| |
Afrikaanse Bybel |   | |
 |
| |
| | Jam 3:1 | Moenie baie leermeesters wees nie, my broeders, omdat julle weet dat ons 'n groter oordeel sal ondergaan.
| |
| | Jam 3:2 | Want ons almal struikel dikwels. As iemand in woorde nie struikel nie, is hy 'n volmaakte man, in staat om ook die hele liggaam in toom te hou.
| |
| | Jam 3:3 | Kyk, ons sit stange in die perde se bekke, sodat hulle ons gehoorsaam kan wees, en ons stuur hulle hele liggaam daarmee.
| |
| | Jam 3:4 | Kyk, ook die skepe, alhoewel hulle so groot is en deur hewige winde voortgedryf word, word gestuur deur 'n baie klein roer net waarheen die stuurman wil.
| |
| | Jam 3:5 | Net so is die tong ook 'n klein lid en beroem hom op groot dinge--kyk hoe 'n groot hoop hout steek 'n klein vuurtjie aan die brand.
| |
| | Jam 3:6 | Die tong is ook 'n vuur, die wêreld van ongeregtigheid. Net so 'n plek neem die tong onder ons lede in; dit besmet die hele liggaam en steek die hele lewensloop aan die brand en word uit die hel aangesteek.
| |
| | Jam 3:7 | Want elke soort natuur van wilde diere en voëls en kruipende sowel as seediere word getem en is getem deur die menslike natuur.
| |
| | Jam 3:8 | Maar die tong kan geen mens tem nie; dit is 'n onbedwingbare kwaad, vol dodelike gif.
| |
| | Jam 3:9 | Daarmee loof ons God en die Vader, en daarmee vervloek ons die mense wat na die gelykenis van God gemaak is.
| |
| | Jam 3:10 | Uit dieselfde mond kom seën en vervloeking. Dit, my broeders, behoort nie so te wees nie.
| |
| | Jam 3:11 | 'n Fontein laat tog nie uit dieselfde oog vars en bitter water opborrel nie?
| |
| | Jam 3:12 | 'n Vyeboom, my broeders, kan tog nie olywe voortbring, of 'n wingerdstok vye nie? So kan geen fontein brak en vars water voortbring nie.
| |
| | Jam 3:13 | Wie is wys en verstandig onder julle? Laat hom uit sy goeie lewenswandel sy werke in sagmoedige wysheid toon.
| |
| | Jam 3:14 | Maar as julle bittere afguns en selfsug in julle hart het, moenie roem en lieg teen die waarheid nie.
| |
| | Jam 3:15 | Dít is nie die wysheid wat van bo kom nie, maar is aards, natuurlik, duiwels;
| |
| | Jam 3:16 | want waar afguns en selfsug is, daar is wanorde en allerhande gemene dade.
| |
| | Jam 3:17 | Maar die wysheid van bo is ten eerste rein, dan vredeliewend, vriendelik, geseglik, vol barmhartigheid en goeie vrugte, onpartydig en ongeveins.
| |
| | Jam 3:18 | En die vrug van die geregtigheid word gesaai in vrede vir die wat vrede maak.
| |
