| |
Albanian Bible |   | |
 |
| |
| | Exd 25:1 | Zoti i foli Moisiut duke thënë:
| |
| | Exd 25:2 | "U thuaj bijve të Izraelit që të më bëjnë një ofertë; do ta pranoni ofertën nga çdo njeri që e bën i shtyrë nga zemra e tij.
| |
| | Exd 25:3 | Dhe kjo është oferta që do të pranoni prej tyre: ar, argjend dhe bronz;
| |
| | Exd 25:4 | stofa me ngjyrë vjollce, të purpurt, të kuqe flakë; li të hollë dhe lesh dhie;
| |
| | Exd 25:5 | lëkura dashi të ngjyrosura në të kuq, lëkurë baldose dhe dru akacie;
| |
| | Exd 25:6 | vaj për dritën e shandanit, aroma për vajin e vajosjes dhe për temianin erëmirë;
| |
| | Exd 25:7 | gurë oniksi dhe gurë për të ngallmuar në petkun e priftërinjve dhe në gjoksore.
| |
| | Exd 25:8 | Le të më bëjnë një shenjtërore, që unë të banoj në mes tyre.
| |
| | Exd 25:9 | Ju do ta bëni atë sipas tërë asaj që unë do t'iu tregoj, si për modelin e tabernakullit ashtu edhe për modelin e të gjitha orendive.
| |
| | Exd 25:10 | Do të bëjnë, pra, një arkë prej druri të akacies, i gjatë dy kubitë e gjysmë, i gjërë një kubit e gjysmë dhe i lartë një kubit e gjysmë.
| |
| | Exd 25:11 | Do ta veshësh nga brenda dhe nga jashtë; me ar safi dhe sipër do t'i bësh një kurorë ari, që të sillet përqark.
| |
| | Exd 25:12 | Do të shkrish për të katër unaza ari dhe do t'i vësh në katër këmbët e saj: dy unaza nga një anë dhe dy unaza nga ana tjetër.
| |
| | Exd 25:13 | Do të bësh edhe disa shtiza prej druri të akacies dhe do t'i veshësh me ar.
| |
| | Exd 25:14 | Pastaj do t'i kalosh shtizat nëpër unazat e arkës, për ta mbajtur.
| |
| | Exd 25:15 | Shtizat do të qëndrojnë në unazat e arkës; nuk do të hiqen prej asaj.
| |
| | Exd 25:16 | Dhe në arkë do të vësh Dëshminë që do të të jap.
| |
| | Exd 25:17 | Do të bësh edhe një pajtues prej ari safi; gjatësia e tij do të jetë dy kubitë e gjysmë, dhe gjerësia e tij një kubit e gjysmë.
| |
| | Exd 25:18 | Do të bësh pastaj dy kerubinë prej ari; këta do të punohen me çekiç në të dy skajet e pajtuesit;
| |
| | Exd 25:19 | bëje një kerubin në një nga skajet dhe një kerubin në skajin tjetër; kerubinët do t'i bëni prej një cope të vetme me pajtuesin në skajet e tij.
| |
| | Exd 25:20 | Dhe kerubinët do t'i kenë krahët e hapura me drejtim lart, në mënyrë që të mbulojnë pajtuesin me krahët e tyre; do të kenë drejtim nga njëri tjetri, ndërsa fytyrat e kerubinëve do të jenë të kthyera në drejtim të pajtuesit.
| |
| | Exd 25:21 | Do ta vësh pastaj pajtuesin lart, mbi arkën; dhe në arkë do të futësh Dëshminë që do të të jap.
| |
| | Exd 25:22 | Aty unë do të të takoj, nga lart, mbi pajtuesin, midis dy kerubinëve që janë mbi arkën e dëshmisë, do të të njoftoj tërë urdhërat që do të të jap për bijtë e Izraelit.
| |
| | Exd 25:23 | Do të bësh edhe një tryezë prej druri të akacies, e gjatë dy kubitë, e gjërë një kubit dhe e lartë një kubit e gjysmë.
| |
| | Exd 25:24 | Do ta veshësh me ar safi dhe do t'i bësh rreth e qark një kurorë prej ari.
| |
| | Exd 25:25 | Do t'i bësh rreth e përqark një buzë të lartë një pëllëmbë dore dhe rreth kësaj buze një kurorë prej ari.
| |
| | Exd 25:26 | Do t'i bësh gjithashtu katër unaza ari dhe do t'i vësh unazat në katër qoshet, që ndodhen në katër këmbët e tryezës.
| |
| | Exd 25:27 | Unazat do të jenë pranë buzës për të kaluar shufrat e caktuara që do ta mbajnë tryezën.
| |
| | Exd 25:28 | Shufrat do t'i bësh me dru të akacies dhe do t'i veshësh me ar; ato do të shërbejnë për të mbajtur tryezën.
| |
| | Exd 25:29 | Do të përgatisësh edhe pjatat e tij, gotat e tij, kupat e tij dhe filxhanët e tij me të cilët bëhen libacionet; dhe do t'i bësh me ar safi.
| |
| | Exd 25:30 | Dhe do të vësh mbi tryezë bukën e paraqitjes, që do të rrijë vazhdimisht para meje.
| |
| | Exd 25:31 | Do të përgatisësh një shandan prej ari safi; shandani, këmba dhe trungu i tij do të punohen me çekiç; kupat, mollët dhe lulet e tij do të jenë një copë.
| |
| | Exd 25:32 | Nga anët e tij do të dalin gjashtë krahë: tre krahë nga njëra anë e shandanit dhe tre krahë nga ana tjetër e tij;
| |
| | Exd 25:33 | mbi njerin krah do të modelohen tri kupa në formë të bajames, me një mollë dhe një lule, dhe mbi krahun tjetër tri kupa në formë të bajames, me një mollë dhe një lule. Kështu do të veprohet për gjashtë krahët që dalin nga shandani.
| |
| | Exd 25:34 | Në trungun e shandanit do të ketë katër kupa në formë të bajames, me mollët dhe lulet e tyre.
| |
| | Exd 25:35 | Do të ketë një mollë poshtë dy krahëve të parë që dalin prej tij, një mollë poshtë dy krahëve të tjerë që dalin jashtë tij, dhe një mollë poshtë dy krahëve të fundit që dalin prej shandanit: kështu do të bëhet për të gjashtë krahët që dalin nga shandani.
| |
| | Exd 25:36 | Këto mollë dhe këta krahë, do të përbëjnë tërësinë, shandani do të jetë prej ari safi dhe i punuar me çekiç.
| |
| | Exd 25:37 | Do të bësh edhe shtatë llambat e tij, të cilat duhet të vendosen në mënyrë që të ndriçojnë pjesën e përparme të shandanit.
| |
| | Exd 25:38 | Dhe tërë veglat për të lëvizur qiririn dhe mbajtësin e tij do të jenë prej ari safi.
| |
| | Exd 25:39 | Shandani dhe veglat e tij do të bëhen me një talent prej ari të papërzier.
| |
| | Exd 25:40 | Dhe shiko të bësh çdo gjë simbas modelit që t'u tregua në mal".
| |
