| |
Afrikaanse Bybel |   | |
 |
| |
| | Ecc 10:1 | Dooie vlieë laat die salf van die apteker stink en bederwe; 'n bietjie dwaasheid weeg swaarder as wysheid, as eer.
| |
| | Ecc 10:2 | Die hart van die wyse is na regs, maar die hart van 'n dwaas is na links.
| |
| | Ecc 10:3 | Ja, ook as die dwaas op die weg wandel, ontbreek sy verstand; en hy sê aan elkeen dat hy 'n dwaas is.
| |
| | Ecc 10:4 | As die toorn van die heerser teen jou opkom, verlaat nie jou pos nie, want bedaardheid voorkom groot foute.
| |
| | Ecc 10:5 | Daar is 'n verkeerdheid wat ek onder die son gesien het, 'n dwaling wat van die maghebber uitgaan:
| |
| | Ecc 10:6 | die dwaasheid word op groot hoogtes gestel, en die rykes moet in die vernedering sit.
| |
| | Ecc 10:7 | Ek het slawe te perd gesien en vorste wat soos slawe op die grond loop.
| |
| | Ecc 10:8 | Wie 'n kuil grawe, kan daarin val; en een wat 'n muur afbreek, 'n slang kan hom byt.
| |
| | Ecc 10:9 | Wie klippe uitbreek, kan hom daarmee seermaak; wie hout klowe, kan daardeur in gevaar kom.
| |
| | Ecc 10:10 | As die yster stomp geword het, en 'n mens die snykant nie geslyp het nie, moet hy die kragte meer inspan; maar wysheid is voordelig om iets te laat beantwoord.
| |
| | Ecc 10:11 | As die slang byt voor die beswering, baat die besweerder nie.
| |
| | Ecc 10:12 | Die woorde uit die mond van 'n wyse is aangenaam, maar die lippe van 'n dwaas verslind homself.
| |
| | Ecc 10:13 | Die begin van die woorde van sy mond is dwaasheid, en die einde van sy mond is skadelike onverstandigheid.
| |
| | Ecc 10:14 | En die dwaas gebruik baie woorde; maar die mens weet nie wat daar sal gebeur nie; en wat ná hom sal wees, wie kan hom dit te kenne gee?
| |
| | Ecc 10:15 | Die inspanning van die dwaas vermoei hom, omdat hy nie eens weet om na die stad te gaan nie.
| |
| | Ecc 10:16 | Wee jou, o land, as jou koning 'n kind is, en as jou vorste in die môre vroeg maaltyd hou.
| |
| | Ecc 10:17 | Gelukkig is jy, o land, as jou koning 'n edele is, en as jou vorste op die regte tyd maaltyd hou soos manne en nie soos drinkers nie.
| |
| | Ecc 10:18 | Deur allerhande luiheid versak die balkwerk, en deur slapheid van die hande lek die huis.
| |
| | Ecc 10:19 | Vir plesier maak hulle maaltye klaar, en die wyn maak die lewe vrolik, en die geld verskaf alles.
| |
| | Ecc 10:20 | Vloek die koning selfs in jou gedagte nie, en vloek in jou slaapkamer die ryke nie; want die voëls van die hemel sou die geluid kon wegvoer, en die gevleueldes die woord te kenne gee.
| |
