| |
Afrikaanse Bybel |   | |
 |
| |
| | Psa 7:1 | Sjiggajon van Dawid wat hy tot eer van die HERE gesing het weens die woorde van Kus, die Benjaminiet.
| |
| | Psa 7:2 | HERE, my God, by U skuil ek; verlos my van al my vervolgers en red my;
| |
| | Psa 7:3 | sodat hy nie soos 'n leeu my verskeur en wegruk sonder dat iemand red nie.
| |
| | Psa 7:4 | HERE, my God, as ek dit gedoen het, as daar onreg in my hande is,
| |
| | Psa 7:5 | as ek hóm kwaad aangedoen het wat in vrede met my geleef het (ja, ek het hom gered wat my sonder oorsaak vyandig was),
| |
| | Psa 7:6 | mag die vyand my dan vervolg en inhaal en my lewe teen die grond vertrap en my eer in die stof laat woon. Sela.
| |
| | Psa 7:7 | Staan op, HERE, in u toorn, verhef U teen die grimmigheid van my teëstanders en ontwaak vir my, U wat die reg beveel het!
| |
| | Psa 7:8 | En laat die vergadering van die volke U omring; keer dan bo hulle terug in die hoogte!
| |
| | Psa 7:9 | Die HERE oordeel die volke. Doen aan my reg, HERE, na my geregtigheid en na my onskuld wat by my is.
| |
| | Psa 7:10 | Laat tog die boosheid van die goddelose mense 'n einde neem, maar bevestig U die regverdige, ja, U wat harte en niere toets, o regverdige God!
| |
| | Psa 7:11 | My skild is by God wat die opregtes van hart verlos.
| |
| | Psa 7:12 | God is 'n regverdige regter, en 'n God wat elke dag toornig is.
| |
| | Psa 7:13 | As hy hom nie bekeer nie, maak Hy sy swaard skerp; Hy span sy boog en mik daarmee
| |
| | Psa 7:14 | en berei vir hom dodelike werktuie; Hy maak sy pyle brandende wapens.
| |
| | Psa 7:15 | Kyk, hy is in barensweë van onreg en is swanger van moeite; hy baar leuens.
| |
| | Psa 7:16 | Hy het 'n kuil gegrawe en dit uitgehol; maar hy het geval in die vangkuil wat hy gemaak het.
| |
| | Psa 7:17 | Die onheil wat hy gestig het, keer op sy hoof terug, en sy geweld kom op sy skedel neer.
| |
| | Psa 7:18 | Ek wil die HERE loof na sy geregtigheid en die Naam van die HERE, die Allerhoogste, psalmsing.
| |
