| |
Albanian Bible |   | |
 |
| |
| | 2Cr 3:1 | A fillojmë përsëri të rekomandojmë veten tonë? Apo mos kemi nevojë, si disa, për letra rekomandimi për ju ose për rekomandime nga ana juaj?
| |
| | 2Cr 3:2 | Ju jeni letra jonë, e shkruar në zemrat tona, e njohur dhe e lexuar nga të gjithë njerëzit,
| |
| | 2Cr 3:3 | duke qenë manifestuar se jeni një letër e Krishtit, e hartuar me anë të shërbesës sonë, dhe e shkruar jo me bojë, por me Frymën e Perëndisë së gjallë, dhe jo mbi rrasa guri, por mbi rrasa të një zemre mishi.
| |
| | 2Cr 3:4 | Dhe këtë besim ne e kemi në Perëndinë me anë të Krishtit;
| |
| | 2Cr 3:5 | jo se jemi të aftë prej vetiu të kuptojmë ndonjë gjë sikur vjen nga vetja jonë, por aftësia jonë vjen nga Perëndia,
| |
| | 2Cr 3:6 | i cili na bëri të aftë të jemi shërbëtorë të besëlidhjes së re, jo të shkronjës, por të Frymës, sepse shkronja vret, por Fryma jep jetë.
| |
| | 2Cr 3:7 | Dhe, në qoftë se shërbimi i vdekjes, që ishte gdhendur me shkronja mbi gurë, qe i lavdishëm aq sa bijtë e Izraelit nuk mund të vështronin me sy fytyrën e Moisiut, për shkak të lavdisë së pamjes së tij, që duhet të anullohej,
| |
| | 2Cr 3:8 | sa më i lavdishëm do të jetë shërbimi i Frymës?
| |
| | 2Cr 3:9 | Sepse, nëse shërbimi i dënimit qe rrethuar me lavdi, shumë më tepër do të teprojë në lavdi shërbimi i drejtësisë.
| |
| | 2Cr 3:10 | Sepse ç'ka është lavdëruar nuk është lavdëruar nga kjo pikëpamje, për shkak të asaj lavdie që e kapërcen çdo masë.
| |
| | 2Cr 3:11 | Sepse, në qoftë se ajo që duhet të anullohej u rrethua me lavdi, ajo që mbetet do të jetë shumë më e lavdishme.
| |
| | 2Cr 3:12 | Duke pasur, pra, një shpresë të tillë, flasim me shumë guxim,
| |
| | 2Cr 3:13 | dhe jo si Moisiu, i cili vinte një vel mbi fytyrën e vet, që bijtë e Izraelit të mos vështronin me sy fundin e asaj që duhej të anullohej.
| |
| | 2Cr 3:14 | Por mendjet e tyre u errën; sepse, në leximin e besëlidhjes së vjetër, po ky vel mbetet pa u hequr, sepse veli anullohet në Krishtin.
| |
| | 2Cr 3:15 | Por deri më sot, kur lexohet Moisiu, një vel mbetet mbi zemrat e tyre.
| |
| | 2Cr 3:16 | Por kur Izraeli të kthehet te Zoti, veli do të hiqet.
| |
| | 2Cr 3:17 | Sepse Zoti është Fryma, dhe atje ku është Fryma e Zotit, atje është liria.
| |
| | 2Cr 3:18 | Dhe ne të gjithë, duke soditur fytyrëzbuluar lavdinë e Zotit si në pasqyrë, transformohemi në të njëjtën shëmbëllim nga lavdia në lavdi, posi prej Frymës së Zotit.
| |
