש בערב תאכלו מצת עד יום האחד ועשרים לחדש בערב.
| Exd 12:18 | |
| | שבעת ימים שאר לא ימצא בבתיכם כי כל-אכל מחמצת ונכרתה הנפש ההוא מעדת ישראל בגר ובאזרח הארץ.
| Exd 12:19 | |
| | כל-מחמצת לא תאכלו בכל מושבתיכם תאכלו מצות.
| Exd 12:20 | |
| | ויקרא משה לכל-זקני ישראל ויאמר אלהם משכו וקחו לכם צאן למשפחתיכם ושחטו הפסח.
| Exd 12:21 | |
| | ולקחתם אגדת אזוב וטבלתם בדם אשר-בסף והגעתם אל-המשקוף ואל-שתי המזוזת מן-הדם אשר בסף ואתם לא תצאו איש מפתח-ביתו עד-בקר.
| Exd 12:22 | |
| | ועבר יהוה לנגף את-מצרים וראה את-הדם על-המשקוף ועל שתי המזוזת ופסח יהוה על-הפתח ולא יתן המשחית לבא אל-בתיכם לנגף.
| Exd 12:23 | |
| | ושמרתם את-הדבר הזה לחק-לך ולבניך עד-עולם.
| Exd 12:24 | |
| | והיה כי-תבאו אל-הארץ אשר יתן יהוה לכם כאשר דבר ושמרתם את- העבדה הזאת.
| Exd 12:25 | |
| | והיה כי-יאמרו אליכם בניכם מה העבדה הזאת לכם.
| Exd 12:26 | |
| | ואמרתם זבח-פסח הוא ליהוה אשר פסח על-בתי בני-ישראל במצרים בנגפו את-מצרים ואת-בתינו הציל ויקד העם וישתחוו.
| Exd 12:27 | |
| | וילכו ויעשו בני ישראל כאשר צוה יהוה את-משה ואהרן כן עשו.
| Exd 12:28 | |
| | ויהי בחצי הלילה ויהוה הכה כל-בכור בארץ מצרים מבכר פרעה הישב על-כסאו עד בכור השבי אשר בבית הבור וכל בכור בהמה.
| Exd 12:29 | |
| | ויקם פרעה לילה הוא וכל-עבדיו וכל-מצרים ותהי צעקה גדלה במצרים כי-אין בית אשר אין-שם מת.
| Exd 12:30 | |
| | ויקרא למשה ולאהרן לילה ויאמר קומו צאו מתוך עמי גם-אתם גם-בני ישראל ולכו עבדו את-יהוה כדברכם.
| Exd 12:31 | |
| | גם-צאנכם גם-בקרכם קחו כאשר דברתם ולכו וברכתם גם-אתי.
| Exd 12:32 | |
| | ותחזק מצרים על-העם למהר לשלחם מן-הארץ כי אמרו כלנו מתים.
| Exd 12:33 | |
| | וישא העם את-בצקו טרם יחמץ משארתם צררת בשמלתם על-שכמם.
| Exd 12:34 | |
| | ובני-ישראל עשו כדבר משה וישאלו ממצרים כלי-כסף וכלי זהב ושמלת.
| Exd 12:35 | |
| | ויהוה נתן את-חן העם בעיני מצרים וישאלום וינצלו את-מצרים.
| Exd 12:36 | |
| | ויסעו בני-ישראל מרעמסס סכתה כשש-מאות אלף רגלי הגברים לבד מטף.
| Exd 12:37 | |
| | וגם-ערב רב עלה אתם וצאן ובקר מקנה כבד מאד.
| Exd 12:38 | |
| | ויאפו את-הבצק אשר הוציאו ממצרים עגת מצות כי לא חמץ כי-גרשו ממצרים ולא יכלו להתמהמה וגם-צדה לא-עשו להם.
| Exd 12:39 | |
| | ומושב בני ישראל אשר ישבו במצרים שלשים שנה וארבע מאות שנה.
| Exd 12:40 | |
| | ויהי מקץ שלשים שנה וארבע מאות שנה ויהי בעצם היום הזה יצאו כל- צבאות יהוה מארץ מצרים.
| Exd 12:41 | |
| | ליל שמרים הוא ליהוה להוציאם מארץ מצרים הוא-הלילה הזה ליהוה שמרים לכל-בני ישראל לדרתם.
| Exd 12:42 | |
| | ויאמר יהוה אל-משה ואהרן זאת חקת הפסח כל-בן-נכר לא-יאכל בו.
| Exd 12:43 | |
| | וכל-עבד איש מקנת-כסף ומלתה אתו אז יאכל בו.
| Exd 12:44 | |
| | תושב ושכיר לא-יאכל-בו.
| Exd 12:45 | |
| | בבית אחד יאכל לא-תוציא מן-הבית מן-הבשר חוצה ועצם לא תשברו- בו.
| Exd 12:46 | |
| | כל-עדת ישראל יעשו אתו.
| Exd 12:47 | |
| | וכי-יגור אתך גר ועשה פסח ליהוה המול לו כל-זכר ואז יקרב לעשתו והיה כאזרח הארץ וכל-ערל לא-יאכל בו.
| Exd 12:48 | |
| | תורה אחת יהיה לאזרח ולגר הגר בתוככם.
| Exd 12:49 | |
| | ויעשו כל-בני ישראל כאשר צוה יהוה את-משה ואת-אהרן כן עשו.
| Exd 12:50 | |
| | ויהי בעצם היום הזה הוציא יהוה את-בני ישראל מארץ מצרים על- צבאתם.
| Exd 12:51 | |
