| |
Afrikaanse Bybel |   | |
 |
| |
| | Tts 2:1 | Maar spreek jy wat by die gesonde leer pas.
| |
| | Tts 2:2 | Die ou manne moet nugter wees, waardig, ingetoë, gesond in die geloof, in die liefde, in die lydsaamheid.
| |
| | Tts 2:3 | Die ou vroue moet ook in hulle gedrag wees soos dit die heiliges betaam, geen kwaadspreeksters of aan baie wyn verslaaf nie, maar leraresse van wat goed is,
| |
| | Tts 2:4 | sodat hulle die jong vroue kan leer om versigtig te wees, hulle mans en kinders lief te hê,
| |
| | Tts 2:5 | ingetoë te wees, kuis, huislik, goed, aan hul eie mans onderdanig, sodat die woord van God nie belaster word nie.
| |
| | Tts 2:6 | Vermaan die jong manne net so om ingetoë te wees.
| |
| | Tts 2:7 | Betoon jou in alles 'n voorbeeld van goeie werke, met onvervalstheid in die leer, waardigheid, opregtheid.
| |
| | Tts 2:8 | Laat die woord gesond en onweerspreeklik wees, sodat die teëstanders beskaam kan word en niks slegs kan hê om van julle te sê nie.
| |
| | Tts 2:9 | Die diensknegte moet onderdanig wees aan hul eie here, hulle in alles behaag en nie teëpraat nie;
| |
| | Tts 2:10 | hulle moet niks ontvreemd nie, maar alle goeie trou betoon, sodat hulle die leer van God, ons Verlosser, in alles kan versier.
| |
| | Tts 2:11 | Want die reddende genade van God het aan alle mense verskyn
| |
| | Tts 2:12 | en leer ons om die goddeloosheid en wêreldse begeerlikhede te verloën, ingetoë en regverdig en vroom in die teenwoordige wêreld te lewe,
| |
| | Tts 2:13 | terwyl ons die salige hoop en die verskyning van die heerlikheid verwag van die grote God en ons Verlosser, Jesus Christus,
| |
| | Tts 2:14 | wat Homself vir ons gegee het om ons te verlos van alle ongeregtigheid en vir Homself 'n volk as sy eiendom te reinig, ywerig in goeie werke.
| |
| | Tts 2:15 | Spreek hierdie dinge en vermaan en bestraf in alle erns. Laat niemand jou verag nie.
| |
