| |
Afrikaanse Bybel |   | |
 |
| |
| | Psa 8:1 | Vir die musiekleier; op die Gittiet. 'n Psalm van Dawid.
| |
| | Psa 8:2 | o HERE, onse Here, hoe heerlik is u Naam op die ganse aarde! U wat u majesteit gelê het op die hemele.
| |
| | Psa 8:3 | Uit die mond van kinders en suiglinge het U sterkte gegrondves, om u teëstanders ontwil, om die vyand en wraakgierige stil te maak.
| |
| | Psa 8:4 | As ek u hemel aanskou, die werk van u vingers, die maan en die sterre wat U toeberei het-
| |
| | Psa 8:5 | wat is die mens dat U aan hom dink, en die mensekind dat U hom besoek?
| |
| | Psa 8:6 | U het hom 'n weinig minder gemaak as 'n goddelike wese en hom met eer en heerlikheid gekroon.
| |
| | Psa 8:7 | U laat hom heers oor die werke van u hande; U het alles onder sy voete gestel:
| |
| | Psa 8:8 | skape en beeste, dié almal, en ook die diere van die veld,
| |
| | Psa 8:9 | die voëls van die hemel en die visse van die see, wat trek deur die paaie van die see.
| |
| | Psa 8:10 | o HERE, onse Here, hoe heerlik is u Naam op die ganse aarde!
| |
