| |
Afrikaanse Bybel |   | |
 |
| |
| | 1Cr 3:1 | En ek, broeders, kon met julle nie spreek soos met geestelike mense nie, maar soos met vleeslike, soos met klein kinders in Christus.
| |
| | 1Cr 3:2 | Ek het julle met melk gevoed, nie met vaste spys nie, want julle was nog nie daartoe in staat nie, en julle is nou nog nie daartoe in staat nie,
| |
| | 1Cr 3:3 | omdat julle nog vleeslik is; want aangesien daar onder julle jaloersheid en twis en tweedrag is, is julle nie vleeslik nie en wandel julle nie na die mens nie?
| |
| | 1Cr 3:4 | Want as die een sê: Ek is van Paulus; en die ander: Ek van Apollos--is julle nie vleeslik nie?
| |
| | 1Cr 3:5 | Wie is Paulus dan, en wie Apollos anders as dienaars deur wie julle gelowig geword het? En dit soos die Here aan elkeen gegee het.
| |
| | 1Cr 3:6 | Ek het geplant, Apollos het natgemaak, maar God het laat groei.
| |
| | 1Cr 3:7 | So is dan hy wat plant of hy wat natmaak, niks nie, maar God wat laat groei.
| |
| | 1Cr 3:8 | Maar hy wat plant en hy wat natmaak, is een, maar elkeen sal sy eie loon volgens sy eie arbeid ontvang.
| |
| | 1Cr 3:9 | Want ons is medewerkers van God; die akker van God, die gebou van God is julle.
| |
| | 1Cr 3:10 | Volgens die genade van God wat aan my gegee is, het ek soos 'n bekwame boumeester die fondament gelê, en 'n ander bou daarop; maar elkeen moet oppas hoe hy daarop bou.
| |
| | 1Cr 3:11 | Want niemand kan 'n ander fondament lê as wat daar gelê is nie, dit is Jesus Christus.
| |
| | 1Cr 3:12 | En as iemand op dié fondament bou goud, silwer, kosbare stene, hout, hooi, stoppels--
| |
| | 1Cr 3:13 | elkeen se werk sal aan die lig kom, want die dag sal dit aanwys, omdat dit deur vuur openbaar gemaak word; en die vuur sal elkeen se werk op die proef stel, hoedanig dit is.
| |
| | 1Cr 3:14 | As iemand se werk bly staan wat hy daarop gebou het, sal hy loon ontvang;
| |
| | 1Cr 3:15 | as iemand se werk verbrand word, sal hy skade ly; alhoewel hy self gered sal word, maar soos deur vuur heen.
| |
| | 1Cr 3:16 | Weet julle nie dat julle 'n tempel van God is en die Gees van God in julle woon nie?
| |
| | 1Cr 3:17 | As iemand die tempel van God skend, sal God hom skend; want die tempel van God is heilig, en dit is julle.
| |
| | 1Cr 3:18 | Laat niemand homself mislei nie: as iemand meen dat hy wys is onder julle in hierdie wêreld, laat hom dwaas word, sodat hy wys kan word;
| |
| | 1Cr 3:19 | want die wysheid van hierdie wêreld is dwaasheid by God; want daar is geskrywe: Hy wat die wyse mense in hulle listigheid vang;
| |
| | 1Cr 3:20 | en verder: Die Here ken die gedagtes van die wyse mense, dat dit nietig is.
| |
| | 1Cr 3:21 | Laat niemand dan op mense roem nie, want alles behoort aan julle;
| |
| | 1Cr 3:22 | of dit Paulus is of Apollos of Céfas of die wêreld of lewe of dood of teenswoordige of toekomstige dinge--alles behoort aan julle;
| |
| | 1Cr 3:23 | maar julle behoort aan Christus, en Christus aan God.
| |
