| |
Afrikaanse Bybel |   | |
 |
| |
| | 1Jo 4:1 | Geliefdes, glo nie elke gees nie, maar stel die geeste op die proef of hulle uit God is, want baie valse profete het in die wêreld uitgegaan.
| |
| | 1Jo 4:2 | Hieraan ken julle die Gees van God: elke gees wat bely dat Jesus Christus in die vlees gekom het, is uit God;
| |
| | 1Jo 4:3 | en elke gees wat nie bely dat Jesus Christus in die vlees gekom het nie, is nie uit God nie; en dit is die gees van die Antichris waarvan julle gehoor het dat hy kom, en hy is nou al in die wêreld.
| |
| | 1Jo 4:4 | Julle is uit God, my kinders, en het hulle oorwin, omdat Hy wat in julle is, groter is as hy wat in die wêreld is.
| |
| | 1Jo 4:5 | Hulle is uit die wêreld; daarom praat hulle uit die wêreld, en die wêreld luister na hulle.
| |
| | 1Jo 4:6 | Ons is uit God; hy wat God ken, luister na ons; hy wat nie uit God is nie, luister nie na ons nie. Hieruit ken ons die Gees van die waarheid en die gees van die dwaling.
| |
| | 1Jo 4:7 | Geliefdes, laat ons mekaar liefhê; want die liefde is uit God, en elkeen wat liefhet, is uit God gebore en ken God.
| |
| | 1Jo 4:8 | Hy wat nie liefhet nie, het God nie geken nie, want God is liefde.
| |
| | 1Jo 4:9 | Hierin is die liefde van God tot ons geopenbaar, dat God sy eniggebore Seun in die wêreld gestuur het, sodat ons deur Hom kan lewe.
| |
| | 1Jo 4:10 | Hierin is die liefde: nie dat ons God liefgehad het nie, maar dat Hy ons liefgehad het en sy Seun gestuur het as 'n versoening vir ons sondes.
| |
| | 1Jo 4:11 | Geliefdes, as God ons so liefgehad het, behoort ons ook mekaar lief te hê.
| |
| | 1Jo 4:12 | Niemand het God ooit aanskou nie. As ons mekaar liefhet, bly God in ons en het sy liefde in ons volmaak geword.
| |
| | 1Jo 4:13 | Hieraan weet ons dat ons in Hom bly en Hy in ons, dat Hy ons van sy Gees gegee het.
| |
| | 1Jo 4:14 | En ons het aanskou en ons getuig dat die Vader die Seun as Verlosser van die wêreld gestuur het.
| |
| | 1Jo 4:15 | Elkeen wat bely dat Jesus die Seun van God is--God bly in hom, en hy in God.
| |
| | 1Jo 4:16 | En ons het die liefde wat God tot ons het, leer ken en geglo. God is liefde; en hy wat in die liefde bly, bly in God, en God in hom.
| |
| | 1Jo 4:17 | Hierin het die liefde by ons volmaak geword, dat ons vrymoedigheid kan hê in die oordeelsdag; want soos Hy is, is ons ook in hierdie wêreld.
| |
| | 1Jo 4:18 | Daar is geen vrees in die liefde nie; maar die volmaakte liefde dryf die vrees buite, want die vrees sluit straf in, en hy wat vrees, het nie volmaak geword in die liefde nie.
| |
| | 1Jo 4:19 | Ons het Hom lief, omdat Hy ons eerste liefgehad het.
| |
| | 1Jo 4:20 | As iemand sê: Ek het God lief--en sy broeder haat, is hy 'n leuenaar; want wie sy broeder wat hy gesien het, nie liefhet nie, hoe kan hy God liefhê wat hy nie gesien het nie?
| |
| | 1Jo 4:21 | En hierdie gebod het ons van Hom dat hy wat God liefhet, ook sy broeder moet liefhê.
| |
