| |
Afrikaanse Bybel |   | |
 |
| |
| | Pro 13:1 | 'n Wyse seun luister na die tug van die vader, maar 'n spotter hoor nie na berisping nie.
| |
| | Pro 13:2 | Van die vrug van iemand se mond eet hy die goeie, maar die begeerte van die ontroues is 'n daad van geweld.
| |
| | Pro 13:3 | Wie sy mond bewaak, bewaar sy lewe; wie sy lippe wyd oopmaak, vir hom is daar ondergang.
| |
| | Pro 13:4 | Die siel van die luiaard begeer, en daar is niks nie, maar die siel van die vlytiges word versadig.
| |
| | Pro 13:5 | Die regverdige haat leuentaal, maar die goddelose maak gehaat en handel skandelik.
| |
| | Pro 13:6 | Geregtigheid bewaar die regskapene van wandel, maar goddeloosheid bring die sondaar tot 'n val.
| |
| | Pro 13:7 | Daar is een wat hom ryk hou, en hy het glad niks nie; een wat hom arm hou, en hy het baie goed.
| |
| | Pro 13:8 | Die losprys vir die lewe van 'n man is sy rykdom, maar die arme hoor geen dreigement nie.
| |
| | Pro 13:9 | Die lig van die regverdige brand vrolik, maar die lamp van die goddelose gaan dood.
| |
| | Pro 13:10 | Vermetelheid gee net getwis af; maar by die wat hulle laat raai, is wysheid.
| |
| | Pro 13:11 | Goed wat uit niks verkry is, word minder; maar hy wat met die hand bymekaarmaak, kry altyd meer.
| |
| | Pro 13:12 | 'n Uitgestelde hoop maak die hart siek; maar 'n wens wat uitkom, is 'n lewensboom.
| |
| | Pro 13:13 | Wie die Woord verag, moet dit ontgelde; maar hy wat die gebod vrees, ontvang vergelding.
| |
| | Pro 13:14 | Die onderrig van die wyse is 'n fontein van die lewe, om die strikke van die dood te ontwyk.
| |
| | Pro 13:15 | 'n Goeie verstand verskaf guns, maar die weg van die ontroues is hard.
| |
| | Pro 13:16 | Elke skrandere handel met kennis, maar die dwaas strooi sotheid rond.
| |
| | Pro 13:17 | 'n Goddelose boodskapper val in die ongeluk, maar 'n betroubare boodskapper is 'n gerusstelling.
| |
| | Pro 13:18 | Armoede en skande is vir hom wat die tug verwerp; maar hy wat die teregwysing in ag neem, word geëer.
| |
| | Pro 13:19 | 'n Vervulde wens is soet vir die siel, maar om af te wyk van die kwaad, is 'n gruwel vir die dwase.
| |
| | Pro 13:20 | Gaan met die wyse om, dan word jy wys; maar hy wat met dwase verkeer, versleg. Die onheil vervolg die sondaars, maar Hy sal die regverdiges met goed vergelde.
| |
| | Pro 13:21 |
| |
| | Pro 13:22 | 'n Goeie mens laat sy kindskinders erwe, maar die vermoë van die sondaar word vir die regverdige weggebêre.
| |
| | Pro 13:23 | Die braakland van die armes lewer oorvloedig spys op, maar daar is wat deur ongeregtigheid verlore gaan.
| |
| | Pro 13:24 | Wie sy roede terughou, haat sy seun; maar hy wat hom liefhet, besoek hom met tugtiging.
| |
| | Pro 13:25 | Die regverdige eet totdat hy versadig is; maar die maag van die goddelose ly gebrek.
| |
