| |
Afrikaanse Bybel |   | |
 |
| |
| | Psa 21:1 | Vir die musiekleier. 'n Psalm van Dawid.
| |
| | Psa 21:2 | o HERE, die koning is bly oor u sterkte, en hoe baie juig hy oor u hulp!
| |
| | Psa 21:3 | U het hom die wens van sy hart gegee en die begeerte van sy lippe nie geweier nie. Sela.
| |
| | Psa 21:4 | Want U kom hom tegemoet met seëninge van die goeie; op sy hoof sit U 'n kroon van fyn goud.
| |
| | Psa 21:5 | Die lewe het hy van U begeer; U het hom dit gegee: lengte van dae, vir ewig en altyd.
| |
| | Psa 21:6 | Groot is sy eer deur u hulp; majesteit en heerlikheid het U op hom gelê.
| |
| | Psa 21:7 | Want U maak hom baie geseënd vir ewig; U maak hom bly met vreugde by u aangesig.
| |
| | Psa 21:8 | Want die koning vertrou op die HERE, en deur die goedertierenheid van die Allerhoogste sal hy nie wankel nie.
| |
| | Psa 21:9 | U hand sal al u vyande vind; u regterhand sal u haters vind.
| |
| | Psa 21:10 | U sal hulle maak soos 'n vurige oond as U verskyn; die HERE sal hulle verslind in sy toorn, en vuur sal hulle verteer.
| |
| | Psa 21:11 | U sal hulle vrug van die aarde af verdelg en hulle nageslag van die mensekinders af weg.
| |
| | Psa 21:12 | Want hulle het U met onheil bedreig; hulle het 'n listige plan uitgedink sonder om iets uit te rig.
| |
| | Psa 21:13 | Want U sal hulle dwing om te vlug; met u boogsnare sal u mik op hulle gesig.
| |
| | Psa 21:14 | Verhef U, HERE, in u sterkte; ons wil u heldekrag eer met psalmgesang!
| |
