| |
Hebrew Old Testament |   | |
 |
| |
| | ויהי כי-החל האדם לרב על-פני האדמה ובנות ילדו להם.
| Gen 6:1 | |
| | ויראו בני-האלהים את-בנות האדם כי טבת הנה ויקחו להם נשים מכל אשר בחרו.
| Gen 6:2 | |
| | ויאמר יהוה לא-ידון רוחי באדם לעלם בשגם הוא בשר והיו ימיו מאה ועשרים שנה.
| Gen 6:3 | |
| | הנפלים היו בארץ בימים ההם וגם אחרי-כן אשר יבאו בני האלהים אל- בנות האדם וילדו להם המה הגברים אשר מעולם אנשי השם.
| Gen 6:4 | |
| | וירא יהוה כי רבה רעת האדם בארץ וכל-יצר מחשבת לבו רק רע כל- היום.
| Gen 6:5 | |
| | וינחם יהוה כי-עשה את-האדם בארץ ויתעצב אל-לבו.
| Gen 6:6 | |
| | ויאמר יהוה אמחה את-האדם אשר-בראתי מעל פני האדמה מאדם עד-בהמה עד-רמש ועד-עוף השמים כי נחמתי כי עשיתם.
| Gen 6:7 | |
| | ונח מצא חן בעיני יהוה.
| Gen 6:8 | |
| | אלה תולדת נח נח איש צדיק תמים היה בדרתיו את-האלהים התהלך-נח.
| Gen 6:9 | |
| | ויולד נח שלשה בנים את-שם את-חם ואת-יפת.
| Gen 6:10 | |
| | ותשחת הארץ לפני האלהים ותמלא הארץ חמס.
| Gen 6:11 | |
| | וירא אלהים את-הארץ והנה נשחתה כי-השחית כל-בשר את-דרכו על- הארץ.
| Gen 6:12 | |
| | ויאמר אלהים לנח קץ כל-בשר בא לפני כי-מלאה הארץ חמס מפניהם והנני משחיתם את-הארץ.
| Gen 6:13 | |
| | עשה לך תבת עצי-גפר קנים תעשה את-התבה וכפרת אתה מבית ומחוץ aktx.
| Gen 6:14 | |
| | וזה אשר תעשה אתה שלש מאות אמה ארך התבה חמשים אמה רחבה ושלשים אמה קומתה.
| Gen 6:15 | |
| | צהר תעשה לתבה ואל-אמה תכלנה מלמעלה ופתח התבה בצדה תשים תחתים שנים ושלשים תעשה.
| Gen 6:16 | |
| | ואני הנני מביא את-המבול מים על-הארץ לשחת כל-בשר אשר-בו רוח חיים מתחת השמים כל אשר-בארץ יגוע.
| Gen 6:17 | |
| | והקמתי את-בריתי אתך ובאת אל-התבה אתה ובניך ואשתך ונשי-בניך אתך.
| Gen 6:18 | |
| | ומכל-החי מכל-בשר שנים מכל תביא אל-התבה להחית אתך זכר ונקבה יהיו.
| Gen 6:19 | |
| | מהעוף למינהו ומן-הבהמה למינה מכל רמש האדמה למינהו שנים מכל יבאו אליך להחיות.
| Gen 6:20 | |
| | ואתה קח-לך מכל-מאכל אשר יאכל ואספת אליך והיה לך ולהם לאכלה.
| Gen 6:21 | |
| | ויעש נח ככל אשר צוה אתו אלהים כן עשה.
| Gen 6:22 | |
