| |
Afrikaanse Bybel |   | |
 |
| |
| | Jhn 1:1 | In die begin was die Woord, en die Woord was by God, en die Woord was God.
| |
| | Jhn 1:2 | Hy was in die begin by God.
| |
| | Jhn 1:3 | Alle dinge het deur Hom ontstaan, en sonder Hom het nie een ding ontstaan wat ontstaan het nie.
| |
| | Jhn 1:4 | In Hom was lewe, en die lewe was die lig van die mense.
| |
| | Jhn 1:5 | En die lig skyn in die duisternis, en die duisternis het dit nie oorweldig nie.
| |
| | Jhn 1:6 | Daar was 'n man van God gestuur, wie se naam Johannes was.
| |
| | Jhn 1:7 | Hy het tot 'n getuienis gekom om van die lig te getuig, sodat almal deur hom sou glo.
| |
| | Jhn 1:8 | Hy was nie die lig nie, maar hy moes van die lig getuig.
| |
| | Jhn 1:9 | Die waaragtige lig wat elke mens verlig, was aan kom in die wêreld.
| |
| | Jhn 1:10 | Hy was in die wêreld, en die wêreld het deur Hom ontstaan, en die wêreld het Hom nie geken nie.
| |
| | Jhn 1:11 | Hy het na sy eiendom gekom, en sy eie mense het Hom nie aangeneem nie.
| |
| | Jhn 1:12 | Maar almal wat Hom aangeneem het, aan hulle het Hy mag gegee om kinders van God te word, aan hulle wat in sy Naam glo;
| |
| | Jhn 1:13 | wat nie uit die bloed of uit die wil van die vlees of uit die wil van 'n man nie, maar uit God gebore is.
| |
| | Jhn 1:14 | En die Woord het vlees geword en het onder ons gewoon--en ons het sy heerlikheid aanskou, 'n heerlikheid soos van die Eniggeborene wat van die Vader kom--vol van genade en waarheid.
| |
| | Jhn 1:15 | Johannes getuig van Hom en roep en sê: Dit was Hy van wie ek gesê het: Hy wat ná my kom, het voor my geword, want Hy was eerder as ek.
| |
| | Jhn 1:16 | En uit sy volheid het ons almal ontvang, ja, genade op genade.
| |
| | Jhn 1:17 | Want die wet is deur Moses gegee; die genade en die waarheid het deur Jesus Christus gekom.
| |
| | Jhn 1:18 | Niemand het ooit God gesien nie; die eniggebore Seun wat in die boesem van die Vader is, dié het Hom verklaar.
| |
| | Jhn 1:19 | En dit is die getuienis van Johannes, toe die Jode uit Jerusalem priesters en Leviete gestuur het om hom te vra: Wie is u?
| |
| | Jhn 1:20 | En hy het erken en nie ontken nie, maar het erken: Ek is nie die Christus nie.
| |
| | Jhn 1:21 | Toe vra hulle hom: Wat dan? Is u Elía? En hy sê: Ek is nie. Is u die profeet? En hy antwoord: Nee.
| |
| | Jhn 1:22 | Toe sê hulle vir hom: Wie is u? --dat ons antwoord kan gee aan die wat ons gestuur het. Wat sê u van uself?
| |
| | Jhn 1:23 | Hy antwoord: Ek is die stem van een wat roep in die woestyn: Maak die pad van die Here reguit! soos Jesaja, die profeet, gesê het.
| |
| | Jhn 1:24 | En die wat gestuur was, was uit die Fariseërs.
| |
| | Jhn 1:25 | En hulle vra hom en sê vir hom: Waarom doop u dan as u nie die Christus of Elía of die profeet is nie?
| |
| | Jhn 1:26 | Johannes antwoord hulle en sê: Ek doop met water, maar onder julle staan Hy vir wie julle nie ken nie--
| |
| | Jhn 1:27 | dit is Hy wat ná my kom, wat voor my geword het, wie se skoenriem ek nie waardig is om los te maak nie.
| |
| | Jhn 1:28 | Dit het gebeur in Betábara, oorkant die Jordaan, waar Johannes besig was om te doop.
| |
| | Jhn 1:29 | Die volgende dag sien Johannes Jesus na hom toe kom, en hy sê: Dáár is die Lam van God wat die sonde van die wêreld wegneem!
| |
| | Jhn 1:30 | Dit is Hy van wie ek gesê het: Ná my kom 'n man wat voor my geword het, want Hy was eerder as ek.
| |
| | Jhn 1:31 | En ek het Hom nie geken nie; maar dat Hy aan Israel openbaar sou word, daarom het ek gekom en met water gedoop.
| |
| | Jhn 1:32 | En Johannes het getuig en gesê: Ek het die Gees soos 'n duif uit die hemel sien neerdaal, en Hy het op Hom gebly.
| |
| | Jhn 1:33 | En ek het Hom nie geken nie; maar Hy wat my gestuur het om met water te doop, Hy het aan my gesê: Op wie jy die Gees sien neerdaal en op Hom bly, dit is Hy wat met die Heilige Gees doop.
| |
| | Jhn 1:34 | En ek het gesien en getuig dat Hy die Seun van God is.
| |
| | Jhn 1:35 | Die volgende dag het Johannes weer daar gestaan en twee van sy dissipels;
| |
| | Jhn 1:36 | en toe hy Jesus sien wandel, sê hy: Dáár is die Lam van God!
| |
| | Jhn 1:37 | En die twee dissipels het hom dit hoor sê en Jesus gevolg.
| |
| | Jhn 1:38 | En toe Jesus Hom omdraai en hulle sien volg, sê Hy vir hulle: (1:39) Wat soek julle? En hulle antwoord Hom: Rabbi--dit wil sê, as dit vertaal word, Meester--waar is U tuis?
| |
| | Jhn 1:39 | (1:40) Hy sê vir hulle: Kom kyk. Hulle het gegaan en gesien waar Hy tuis was en dié dag by Hom gebly. En dit was omtrent die tiende uur.
| |
| | Jhn 1:40 | (1:41) Andréas, die broer van Simon Petrus, was een van die twee wat dit van Johannes gehoor en Hom gevolg het.
| |
| | Jhn 1:41 | (1:42) Hy het eers sy eie broer Simon gekry en vir hom gesê: Ons het die Messías gevind--dit is, as dit vertaal word, die Christus.
| |
| | Jhn 1:42 | (1:43) En hy het hom na Jesus gelei. Toe kyk Jesus hom aan en sê: Jy is Simon, die seun van Jona; jy sal genoem word Céfas, wat vertaal word Petrus.
| |
| | Jhn 1:43 | (1:44) Die volgende dag wou Jesus na Galiléa vertrek; en Hy het Filippus gekry en vir hom gesê: Volg My.
| |
| | Jhn 1:44 | (1:45) En Filippus was van Betsáida, uit die stad van Andréas en Petrus.
| |
| | Jhn 1:45 | (1:46) Filippus het Natánael gekry en vir hom gesê: Ons het Hom gevind van wie Moses in die wet en ook die profete geskrywe het: Jesus, die seun van Josef van Násaret.
| |
| | Jhn 1:46 | (1:47) En Natánael sê vir hom: Kan daar uit Násaret iets goeds wees? Filippus antwoord hom: Kom kyk.
| |
| | Jhn 1:47 | (1:48) Daarop sien Jesus Natánael na Hom toe kom en sê van hom: Hier is waarlik 'n Israeliet in wie daar geen bedrog is nie.
| |
| | Jhn 1:48 | (1:49) Natánael sê vir Hom: Waarvandaan ken U my? Jesus antwoord en sê vir hom: Voordat Filippus jou geroep het toe jy onder die vyeboom was, het Ek jou gesien.
| |
| | Jhn 1:49 | (1:50) Natánael antwoord en sê vir Hom: Rabbi, U is die Seun van God, U is die Koning van Israel!
| |
| | Jhn 1:50 | (1:51) Jesus antwoord en sê vir hom: Glo jy omdat Ek vir jou gesê het: Ek het jou onder die vyeboom gesien? Jy sal groter dinge sien as dit.
| |
| | Jhn 1:51 | (1:52) En Hy sê vir hom: Voorwaar, voorwaar Ek sê vir julle, van nou af sal julle die hemel geopend sien en die engele van God opklim en neerdaal op die Seun van die mens.
| |
