| |
Afrikaanse Bybel |   | |
 |
| |
| | Pro 31:1 | Die woorde van Lémuël, die koning van Massa, waarmee sy moeder hom vermaan het:
| |
| | Pro 31:2 | Wat, my seun, ja wat, seun van my skoot, ja wat, seun van my geloftes, sal ek sê?
| |
| | Pro 31:3 | Gee jou krag nie aan vroue of jou omgang aan die wat konings uitroei nie.
| |
| | Pro 31:4 | Die konings, o Lémuël, die konings moet nie wyn drink nie, en die vorste moet nie sterk drank begeer nie;
| |
| | Pro 31:5 | anders drink hy en vergeet die insettinge en verdraai die reg van al die ellendiges.
| |
| | Pro 31:6 | Gee sterk drank aan hom wat wil ondergaan, en wyn aan die wat bitter bedroef is.
| |
| | Pro 31:7 | Laat hy drink en sy armoede vergeet en aan sy moeite nie meer dink nie.
| |
| | Pro 31:8 | Maak jou mond oop vir die stomme, vir die regsaak van almal wat wegkwyn.
| |
| | Pro 31:9 | Maak jou mond oop, oordeel regverdig, en verskaf reg aan die ellendige en die behoeftige.
| |
| | Pro 31:10 | Alef. Wie sal 'n deugsame vrou vind? want haar waarde is ver bo korale.
| |
| | Pro 31:11 | Bet. Die hart van haar man vertrou op haar, en aan wins sal dit hom nie ontbreek nie.
| |
| | Pro 31:12 | Gimel. Sy doen aan hom goed, en nie kwaad nie, al die dae van haar lewe.
| |
| | Pro 31:13 | Dalet. Sy sorg vir wol en vlas, en sy werk met gewillige hande.
| |
| | Pro 31:14 | He. Sy is soos die skepe van 'n handelaar--van ver af bring sy haar brood in.
| |
| | Pro 31:15 | Wau. En sy staan op as dit nog nag is en gee voedsel aan haar huisgesin en die bestemde deel aan haar diensmeisies.
| |
| | Pro 31:16 | Sajin. Sy dink na oor 'n stuk grond en koop dit, van die vrug van haar hande plant sy 'n wingerd.
| |
| | Pro 31:17 | Get. Sy omgord haar lendene met krag en hou haar arms stewig.
| |
| | Pro 31:18 | Tet. Sy voel dat haar wins goed is, in die nag gaan haar lamp nie dood nie.
| |
| | Pro 31:19 | Jod. Sy steek haar hande uit na die spinstok, en haar handpalms hou die spoel vas.
| |
| | Pro 31:20 | Kaf. Sy brei haar handpalm uit na die ellendige, en sy steek haar hande uit na die behoeftige.
| |
| | Pro 31:21 | Lamed. Sy is nie bevrees vir haar huisgesin vanweë die sneeu nie, want haar hele huisgesin dra skarlaken stof.
| |
| | Pro 31:22 | Mem. Sy maak vir haarself dekens, haar tabberd is van fyn linne en purper.
| |
| | Pro 31:23 | Noen. Haar man is bekend in die poorte as hy saam met die oudstes van die land sit.
| |
| | Pro 31:24 | Samek. Sy maak hemde en verkoop dit, en gordels lewer sy aan die handelaars.
| |
| | Pro 31:25 | Ajin. Sterkte en eer is haar kleed, en sy lag oor die dag wat kom.
| |
| | Pro 31:26 | Pe. Haar mond maak sy oop met wysheid, en vriendelike onderrigting is op haar tong.
| |
| | Pro 31:27 | Sade. Opmerksaam gaan sy die werksaamhede van haar huis na, en die brood van luiheid eet sy nie.
| |
| | Pro 31:28 | Kof. Haar seuns tree op en noem haar gelukkig, haar man ook, en hy prys haar:
| |
| | Pro 31:29 | Resj. Baie dogters het hulle knap gedra, maar jy oortref hulle almal.
| |
| | Pro 31:30 | Sjin. Die bevalligheid is bedrog, en die skoonheid is nietigheid; 'n vrou wat die HERE vrees, sy moet geprys word.
| |
| | Pro 31:31 | Tau. Gee haar van die vrug van haar hande, en laat haar werke haar prys in die poort.
| |
