| |
Afrikaanse Bybel |   | |
 |
| |
| | Pro 21:1 | Die koning se hart is in die hand van die HERE soos waterstrome: Hy lei dit waarheen Hy wil.
| |
| | Pro 21:2 | Elke weg van 'n mens is reg in sy oë, maar die HERE toets die harte.
| |
| | Pro 21:3 | Om geregtigheid en reg te doen, is vir die HERE verkiesliker as offers.
| |
| | Pro 21:4 | Hoogheid van oë en trotsheid van hart--die glans van die goddelose is sonde.
| |
| | Pro 21:5 | Die planne van die vlytige is net tot voordeel, maar elkeen wat oorhaastig is, kom net tot gebrek.
| |
| | Pro 21:6 | Die verwerwing van skatte deur 'n valse tong is 'n verwaaide asem--dodelike valstrikke.
| |
| | Pro 21:7 | Die gewelddadigheid van die goddelose sleep hulle weg, want hulle weier om reg te doen.
| |
| | Pro 21:8 | Gekronkeld is die weg van 'n skuldige mens; maar die reine--sy handeling is reg.
| |
| | Pro 21:9 | Dit is beter om op die hoek van 'n dak te woon as by 'n twisgierige vrou en 'n gemeenskaplike huis.
| |
| | Pro 21:10 | Die siel van die goddelose begeer die kwaad; sy naaste vind in sy oë geen genade nie.
| |
| | Pro 21:11 | As 'n mens 'n spotter straf, word die eenvoudige bedagsaam; en as 'n mens 'n wyse onderrig, neem hy self kennis aan.
| |
| | Pro 21:12 | Die regverdige let op die huis van die goddelose; Hy stort die goddelose in die ongeluk.
| |
| | Pro 21:13 | Wie sy oor toestop vir die geskreeu van die arme, hy sal self ook roep en nie verhoor word nie.
| |
| | Pro 21:14 | 'n Geskenk in die geheim bring die toorn tot bedaring en 'n geskenk in die skoot die heftige woede.
| |
| | Pro 21:15 | Vreugde is dit vir die regverdige om reg te doen, maar 'n verskrikking vir die werkers van ongeregtigheid.
| |
| | Pro 21:16 | 'n Mens wat afdwaal van die pad van verstand, sal in die vergadering van die skimme rus.
| |
| | Pro 21:17 | Wie van vrolikheid hou, is 'n man van gebrek; hy wat van wyn en olie hou, sal nie ryk word nie.
| |
| | Pro 21:18 | Die goddelose is 'n losprys vir die regverdige, en in die plek van die opregtes kom die ontroue.
| |
| | Pro 21:19 | Dit is beter om in 'n woeste land te woon as by 'n twisgierige vrou en ergernis.
| |
| | Pro 21:20 | 'n Kosbare skat en olie is in die woning van die regverdige, maar 'n dwase mens bring dit deur.
| |
| | Pro 21:21 | Wie geregtigheid en weldadigheid najaag, sal die lewe, geregtigheid en eer vind.
| |
| | Pro 21:22 | Die wyse beklim die stad van die helde en gooi die vesting neer waar dit op vertrou.
| |
| | Pro 21:23 | Hy wat sy mond en sy tong bewaar, bewaar sy siel van benoudhede.
| |
| | Pro 21:24 | 'n Vermetele, 'n trotsaard word 'n spotter genoem, een wat in oormaat van vermetelheid handel.
| |
| | Pro 21:25 | Die begeerte van die luiaard sal hom doodmaak, want sy hande weier om te werk;
| |
| | Pro 21:26 | die hele dag deur word daar dringend begeer, maar die regverdige gee en hou nie terug nie.
| |
| | Pro 21:27 | Die offer van die goddelose is 'n gruwel; hoeveel te meer as hulle dit met skandelike bedoeling bring.
| |
| | Pro 21:28 | 'n Leuenagtige getuie kom om; maar 'n man wat goed toeluister, spreek vir altyd.
| |
| | Pro 21:29 | Die goddelose trek 'n onbeskaamde gesig, maar die opregte gee aan sy weë die regte rigting.
| |
| | Pro 21:30 | Daar is geen wysheid, en daar is geen verstand, en daar is geen raad teenoor die HERE nie.
| |
| | Pro 21:31 | Die perd word reggemaak vir die dag van die geveg, maar die oorwinning is deur die HERE.
| |
