| |
Afrikaanse Bybel |   | |
 |
| |
| | Lam 3:1 | Alef. Ek is die man wat ellende gesien het deur die roede van sy grimmigheid.
| |
| | Lam 3:2 | My het Hy gelei en laat wandel in duisternis sonder lig.
| |
| | Lam 3:3 | Ja, altyd weer draai Hy die hele dag sy hand teen my.
| |
| | Lam 3:4 | Bet. Hy het my vlees en my vel laat wegteer, my gebeente verbreek.
| |
| | Lam 3:5 | Hy het my met 'n bouwerk omsingel van gif en moeite.
| |
| | Lam 3:6 | Hy het my in donker plekke laat sit soos die wat lankal dood is.
| |
| | Lam 3:7 | Gimel. Hy het my toegemuur, sodat ek nie kan uitkom nie, my koperboeie swaar gemaak.
| |
| | Lam 3:8 | Al skreeu ek ook en al roep ek om hulp, Hy laat my gebed onverhoord.
| |
| | Lam 3:9 | Hy het my weë toegemuur met gekapte klip, my paaie onbegaanbaar gemaak.
| |
| | Lam 3:10 | Dalet. Hy is 'n beer wat my voorlê, 'n leeu in skuilplekke.
| |
| | Lam 3:11 | Hy het my weë laat wegdraai en my verskeur, my tot 'n woesteny gemaak.
| |
| | Lam 3:12 | Hy het sy boog gespan en my as 'n teiken vir die pyl opgestel.
| |
| | Lam 3:13 | He. Hy het die pyle uit sy pylkoker in my niere laat ingaan.
| |
| | Lam 3:14 | Ek het 'n belagging geword vir my hele volk, hulle spotlied die hele dag.
| |
| | Lam 3:15 | Hy het my met bitter kruie versadig, my genoeg wilde-als laat drink.
| |
| | Lam 3:16 | Wau. En Hy het my die tande op gruisklippertjies laat stukkend byt, my in die as neergedruk.
| |
| | Lam 3:17 | En U het my siel van die vrede verstoot, ek het die goeie vergeet.
| |
| | Lam 3:18 | Ja, ek het gesê: My roem het vergaan en my hoop op die HERE.
| |
| | Lam 3:19 | Sajin. Dink aan my ellende en my omswerwing, aan die wilde-als en die gif.
| |
| | Lam 3:20 | As my siel terdeë daaraan dink, buig hy hom neer in my.
| |
| | Lam 3:21 | Dit sal ek ter harte neem, daarom sal ek hoop:
| |
| | Lam 3:22 | Get. dit is die goedertierenhede van die HERE dat ons nie omgekom het nie, want sy barmhartighede het geen einde nie;
| |
| | Lam 3:23 | hulle is elke môre nuut; u trou is groot.
| |
| | Lam 3:24 | Die HERE is my deel, sê my siel, daarom sal ek op Hom hoop.
| |
| | Lam 3:25 | Tet. Goed is die HERE vir die wat op Hom hoop, vir die siel wat Hom soek.
| |
| | Lam 3:26 | Dit is goed om in stilheid te hoop op die hulp van die HERE.
| |
| | Lam 3:27 | Dit is goed vir 'n man dat hy die juk in sy jeug dra.
| |
| | Lam 3:28 | Jod. Laat hom eensaam sit en swyg, as Hy hom dit opgelê het.
| |
| | Lam 3:29 | Laat hy sy mond in die stof steek--miskien is daar hoop!
| |
| | Lam 3:30 | Laat hy die wang gee vir die wat hom slaan, laat hy genoeg kry van smaad.
| |
| | Lam 3:31 | Kaf. Want die Here sal nie vir ewig verstoot nie.
| |
| | Lam 3:32 | Maar as Hy bedroef het, ontferm Hy Hom na die grootheid van sy goedertierenhede;
| |
| | Lam 3:33 | want nie van harte verdruk of bedroef Hy die mensekinders nie.
| |
| | Lam 3:34 | Lamed. Dat hulle al die gevangenes van die aarde onder hul voete vertrap,
| |
| | Lam 3:35 | dat hulle die reg van 'n man verdraai voor die aangesig van die Allerhoogste,
| |
| | Lam 3:36 | dat hulle 'n mens onregverdig behandel in sy regsaak--het die HERE dit nie gesien nie?
| |
| | Lam 3:37 | Mem. Wie spreek daar, en dit gebeur? Het die Here dit nie beveel nie?
| |
| | Lam 3:38 | Gaan uit die mond van die Allerhoogste nie kwaad sowel as goed nie?
| |
| | Lam 3:39 | Wat klaag 'n mens in sy lewe? Laat elkeen klaag oor sy sondes.
| |
| | Lam 3:40 | Noen. Laat ons ons weë naspeur en deursoek en ons tot die HERE bekeer;
| |
| | Lam 3:41 | laat ons ons hart saam met die hande ophef tot God in die hemel en sê:
| |
| | Lam 3:42 | Ons het oortree en ons was wederstrewig--U het nie vergewe nie.
| |
| | Lam 3:43 | Samek. U het U in toorn gehul en ons agtervolg, U het gedood sonder verskoning.
| |
| | Lam 3:44 | U het Uself in 'n wolk gehul, sodat daar geen gebed kon deurdring nie;
| |
| | Lam 3:45 | U het ons 'n uitvaagsel en 'n wegwerpsel onder die volke gemaak.
| |
| | Lam 3:46 | Pe. Al ons vyande het hulle mond teen ons oopgerek;
| |
| | Lam 3:47 | skrik en kuil het ons deel geword, ondergang en verbreking.
| |
| | Lam 3:48 | My oog loop af in waterstrome oor die verbreking van die dogter van my volk.
| |
| | Lam 3:49 | Ajin. My oog vloei rusteloos weg sonder ophou,
| |
| | Lam 3:50 | totdat die HERE uit die hemel neersien en aanskou.
| |
| | Lam 3:51 | My oog gee my pyn oor al die dogters van my stad.
| |
| | Lam 3:52 | Sade. Hulle het my soos 'n voël rondgejaag, die wat sonder oorsaak my vyande is;
| |
| | Lam 3:53 | hulle het my lewe in 'n kuil tot niet gemaak en klippe op my gegooi.
| |
| | Lam 3:54 | Water het oor my hoof gestroom, ek het gesê: Dit is klaar met my!
| |
| | Lam 3:55 | Kof. Ek roep u Naam aan, HERE, uit die onderste kuil.
| |
| | Lam 3:56 | U hoor my stem; verberg u oor nie vir my ontboeseming, vir my hulpgeroep nie.
| |
| | Lam 3:57 | U kom nader die dag as ek U aanroep, U sê: Wees nie bevrees nie!
| |
| | Lam 3:58 | Resj. U, Here, verdedig my regsaak, U verlos my lewe.
| |
| | Lam 3:59 | U sien, HERE, my verdrukking; verskaf my tog reg.
| |
| | Lam 3:60 | U sien al hulle wraaksug, al hulle planne teen my.
| |
| | Lam 3:61 | Sjin. U hoor hulle smaadrede, HERE, al hulle planne teen my,
| |
| | Lam 3:62 | die lippe van my teëstanders en hulle bedenksels die hele dag teen my.
| |
| | Lam 3:63 | Aanskou tog hulle sit en hulle opstaan, ek is hulle spotlied.
| |
| | Lam 3:64 | Tau. U sal hulle vergeld vir wat hulle gedoen het, HERE.
| |
| | Lam 3:65 | U sal hulle gee verblinding van hart, u vervloeking oor hulle.
| |
| | Lam 3:66 | U sal hulle in toorn vervolg en hulle verdelg van onder die hemel van die HERE uit.
| |
