| |
Albanian Bible |   | |
 |
| |
| | 1Cr 8:1 | Për sa u përket flijimeve për idhujt, ne e dime se të gjithë kemi njohuri; njohuria krekos, kurse dashuria ndërton.
| |
| | 1Cr 8:2 | Në qoftë se dikush mendon se di diçka, ai nuk di ende asgjë sikundër duhet të dijë.
| |
| | 1Cr 8:3 | Por në qoftë se dikush e do Perëndinë, ai është i njohur prej tij.
| |
| | 1Cr 8:4 | Pra, për sa i përket të ngrënit të flive që u bëhen idhujve, ne e dimë se idhulli nuk është asgjë në botë dhe se nuk ka Perëndi tjetër, veç një.
| |
| | 1Cr 8:5 | Sepse, ndonëse ka të ashtuquajtura perëndi në qiell a në tokë (sikurse ka shumë perëndi dhe shumë zotër),
| |
| | 1Cr 8:6 | për ne s'ka veçse një Perëndi, Ati nga i cili janë të gjitha gjërat dhe ne në të; dhe një Zot, Jezu Krishti, me anë të të cilit janë të gjitha gjërat, dhe ne jetojmë me anë të tij.
| |
| | 1Cr 8:7 | Por njohuria nuk është në të gjithë; madje disa, të ndërgjegjshëm për idhullin, hanë gjëra posi të flijuara idhujve; dhe ndërgjegja e tyre, duke qenë e dobët, përlyhet.
| |
| | 1Cr 8:8 | Por të ngrënit nuk na çon te Perëndia; po të hamë, nuk fitojmë asgjë më tepër dhe, po të mos hamë, s'kemi gjë më pak.
| |
| | 1Cr 8:9 | Por kini mendjen se mos kjo liri që keni të bëhet pengesë për të dobëtit.
| |
| | 1Cr 8:10 | Sepse, në qoftë se dikush të sheh ty, që ke njohuri, të ulur në tryezë në një tempull idhujsh, ndërgjegja e tij, që është e dobët, a nuk do të marrë guxim që ai të hajë gjërat e flijiuara për idhujt?
| |
| | 1Cr 8:11 | Edhe kështu, për shkak të njohurisë sate, do të humbasë vëllai yt i dobët, për të cilin vdiq Krishti.
| |
| | 1Cr 8:12 | Dhe, kur mëkatoni kështu kundër vëllezërve, duke plagosur ndërgjegjen e tyre të dobët, ju mëkatoni kundër Krishtit.
| |
| | 1Cr 8:13 | Prandaj, në qoftë se një ushqim skandalizon vëllanë tim, unë nuk do të ha më kurrë mish, që të mos e skandalizoj vëllanë tim.
| |
