| |
Afrikaanse Bybel |   | |
 |
| |
| | Pro 17:1 | Beter is 'n stuk droë brood en rus daarby as 'n huis vol offermaaltye met getwis.
| |
| | Pro 17:2 | 'n Verstandige dienaar sal heers oor 'n seun wat skande maak, en onder die broers sal hy die erfenis verdeel.
| |
| | Pro 17:3 | Die smeltkroes is vir die silwer en die oond vir die goud, maar die HERE toets die harte.
| |
| | Pro 17:4 | Die kwaaddoener gee ag op 'n bedrieglike lip, 'n leuenaar luister na 'n tong wat onheil stig.
| |
| | Pro 17:5 | Hy wat die arme bespot, versmaad sy Maker; hy wat bly is oor 'n ongeluk, sal nie ongestraf bly nie.
| |
| | Pro 17:6 | Kindskinders is 'n kroon vir grysaards, en vir die kinders is hulle vader 'n eer.
| |
| | Pro 17:7 | Aanmatigende taal pas nie by 'n dwaas nie, hoeveel minder leuentaal by 'n edele!
| |
| | Pro 17:8 | Kosbare edelgesteentes is die omkoopgeskenk in die oë van sy besitter; oral waar hy heengaan, sal hy slaag.
| |
| | Pro 17:9 | Wie 'n oortreding bedek, soek liefde; maar hy wat 'n saak weer ophaal, skei vriende van mekaar.
| |
| | Pro 17:10 | 'n Berisping gaan by 'n verstandige dieper in as om 'n dwaas honderd maal te slaan.
| |
| | Pro 17:11 | Die wederstrewige soek net onheil, maar 'n wrede boodskapper word teen hom uitgestuur.
| |
| | Pro 17:12 | Laat 'n beer wat van kleintjies beroof is, 'n mens ontmoet, maar nie 'n dwaas in sy sotheid nie.
| |
| | Pro 17:13 | Hy wat kwaad vir goed vergelde, die kwaad sal uit sy huis nie wyk nie.
| |
| | Pro 17:14 | Die begin van 'n onenigheid is soos water wat jy laat deurbreek; daarom, laat die twis vaar voordat dit losbreek.
| |
| | Pro 17:15 | Hy wat die goddelose regverdig verklaar en die regverdige skuldig verklaar, hulle altwee is vir die HERE 'n gruwel.
| |
| | Pro 17:16 | Waarom tog is daar geld in die hand van 'n dwaas om wysheid te koop terwyl hy geen verstand het nie?
| |
| | Pro 17:17 | Die vriend het altyd lief, en die broer word gebore met die oog op die nood.
| |
| | Pro 17:18 | Dit is 'n verstandelose mens wat handslag gee, wat borg staan vir sy naaste.
| |
| | Pro 17:19 | Wie twis liefhet, het oortreding lief; hy wat sy deur hoog maak, soek verbreking.
| |
| | Pro 17:20 | Wie verkeerd van hart is, vind die goeie nie; en hy wat vals is met sy tong, val in die ongeluk.
| |
| | Pro 17:21 | Hy wat 'n dwaas verwek, vir hom sal dit 'n bekommernis word; en die vader van die dwaas sal nie bly wees nie.
| |
| | Pro 17:22 | 'n Vrolike hart bevorder die genesing, maar 'n verslae gees laat die gebeente uitdroog.
| |
| | Pro 17:23 | Die goddelose neem 'n omkoopgeskenk aan wat uit die boesem kom om die paaie van die reg te buig.
| |
| | Pro 17:24 | Die verstandige hou die wysheid voor oë, maar die oë van die dwaas is by die einde van die aarde.
| |
| | Pro 17:25 | 'n Dwase seun is 'n verdriet vir sy vader en bitter smart vir haar wat hom gebaar het.
| |
| | Pro 17:26 | Is dit alreeds nie goed om die regverdige te beboet nie--om edeles te slaan is onbetaamlik.
| |
| | Pro 17:27 | Wie sy woorde inhou, besit kennis; en hy wat kalm is van gees, is 'n man van verstand.
| |
| | Pro 17:28 | Selfs 'n sot sal as hy swyg, vir wys gereken word; as hy sy lippe toehou, vir verstandig.
| |
