| |
Afrikaanse Bybel |   | |
 |
| |
| | Pro 12:1 | Een wat die tug liefhet, het kennis lief; maar wie die teregwysing haat, is dom.
| |
| | Pro 12:2 | Die goeie verkry 'n welbehae van die HERE, maar Hy veroordeel 'n slinkse man.
| |
| | Pro 12:3 | Geen mens kan deur goddeloosheid bestaan nie, maar die wortel van die regverdiges wankel nie.
| |
| | Pro 12:4 | 'n Deugsame vrou is die kroon van haar man, maar een wat skande maak, is soos 'n verrotting in sy gebeente.
| |
| | Pro 12:5 | Die gedagtes van die regverdiges is wat reg is, die slim planne van die goddelose is bedrog.
| |
| | Pro 12:6 | Die woorde van die goddelose is om te loer op bloed, maar die mond van die opregtes red hulle.
| |
| | Pro 12:7 | Die goddelose mense word omgekeer, en hulle is daar nie meer nie; maar die huis van die regverdiges bly staan.
| |
| | Pro 12:8 | Ooreenkomstig sy insig word 'n man geprys; maar 'n verkeerde van hart sal verag word.
| |
| | Pro 12:9 | Wie gering geag word en 'n slaaf het, is beter as hy wat hom vernaam aanstel en gebrek aan brood het.
| |
| | Pro 12:10 | Die regverdige ken die natuur van sy dier, maar die barmhartigheid van die goddelose is wreed.
| |
| | Pro 12:11 | Wie sy land bewerk, het volop brood; maar hy wat nietighede najaag, het gebrek aan verstand.
| |
| | Pro 12:12 | Die goddelose begeer die vangs van verkeerde dinge, maar die wortel van die regverdiges lewer vrugte op.
| |
| | Pro 12:13 | In die oortreding van die lippe lê daar 'n gevaarlike strik; maar die regverdige ontkom aan die benoudheid.
| |
| | Pro 12:14 | Uit die vrug van iemand se mond word hy versadig met die goeie, en die daad van 'n mens se hande kom op hom terug.
| |
| | Pro 12:15 | Die weg van 'n dwaas is reg in sy eie oë, maar die wyse luister na raad.
| |
| | Pro 12:16 | Die dwaas laat sy drif op die daad bekend word, maar die skrandere verberg skande.
| |
| | Pro 12:17 | Hy wat die waarheid spreek, vertel wat reg is; maar 'n valse getuie bedrog.
| |
| | Pro 12:18 | Daar is een wat onverskillig woorde uitspreek soos swaardsteke, maar die tong van die wyse is genesing.
| |
| | Pro 12:19 | 'n Betroubare lip bestaan vir altyd, maar 'n valse tong vir 'n oomblik.
| |
| | Pro 12:20 | Bedrog is in die hart van die wat onheil bewerk; maar die wat vrede aanraai, het vreugde.
| |
| | Pro 12:21 | Geen enkele onheil tref die regverdige nie, maar die goddelose is vol ongeluk.
| |
| | Pro 12:22 | Valse lippe is vir die HERE 'n gruwel, maar Hy het 'n welbehae in die wat getrou handel.
| |
| | Pro 12:23 | 'n Skrander mens verberg sy kennis, maar die hart van die dwase roep hulle sotheid uit.
| |
| | Pro 12:24 | Die hand van die vlytiges sal heers, maar traagheid lei tot dwangarbeid.
| |
| | Pro 12:25 | Bekommernis in die hart van 'n mens druk dit neer, maar 'n vriendelike woord vrolik dit op.
| |
| | Pro 12:26 | Die regverdige vind sy weide uit, maar die weg van die goddelose laat hulle dwaal.
| |
| | Pro 12:27 | Hy wat traag is, jaag sy wild nie op nie, maar vlyt is 'n kosbare skat vir 'n mens.
| |
| | Pro 12:28 | Op die pad van geregtigheid is lewe, en die rigting van dié pad is onsterflikheid.
| |
