| |
Albanian Bible |   | |
 |
| |
| | Hbr 10:1 | Por në këto flijime përtërihet çdo vit kujtimi i mëkateve,
| |
| | Hbr 10:2 | sepse është e pamundur që gjaku i demave dhe i cjepve të heqë mëkatët.
| |
| | Hbr 10:3 | Prandaj, duke hyrë në botë, ai thotë: ''Ti nuk deshe as flijim as mblatë, po bëre gati për mua një trup;
| |
| | Hbr 10:4 | ti nuk pëlqeve as olokauste as flijimet për mëkatin.
| |
| | Hbr 10:5 | Atëherë unë thashë: "Ja, unë po vij; në rotullin e librit është shkruar për mua; për të bërë, o Perëndi, vullnetin tënd"''.
| |
| | Hbr 10:6 | Mbasi tha: ''Ti nuk deshe as flijim as mblatë, as olokauste as flijime për mëkatin, që të blatohen sipas ligjit'',
| |
| | Hbr 10:7 | ai shtoi: ''Ja, unë vij për të bërë, o Perëndi, vullnetin tënd''. Ai heq të parën, që të vërë të dytën.
| |
| | Hbr 10:8 | Prej këtij vullneti, ne jemi shenjtëruar me anë të kushtimit të trupit të Jezu Krishtit, që u bë një herë për të gjithë.
| |
| | Hbr 10:9 | Dhe ndërsa çdo prift rri përdita në këmbë duke shërbyer dhe duke mblatuar shpesh herë të njëjtat flijime, që nuk mund të heqin kurrë mëkatet,
| |
| | Hbr 10:10 | ai, përkundrazi, pasi dha për gjithnjë një flijim të vetëm për mëkatet, u vu të rrijë në të djathtën e Perëndisë,
| |
| | Hbr 10:11 | duke pritur paskëtaj vetëm që armiqtë e tij t'i vihen si ndenjëse për këmbët e tij.
| |
| | Hbr 10:12 | Sepse, me një ofertë të vetme, ai i bëri të përsosur për gjithnjë ata që shenjtërohen.
| |
| | Hbr 10:13 | Por edhe Fryma e Shenjtë na e dëshmon; sepse, mbasi pat thënë më parë:
| |
| | Hbr 10:14 | ''Kjo është Besëlidhja që unë do të bëj me ata pas atyre ditëve, thotë Perëndia, unë do t'i shtie ligjet e mia në zemrat e tyre dhe do t'i shkruaj në mendjet e tyre'',
| |
| | Hbr 10:15 | shton: ''Dhe nuk do t'i kujtoj më mëkatet e tyre dhe paudhësitë e tyre''.
| |
| | Hbr 10:16 | Edhe atje ku ka ndjesë të këtyre gjërave, nuk ka më ofertë për mëkatin.
| |
| | Hbr 10:17 | Duke pasur, pra, o vëllezër, liri të plotë për të hyrë në shenjtërore me anë të gjakut të Jezusit,
| |
| | Hbr 10:18 | me anë të një udhe të re dhe të gjallë që ai përuroi për ne me anë të velit, domethënë të mishit të tij,
| |
| | Hbr 10:19 | edhe duke pasur një kryeprift mbi shtëpinë e Perëndisë,
| |
| | Hbr 10:20 | le t'i afrohemi me zemër të vërtetë, me siguri të plotë besimi, duke i pasur zemrat tona të lara prej ndërgjegjës së ligë dhe trupin të larë me ujë të kulluar.
| |
| | Hbr 10:21 | Le të mbajmë të patundur rrëfimin e shpresës sonë, sepse besnik është ai që premtoi.
| |
| | Hbr 10:22 | Dhe le të kujdesemi për njeri tjetrin, për t'u nxitur për dashuri dhe vepra të mira,
| |
| | Hbr 10:23 | pa hequr dorë nga të mbledhurit bashkë tonin, sikurse kanë zakon disa, por të nxisim njeri tjetrin, aq më tepër se e shihni ditën që po afrohet.
| |
| | Hbr 10:24 | Sepse, në qoftë se ne mëkatojmë me dashje mbasi kemi marrë dijeni të së vërtetës, nuk mbetet më asnjë flijim për mëkatet,
| |
| | Hbr 10:25 | por vetëm një pritje gjyqi e tmerrshme dhe një e ndezur zjarri që do të përpijë kundërshtarët.
| |
| | Hbr 10:26 | Kushdo që shkel ligjin e Moisiut vritet pa mëshirë me deponimet e dy ose tre dëshmitarëve.
| |
| | Hbr 10:27 | Ç'dënim më të keq meriton, sipas mendimit tuaj, ai që ka shkelur me këmbë Birin e Perëndisë dhe e ka konsideruar profan gjakun e Besëlidhjes me të cilin u shenjtërua, dhe ka fyer Frymën e hirit?
| |
| | Hbr 10:28 | Sepse ne e dimë atë që ka thënë: ''Hakmarrja më takon mua, unë do ta jap shpagimin'', thotë Perëndia. Dhe përsëri: ''Perëndia do të gjykojë popullin e vet''.
| |
| | Hbr 10:29 | Gjë e tmerrshme është të bjerë njeriu në duart e Perëndisë së gjallë.
| |
| | Hbr 10:30 | Dhe tani sillni ndërmend ditët e mëparshme, në të cilat, pasi u ndriçuat, keni duruar një luftë të madhe vuajtjesh,
| |
| | Hbr 10:31 | herë duke u bërë objekt fyerjesh dhe mundimesh, herë duke u solidarizuar me ata që trajtoheshin në këtë mënyrë.
| |
| | Hbr 10:32 | Sepse treguat dhembje për mua në prangat e mia dhe keni pranuar me gëzim t'ju zhveshin nga pasuria juaj, duke ditur se keni për veten tuaj një pasuri më të mirë e të qëndrueshme në qiej.
| |
| | Hbr 10:33 | Mos e hidhni tej guximin tuaj, që do të ketë një shpërblim të madh.
| |
| | Hbr 10:34 | Sepse ju keni nevojë për ngulm që mbasi, të bëni vullnetin e Perëndisë, të merrni gjërat e premtuara.
| |
| | Hbr 10:35 | ''Edhe fort pak kohë, edhe ai që duhet të vijë do të vijë dhe nuk do të vonojë.
| |
| | Hbr 10:36 | Dhe i drejti do të jetojë prej besimit; por ne qoftë se ndokush tërhiqet prapa, shpirti im nuk do të gjejë pëlqim në të''.
| |
| | Hbr 10:37 | Por ne nuk jemi nga ata që tërhiqen prapa për humbje, por nga ata që besojnë në shpëtimin e shpirtit.
| |
| | Hbr 10:38 | Dhe besimi është siguria e gjërave që shpresohen, tregim i gjërave që nuk shihen;
| |
| | Hbr 10:39 | sepse me anë të saj të moçmit morën dëshmimin.
| |
