| |
Hebrew Old Testament |   | |
 |
| |
| | ויאמר יהוה אל-משה בא אל-פרעה כי-אני הכבדתי את-לבו ואת-לב עבדיו למען שתי אתתי אלה בקרבו.
| Exd 10:1 | |
| | ולמען תספר באזני בנך ובן-בנך את אשר התעללתי במצרים ואת-אתתי אשר-שמתי בם וידעתם כי-אני יהוה.
| Exd 10:2 | |
| | ויבא משה ואהרן אל-פרעה ויאמרו אליו כה-אמר יהוה אלהי העברים עד- מתי מאנת לענת מפני שלח עמי ויעבדני.
| Exd 10:3 | |
| | כי אם-מאן אתה לשלח את-עמי הנני מביא מחר ארבה בגבלך.
| Exd 10:4 | |
| | וכסה את-עין הארץ ולא יוכל לראת את-הארץ ואכל את-יתר הפלטה הנשארת לכם מן-הברד ואכל את-כל-העץ הצמח לכם מן-השדה.
| Exd 10:5 | |
| | ומלאו בתיך ובתי כל-עבדיך ובתי כל-מצרים אשר לא-ראו אבתיך ואבות אבתיך מיום היותם על-האדמה עד היום הזה ויפן ויצא מעם פרעה.
| Exd 10:6 | |
| | ויאמרו עבדי פרעה אליו עד-מתי יהיה זה לנו למוקש שלח את-האנשים ויעבדו את-יהוה אלהיהם הטרם תדע כי אבדה מצרים.
| Exd 10:7 | |
| | ויושב את-משה ואת-אהרן אל-פרעה ויאמר אלהם לכו עבדו את-יהוה אלהיכם מי ומי ההלכים.
| Exd 10:8 | |
| | ויאמר משה בנערינו ובזקנינו נלך בבנינו ובבנותנו בצאננו ובבקרנו נלך כי חג-יהוה לנו.
| Exd 10:9 | |
| | ויאמר אלהם יהי כן יהוה עמכם כאשר אשלח אתכם ואת-טפכם ראו כי רעה נגד פניכם.
| Exd 10:10 | |
| | לא כן לכו-נא הגברים ועבדו את-יהוה כי אתה אתם מבקשים ויגרש אתם מאת פני פרעה.
| Exd 10:11 | |
| | ויאמר יהוה אל-משה נטה ידך על-ארץ מצרים בארבה ויעל על-ארץ מצרים ויאכל את-כל-עשב הארץ את כל-אשר השאיר הברד.
| Exd 10:12 | |
| | ויט משה את-מטהו על-ארץ מצרים ויהוה נהג רוח קדים בארץ כל-היום ההוא וכל-הלילה הבקר היה ורוח הקדים נשא את-הארבה.
| Exd 10:13 | |
| | ויעל הארבה על כל-ארץ מצרים וינח בכל גבול מצרים כבד מאד לפניו לא-היה כן ארבה כמהו ואחריו לא יהיה-כן.
| Exd 10:14 | |
| | ויכס את-עין כל-הארץ ותחשך הארץ ויאכל את-כל-עשב הארץ ואת כל- פרי העץ אשר הותיר הברד ולא-נותר כל-ירק בעץ ובעשב השדה בכל-ארץ מצרים.
| Exd 10:15 | |
| | וימהר פרעה לקרא למשה ולאהרן ויאמר חטאתי ליהוה אלהיכם ולכם.
| Exd 10:16 | |
| | ועתה שא נא חטאתי אך הפעם והעתירו ליהוה אלהיכם ויסר מעלי רק את-המות הזה.
| Exd 10:17 | |
| | ויצא מעם פרעה ויעתר אל-יהוה.
| Exd 10:18 | |
| | ויהפך יהוה רוח-ים חזק מאד וישא את-הארבה ויתקעהו ימה סוף לא נשאר ארבה אחד בכל גבול מצרים.
| Exd 10:19 | |
| | ויחזק יהוה את-לב פרעה ולא שלח את-בני ישראל.
| Exd 10:20 | |
| | ויאמר יהוה אל-משה נטה ידך על-השמים ויהי חשך על-ארץ מצרים וימש חשך.
| Exd 10:21 | |
| | ויט משה את-ידו על-השמים ויהי חשך-אפלה בכל-ארץ מצרים שלשת ימים.
| Exd 10:22 | |
| | לא-ראו איש את-אחיו ולא-קמו איש מתחתיו שלשת ימים ולכל-בני ישראל היה אור במושבתם.
| Exd 10:23 | |
| | ויקרא פרעה אל-משה ויאמר לכו עבדו את-יהוה רק צאנכם ובקרכם יצג גם-טפכם ילך עמכם.
| Exd 10:24 | |
| | ויאמר משה גם-אתה תתן בידנו זבחים ועלת ועשינו ליהוה אלהינו.
| Exd 10:25 | |
| | וגם-מקננו ילך עמנו לא תשאר פרסה כי ממנו נקח לעבד את-יהוה אלהינו ואנחנו לא-נדע מה-נעבד את-יהוה עד-באנו שמה.
| Exd 10:26 | |
| | ויחזק יהוה את-לב פרעה ולא אבה לשלחם.
| Exd 10:27 | |
| | ויאמר-לו פרעה לך מעלי השמר לך אל-תסף ראות פני כי ביום ראתך פני תמות.
| Exd 10:28 | |
| | ויאמר משה כן דברת לא-אסף עוד ראות פניך.
| Exd 10:29 | |
